मुंबई : मुंबईत गणेशोत्सवाचा जल्लोष सुरु होणारच आहे; तेवढ्यातच आणखी एक गोड बातमी समोर आली आहे. या गणेशोत्सवात बाप्पाचे आणि सर्वांचेच आवडते मोदक घरोघरी पोहोचणार आहेत. बृहन्मुंबई महानगरपालिकेने (बीएमसी) 'मोदक महोत्सव २०२६' चे आयोजन केले आहे, ज्यामध्ये पालिकेच्या पाठिंब्याने महिला बचत गटांनी तयार केलेले पारंपरिक उकडीचे आणि तळलेले मोदक मुंबईकरांना उपलब्ध करून दिले जातील.
यंदा चांदीच्या नक्षीदार दरबारात राजा विराजमान मुंबई : जगभरातील कोट्यवधी गणेशभक्तांचे श्रद्धास्थान असलेल्या 'लालबागच्या राजा'चे प्रथम दर्शन आज ...
गणेशोत्सवाच्या काळात मोदकांना मोठी मागणी असते. ही मागणी लक्षात घेऊन, नागरिक https://shgeshop.com या संकेतस्थळावर मोदकांच्या घरपोच वितरणासाठी ऑनलाइन नोंदणी करू शकतात. ऑनलाइन नोंदणी केलेल्या नागरिकांना १४ सप्टेंबरपासून त्यांच्या ऑर्डर थेट त्यांच्या दारात मिळतील. ही घरपोच वितरण सेवा केवळ मुंबईमध्येच उपलब्ध असेल.
'मोदक महोत्सव' गणेशोत्सवाच्या संपूर्ण कालावधीत सुरू राहील. घरपोच सेवेचा लाभ घेण्यासाठी नागरिकांनी किमान एक दिवस आधी आपली ऑनलाइन नोंदणी पूर्ण करणे आवश्यक आहे, असे एका पालिका अधिकाऱ्यांकडून सांगण्यात आले आहे.
हरतालिका तृतीया हा अखंड सौभाग्य आणि पतीच्या उदंड आयुष्यासाठी मानला जाणारा अत्यंत पवित्र आणि महत्त्वाचा सण आहे. भाद्रपद महिन्याच्या शुद्ध तृतीयेला ...
या उपक्रमामुळे नागरिकांना महिला बचत गटांनी तयार केलेले दर्जेदार मोदक मिळतील, तसेच या गटांना त्यांची बाजारपेठ आणि व्यवसायाच्या संधी वाढवण्याची संधी मिळेल. संचालक (नियोजन) डॉ. प्राची जांभेकर म्हणाल्या की, हा उत्सव केवळ गणेशोत्सवाचा आनंद वाढवणार नाही, तर मुंबईकरांना महिला उद्योजकांना पाठिंबा देण्याची आणि प्रोत्साहन देण्याची संधीही देईल.
