ग्रेटर नोएडा : ग्रेटर नोएडातील जेवर परिसरात यमुना एक्सप्रेसवेवर रविवारी रात्री झालेल्या भीषण अपघातात 4 जणांचा मृत्यू झाला. भरधाव ट्रेलरने नियंत्रण गमावून डिव्हायडर तोडत विरुद्ध दिशेच्या लेनमध्ये प्रवेश केला आणि समोरून येणाऱ्या बलेनो कारला जोरदार धडक दिली. या अपघातात कारमधील चारही प्रवाशांचा मृत्यू झाला. (Greater Noida Accident)
पोलिसांच्या माहितीनुसार, 30 ऑगस्ट रोजी रात्री सुमारे 10 वाजता जेवर पोलीस ठाण्याच्या हद्दीत यमुना एक्सप्रेसवेवरील 36 किलोमीटर दूर हा अपघात झाला. डायल 112 वरून अपघाताची माहिती मिळाल्यानंतर जेवर पोलीस घटनास्थळी दाखल झाले.
उत्तर सायप्रस : उत्तर सायप्रसच्या किनाऱ्याजवळ आज दुपारी मोठी दुर्घटना घडली. २७० प्रवाशांना घेऊन जाणारी प्रवासी फेरी बोट अचानक उलटल्याने एकच खळबळ ...
ग्रेटर नोएडाचे डीसीपी रवी शंकर नीम यांनी सांगितले की, बलेनो कारमधून चार जण मथुराहून नोएडाच्या दिशेने जात होते. त्याचवेळी नोएडाकडून आग्राच्या दिशेने जाणाऱ्या ट्रेलरने अचानक नियंत्रण गमावले. ट्रेलरने रस्त्याच्या मधील दुभाजक तोडून दुसऱ्या बाजूच्या लेनमध्ये प्रवेश केला आणि बलेनोला धडक दिली. (Yamuna Expressway Accident)
धडक एवढी जोरदार होती की कारचा मोठा भाग पूर्णपणे उद्ध्वस्त झाला. चारही प्रवासी वाहनात अडकले होते. पोलिस आणि बचाव पथकांनी घटनास्थळी पोहोचून कारचे तुटलेले भाग बाजूला करत प्रवाशांना बाहेर काढले. त्यांना तातडीने जवळच्या रुग्णालयात नेण्यात आले. मात्र, डॉक्टरांनी तपासल्यानंतर चौघांनाही मृत घोषित केले. ( Noida Police)
अपघातामुळे यमुना एक्सप्रेसवेवरील वाहतूक काही काळ विस्कळीत झाली. दोन्ही बाजूंना वाहनांच्या रांगा लागल्या होत्या. पोलिस आणि बचाव पथकांनी अपघातग्रस्त वाहने आणि रस्त्यावर पडलेला मलबा हटवल्यानंतर वाहतूक पूर्ववत करण्यात आली.
मृतांची ओळख पटवण्याचे काम सुरू असून, त्यांच्या कुटुंबीयांना माहिती देण्यासाठी पोलीस प्रयत्न करत आहेत. चौघांचे मृतदेह शवविच्छेदनासाठी पाठवण्यात आले आहेत. ट्रेलर आणि चालक पोलिसांच्या ताब्यात असून ट्रेलरचे नियंत्रण नेमके कोणत्या कारणामुळे सुटले, याचा तपास केला जात आहे. ( Uttar Pradesh News)