Nashik Crime News : नाशिकमधून एक संतापजनक घटना समोर आली आहे. नाशिकच्या मालेगाव तालुक्यात मातृत्वाला काळीमा फासणारी घटना घडली आहे. पैशांच्या मोहात एका आईने आपल्याच अवघ्या पाच दिवसांच्या नवजात बाळाचा सौदा केला. धक्कादायक म्हणजे ७० हजार रुपयांना सौदा करून तिने त्या बाळाचे विकल्याचे उघडकीस आणल्याने एकच खळबळ उडाली आहे.
नेमकं प्रकरण काय ?
मिळालेल्या प्राथमिक माहितीनुसार फरजाना चांद शेख असे या प्रकरणातील आरोपी आईचे नाव आहे. फरजानाचे वैवाहिक आयुष्य फार काळ टिकले नाही. तिने जुलै महिन्यात या बाळाला जन्म दिला होता. त्यानंतर तिने पैशांसाठी या निष्पाप बाळाला विकून टाकले. एका प्रकरणाचा तपास करत असताना पोलिसांच्या हाती फरजानाची प्रसूती कागदपत्रे लागली, ज्यावरून या संपूर्ण प्रकाराचा पर्दाफाश झाला. पोलिसांच्या कसून चौकशीदरम्यान आरोपी फरजाना हिने स्वतः आपले बाळ विकल्याची कबुली दिली आहे.
छत्रपती संभाजीनगर : छत्रपती संभाजीनगर जिल्ह्यातील वैजापूरजवळ समृद्धी महामार्गावर ट्रॅव्हल्स बसचा भीषण अपघात झाला. छत्रपती संभाजीनगरच्या दिशेने ...
५ दिवसांची पोलीस कोठडी
पोलिसांनी तिला अटक करून न्यायालयात हजर केले, तेथून न्यायालयाने तिला ५ दिवसांची पोलीस कोठडी सुनावली आहे. याप्रकरणी पवारवाडी पोलीस ठाण्यात फरजानासह एकूण पाच जणांवगुन्हा दाखल करण्यात आला आहे. विशेष म्हणजे, या मानवी तस्करीच्या रॅकेटचे धागेदोरे थेट तामिळनाडूशी जोडले गेल्याची शक्यता पोलिसांकडून वर्तवण्यात आली आहे. दरम्यान, आरोपी महिला फरजाना हिच्या वकिलाने पोलिसांच्या या कारवाईवर आक्षेप घेतला आहे. पोलिसांवर खोटे दस्तऐवज तयार करून गुन्हा दाखल केल्याचा दावा त्यांनी केला आहे. त्यामुळे आता या दाव्याचींही पोलिसांकडून सत्यता पडताळून पाहिली जात आहे.