Gold Silver Price Today : सोने-चांदी खरेदी करणाऱ्या ग्राहकांसाठी महत्त्वाची बातमी आहे. ऐन सणासुदीत सोन्याचे भाव घसरले असल्याने सोने खरेदी करणाऱ्या ग्राहकांना काहीसा दिलासा मिळणार आहे. आज, १५ सप्टेंबर रोजी देशातील सराफा बाजारात सोन्याच्या दरात घसरण झाली आहे, तर चांदीच्या किमतीत कोणताही बदल झालेला नाही. सोन्याचा भाव ५०० रुपयांनी कमी होऊन १ लाख ५५ हजार ४०० रुपये प्रति १० ग्रॅम झाला आहे. दुसरीकडे, चांदीचा दर २ लाख ३४ हजार ६०० रुपये प्रति किलो इतका स्थिर आहे.
सोन्याच्या दरात ५०० रुपयांची घट
आज ९९.९ टक्के शुद्धतेच्या सोन्याच्या दरात ५०० रुपयांची घसरण झाली. त्यामुळे सोन्याचा भाव १,५५,४०० रुपये प्रति १० ग्रॅमवर आला आहे. मागील सत्रात, म्हणजेच १४ सप्टेंबर रोजी सोन्याचा दर १,५५,९०० रुपये प्रति १० ग्रॅम होता. गेल्या काही दिवसांपासून सोन्याच्या दरात चढ-उतार सुरू आहेत. आंतरराष्ट्रीय बाजारातील घडामोडी, डॉलरच्या किमतीतील बदल, कच्च्या तेलाचे दर आणि जागतिक आर्थिक परिस्थितीचा परिणाम सोन्याच्या भावावर होत असतो. आजच्या घसरणीमागे जागतिक बाजारातील विक्रीचा दबाव हे एक कारण असल्याचे सांगितले जात आहे. (Gold Silver Price Today)
मुंबई : कर्मचारी भविष्य निर्वाह निधी संघटनेने (EPFO) आपल्या सदस्यांसाठी PF खात्यातून पैसे काढण्याच्या नियमांमध्ये महत्त्वाचे बदल केले आहेत. गरजेच्या वेळी ...
चांदीच्या दरात कोणताही बदल नाही
सोन्याच्या दरात घट झाली असली, तरी चांदीचा भाव आज स्थिर आहे. देशभरात चांदीचा दर २,३४,६०० रुपये प्रति किलो इतका आहे. त्यामुळे चांदी खरेदी करणाऱ्या ग्राहकांना आज दरघटीचा फायदा मिळालेला नाही, मात्र दरवाढीचाही अतिरिक्त फटका बसलेला नाही. जागतिक बाजारातही आज सोने आणि चांदीच्या दरात घसरण झाल्याचे दिसून आले. (Gold Silver Price Today)
आंतरराष्ट्रीय बाजारातही सोने-चांदी घसरले
उपलब्ध माहितीनुसार, स्पॉट गोल्डचा भाव ५७.२२ डॉलर म्हणजेच सुमारे १.३ टक्क्यांनी घसरून ४,२९१.७१ डॉलर प्रति औंस झाला आहे. त्याचप्रमाणे, चांदीच्या दरात जवळपास ३ टक्क्यांची घट झाली असून, चांदीचा भाव ६२.८२ डॉलर प्रति औंस इतका नोंदवण्यात आला आहे. डॉलरमध्ये झालेली तेजी आणि कच्च्या तेलाच्या किमतीतील बदल यांचा परिणाम मौल्यवान धातूंच्या दरावर होत असल्याचे सांगितले जात आहे. जागतिक बाजारातील या घडामोडींचा परिणाम देशांतर्गत सोने-चांदीच्या किमतींवरही होऊ शकतो.
टीप : सोने-चांदीचे दर शहर, कर, मेकिंग चार्जेस आणि विक्रेत्यानुसार बदलू शकतात. खरेदी करण्यापूर्वी स्थानिक सराफा बाजारातील ताजे दर तपासावेत.