मुंबई : पंतप्रधान नरेंद्र मोदी यांच्या ७६ व्या वाढदिवसानिमित्त मुंबईतील मलबार हिल येथील ऐतिहासिक आणि पवित्र बाणगंगा परिसरात एका दिमाखदार आणि भक्तिभावपूर्ण महाआरतीचे आयोजन करण्यात आले. महाराष्ट्र राज्याचे कॅबिनेट मंत्री मंगल प्रभात लोढा यांच्या प्रमुख उपस्थितीत संपन्न झालेल्या या सोहळ्यात मोठ्या संख्येने भाविक आणि नागरिक सहभागी झाले होते.(Mumbai Banganga Aarti)
उत्तम आरोग्य आणि दीर्घायुष्यासाठी प्रार्थना
पंतप्रधान नरेंद्र मोदी यांच्या वाढदिवसानिमित्त आयोजित या विशेष कार्यक्रमात उपस्थित सर्व मान्यवर आणि भाविकांनी देशसेवेसाठी त्यांना उत्तम आरोग्य, सुयश आणि दीर्घायुष्य लाभावे, यासाठी प्रार्थना केली. यावेळी बाणगंगा परिसर पूर्णपणे देशभक्ती आणि भक्तीमय वातावरणात न्हाऊन निघाला होता.(Mumbai Banganga Aarti)
या प्रसंगी आपल्या भावना व्यक्त करताना मंत्री मंगल प्रभात लोढा म्हणाले,
मुंबई (विशेष प्रतिनिधी): मुंबई महानगरातील दळणवळणाची व्‍यवस्‍था अखंड आणि एकीकृत करण्‍याच्‍या उद्देशाने मुंबई महानगरपालिकेने विविध ठिकाणी उड्डाणपूल ...
“आदरणीय पंतप्रधान नरेंद्र मोदी यांच्या वाढदिवसानिमित्त बाणगंगा येथे महाआरती करून त्यांना उत्तम आरोग्य आणि दीर्घायुष्य लाभावे, यासाठी प्रार्थना केली. पंतप्रधान मोदी यांच्या नेतृत्वाखाली भारत देश विकासाच्या विविध क्षेत्रांत झपाट्याने पुढे जात आहे. देशाच्या विकासाचा संकल्प आणि जनसेवेची भावना अधिक दृढ व्हावी, यासाठी आजच्या या पवित्र स्थळी प्रार्थना केली आहे.”
ते पुढे म्हणाले की, आपल्या भारतीय संस्कृतीत धार्मिक श्रद्धा आणि राष्ट्रसेवा यांना सदैव विशेष महत्त्व देण्यात आले आहे. अशा मंगलमय प्रसंगी देशाच्या प्रगतीसाठी आणि प्रत्येक नागरिकाच्या सुख-समृद्धीसाठी प्रार्थना करणे ही आपल्या सर्वांची सामूहिक भावना असल्याचे त्यांनी नमूद केले.(Mumbai Banganga Aarti)
बाणगंगा परिसरात नागरिकांचा उत्साह
महाआरतीदरम्यान बाणगंगा परिसरात एक वेगळाच आध्यात्मिक आणि उत्साही माहोल पाहायला मिळाला. उपस्थित नागरिकांनी, कार्यकर्त्यांनी आणि स्थानिकांनी पंतप्रधान मोदींना वाढदिवसाच्या मनःपूर्वक शुभेच्छा दिल्या. तसेच देशात शांतता, समृद्धी आणि अखंड प्रगती कायम राहावी, यासाठी सदिच्छा व्यक्त करण्यात आल्या. या महत्त्वपूर्ण सोहळ्यास स्थानिक नगरसेवक, विविध क्षेत्रांतील मान्यवर तसेच मोठ्या संख्येने भाविक उपस्थित होते.(Mumbai Banganga Aarti)