Satara Crime News : कपड्यांवर मिरचीची पूड, चेहऱ्यावर जखमा अन् रस्त्याच्या कडेला तरुणीचा संशयास्पद मृतदेह; परिसरात खळबळ

Satara Crime News : भोर-शिरवळ मार्गावरील राजेवाडी (ता. खंडाळा, जि. सातारा) हद्दीत एका तरुणीचा संशयास्पद मृतदेह आढळल्याने परिसरात खळबळ उडाली आहे. अंदाजे 25 ते 30 वर्षे वयाच्या तरुणीचा मृतदेह रस्त्याच्या कडेला झाडाझुडपांमध्ये पालथ्या अवस्थेत आढळून आला. धक्कादायक बाब म्हणजे, तिच्या कपड्यांवर तसेच अंगावर मिरचीची पूड आढळली असून, चेहऱ्यावरही जखमा आहेत. या घटनेमुळे हा अपघात आहे की घातपात, असा प्रश्न उपस्थित झाला आहे. पोलिसांनी सध्या अकस्मात मृत्यूची नोंद केली असून, खुनाच्या संशयातूनही तपास सुरू केला आहे.



झाडाझुडपांत आढळला मृतदेह


सोमवारी सायंकाळी भोर-शिरवळ मार्गावरून जाणाऱ्या काही नागरिकांच्या निदर्शनास राजेवाडी परिसरातील निर्जन वळणावर झाडाझुडपांमध्ये मृतदेह पडलेला दिसला. त्यांनी तातडीने याची माहिती पोलिसांना (Shirwal Police Station) दिली. माहिती मिळताच शिरवळ पोलिसांचे पथक घटनास्थळी दाखल झाले. पोलिसांनी मृतदेहाची पाहणी केली असता तरुणीच्या तोंडावर आणि चेहऱ्यावर जखमांच्या खुणा आढळून आल्या. (Satara Crime News)






कपड्यांवर मिरचीची पूड


तरुणीच्या अंगावर आणि कपड्यांवर मिरचीची पूड आढळून आल्याने प्रकरणाचे गांभीर्य वाढले आहे. तिच्या चेहऱ्यावरील जखमा आणि घटनास्थळावरील परिस्थिती पाहता, हा प्रकार अपघाती मृत्यूचा नसून घातपाताचा असण्याची शक्यता पोलिसांकडून तपासली जात आहे. वरिष्ठ पोलीस निरीक्षक महेश इंगळे यांच्या माहितीनुसार, या प्रकरणात सर्व शक्यता तपासल्या जात असून तपासाची दिशा खुनाच्या संशयातूनही पुढे नेली जात आहे. (Satara Crime News)



तरुणीची ओळख अद्याप पटलेली नाही


दरम्यान, मृत तरुणीची अद्याप ओळख पटलेली नाही. पोलिसांकडून परिसरातील बेपत्ता महिलांची आणि तरुणींची माहिती घेतली जात आहे. तिची ओळख पटवण्यासोबतच मृत्यूचे नेमके कारण आणि घटनाक्रम समोर आणण्यासाठी शिरवळ पोलिसांकडून तपास सुरू आहे. तरुणीचा मृत्यू नेमका कसा झाला? तिला घटनास्थळी आणण्यात आले होते का? आणि कपड्यांवर मिरचीची पूड कशी आली? या प्रश्नांची उत्तरे तपासातून समोर येणार आहेत.

Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Crime News : 'तुला सरकारी नोकरी लावून देतो' सांगत घातला 40 लाखांचा गंडा; वडापाव विकणाऱ्या दाम्पत्याची मोठी फसवणूक

कल्याण : कल्याणमध्ये वडापावचा व्यवसाय करणाऱ्या एका दाम्पत्याला सरकारी नोकरी मिळवून देण्याचे आमिष दाखवून 40