US Ambassador Sergio Gor : 'लालबागच्या राजा'च्या दरबारी अमेरिकेचे राजदूत सर्जिओ गोर; दर्शन घेत म्हणाले, "येथील ऊर्जा आणि उत्साह अद्भुत!"

मुंबई : गणेशोत्सवाच्या पावन पर्वावर भारतातील अमेरिकेचे राजदूत (Ambassador of the United States of America ) सर्जिओ गोर (Sergio Gor) यांनी मुंबईतील प्रसिद्ध 'लालबागच्या राजा'च्या (Lalbuagcha Raja 2026) मंडपाला भेट देऊन बाप्पाचे दर्शन घेतले आणि प्रार्थना केली. सर्जिओ गोर यांनी लालबागच्या राजाच्या दरबारात उपस्थित राहणे हा आपला मोठा सन्मान असल्याचे सांगितले. येथील भक्तीमय आणि चैतन्यमयी वातावरणाने ते भारावून गेले होते. "जगात अशी फार कमी ठिकाणे आहेत जिथे असा अद्भूत उत्साह पाहायला मिळतो," अशा शब्दांत त्यांनी आपल्या भावना व्यक्त केल्या. ज्यांनी हा अनुभव घेतला नाही, त्यांनी आयुष्यात एकदा तरी लालबागच्या राजाच्या दर्शनाला नक्की यावे, असे आवाहनही त्यांनी केले. "येथील ऊर्जा आणि वातावरण शब्दात सांगणे कठीण आहे. मला इथे आमंत्रित केले गेले, हा माझा बहुमान समजतो. प्रत्येकाने इथे येऊन या सोहळ्याचा प्रत्यक्ष अनुभव घेतला पाहिजे," असे गोर म्हणाले.

PCB Major Changes : पाकिस्तान क्रिकेट बोर्डात मोठे फेरबदल होणार; आकिब जावेद आणि वहाब रियाझ यांना पदावरून हटवण्याची दाट शक्यता

नवी दिल्ली: पाकिस्तान क्रिकेटमधील ढासळलेला स्तर आणि सातत्यपूर्ण अपयशाची मालिका रोखण्यासाठी पाकिस्तान क्रिकेट बोर्ड (PCB) कठोर पावले उचलण्याच्या ...

उत्साहात गणेशोत्सव साजरा

सध्या संपूर्ण महाराष्ट्र आणि देशाच्या कानाकोपऱ्यात १० दिवसांचा गणेशोत्सव मोठ्या उत्साहात साजरा केला जात आहे. भाविक आपल्या घरी आणि सार्वजनिक मंडपांमध्ये लाडक्या गणरायाचे स्वागत करत आहेत. मुंबई हे गणेशोत्सवाचे मुख्य केंद्र मानले जाते. 'गणपती बाप्पा मोरया'च्या (Ganpati Bappa Morya) जयघोषात दरवर्षी हजारो-लाखो भाविक लालबागच्या राजाच्या चरणी नतमस्तक होतात. लालबागचा राजा ही केवळ एक गणेशमूर्ती नसून, ती मुंबईकरांची अखंड श्रद्धा, कलात्मकता आणि उत्सवप्रियतेचे प्रतीक मानली जाते.

लालबागच्या राजाचा गौरवशाली इतिहास

पुतळाबाई चाळ येथे स्थित 'लालबागचा राजा सार्वजनिक गणेशोत्सव मंडळ' ही मुंबईतील अत्यंत प्रतिष्ठित संस्था आहे. या मंडळाची स्थापना १९३४ मध्ये झाली असून, तेव्हापासून हा गणेशोत्सव मुंबईच्या सांस्कृतिक ओळखीचा अविभाज्य भाग बनला आहे. गेल्या आठ दशकांहून अधिक काळापासून 'कांबळी कुटुंब' अत्यंत श्रद्धेने आणि परंपरेने लालबागच्या राजाची मूर्ती घडवण्याचे काम करत आहे.

विघ्नहर्त्याचा जयजयकार

भाद्रपद महिन्यातील शुक्ल पक्षाच्या चतुर्थीला सुरू होणारा हा गणेशोत्सव अनंत चतुर्दशीला संपन्न होतो. गणेशोत्सवाचा हा सण श्री गणेशाला 'नवीन सुरुवातीची देवता', 'विघ्नहर्ता' आणि 'बुद्धीची देवता' म्हणून सन्मानित करण्यासाठी साजरा केला जातो.