Kasarvadavali Flyover: ऐन गणेशोत्सवात ठाणेकरांची वाहतूक कोंडी वाढली, कासारवडवली ओव्हर ब्रिज बंद

ठाणे: ठाणेकरांच्या दृष्टीने महत्त्वाची बातमी आहे. ऐन गणेशोत्सवाच्या दिवसांमध्ये ठाणेकरांना आणखीन वाहतूक कोंडीची समस्या उद्भवण्याची शक्यता आहे. अनिश्चित काळासाठी कासारवडवली ओव्हर ब्रिज ठेवण्यात येणार आहे. MMRDA कडून ब्रिजच्या तपासणीचे काम हाती घेण्यात येणार आहे. त्यामुळे आज रात्रीपासून अनिश्चित काळापर्यंत ठाणेकरांना पर्यायी मार्गाने वाहतूक करावी लागणार आहे. कासरवडवली वाहतूक उपविभागाच्या हद्दीमध्ये हे महत्त्वाचे काम हाती घेण्यात येणार आहे.



कासारवडवली वाहतूक उपविभागाच्या हददीत, MMRDA कडून कासारवडवली ओव्हर ब्रिजचे तपासणीचे (INSPECTION) काम करण्यात येणार आहे. कासारवडवली ओव्हर ब्रिज हा सर्व प्रकारच्या वाहनांकरिता दिनांक १५/०९/२०२६ पासून अर्थात आजपासून मध्यरात्री १२ वाजल्यापासून ओव्हर ब्रिजचे तपासणीचे काम पूर्ण होईपर्यंत पूर्णपणे बंद करून सर्व प्रकारची वाहतूक ही स्लिप रोड मार्गे वळविण्यात येणार असल्याची माहिती देण्यात आली आहे. त्यामुळे या परिसरामध्ये वाहतूक कोंडी होऊ नये आणि प्रवाशांना त्रास होऊ नये, यासाठी वाहतूकदारांना पर्यायी मार्गांचा वापर करण्याचा सल्ला दिला आहे.

 

🚨 वाहतूक अधिसूचना | कासारवडवली
कासारवडवली ओव्हर ब्रिज येथे Inspection कामासाठी दि. १५/०९/२०२६ रोजी रात्री २४:०० वा. पासून वाहतूक बदल करण्यात येत आहे.
नागरिकांनी पर्यायी मार्गांचा वापर करून वाहतूक पोलिसांना सहकार्य करावे. #ThanePolice #TrafficUpdate #ThaneTraffic #Kasarvadavali pic.twitter.com/HJCaYCfZzm

— ठाणे पोलीस.. Thane Police (@ThaneCityPolice) September 15, 2026

ठाण्याकडून घोडबंदर गुजरात रोडच्या दिशेने जाणाऱ्या सर्व प्रकारच्या वाहनांना कासारवडवली ओव्हर ब्रिजचे सुरवातीलाच 'प्रवेश बंदी' करण्यात आली आहे. त्यामुळे जड- अवजड वाहनांना आज मध्यरात्रीपासून, ठाणे दिशेकडून घोडबंदर गुजरात रोडच्या दिशेने जाण्यासाठी कासारवडवली ओव्हर ब्रिज लगतच्या स्लिप रोड मार्गे पुढे इच्छित स्थळी जाण्याचा पर्याय देण्यात आला आहे. शिवाय, हलक्या वाहनांकरिताही पर्यायी मार्ग देण्यात आला आहे. ठाणे दिशेकडून घोडबंदर गुजरात रोडच्या दिशेने जाणारे छोटी वाहने (कार, ऑटो रिक्षा, टु व्हिलर, पोलीस व्हॅन, फायर ब्रिगेडची गाडी, रूग्णवाहिका, गणेश मुर्ती विर्सजनातील वाहने आणि इतर अत्यावश्यक वाहने) ह्यांना विजय गार्डनजवळील डी मार्ट आणि कासारवडवली पोलीस स्टेशनच्या पुढे उजवीकडे वळण घेऊन सरळ ग्रॅन्ड स्क्वेअर चौक, विहंग व्हॅली चौक, टायटन हॉस्पिटल येथून डावे वळण घेऊन ठाणे घोडबंदर मुख्य वाहिनीवरून पुढे इच्छित स्थळी जाऊ शकणार आहेत.



ठाणे आरटीओकडून दुसरा पर्यायी मार्गाचाही वाहतूकदारांना वापर करण्याचा सल्ला दिला आहे. ठाणे दिशेकडून घोडबंदर गुजरात रोडच्या दिशेने जाणाऱ्या छोटी वाहने (कार, ऑटो रिक्षा, टु व्हिलर, पोलीस व्हॅन, फायर ब्रिगेडची गाडी, रूग्णवाहिका, गणेश मुर्ती विर्सजनातील वाहने आणि इतर अत्यावश्यक वाहने) ही आनंद नगर सिग्नल वरून डावे वळण घेऊन ग्रॅन्ड स्क्वेअर चौक, विहंग व्हॅली चौक, टायटन हॉस्पीटल येथून डावे वळण घेवून ठाणे घोडबंदर मुख्य वाहिनीवरून पुढे इच्छित स्थळी जाऊ शकणार आहेत. ब्रिजच्या तपासणीचं काम, १५/०९/२०२६ पासून (आजपासून) रात्री १२ वाजल्यापासून ओव्हर ब्रिजचे तपासणीचे काम अनिश्चित काळासाठी सुरू राहण्याची शक्यता आहे.