सीबीआयच्या नव्या FIR नंतर प्रकरण पुन्हा चर्चेत
मुंबई : सेलिब्रिटी मॅनेजर दिशा सालियन यांच्या मृत्यू प्रकरणाने पुन्हा एकदा चर्चेला उधाण आले आहे. मुंबई उच्च न्यायालयाच्या आदेशानंतर सीबीआयने या प्रकरणात नव्याने FIR दाखल केली आहे. दिशाचे वडील सतीश सालियन यांच्या जबाबाच्या आधारे ही FIR नोंदवण्यात आली असून, त्यामध्ये अनेक व्यक्तींच्या भूमिकेची चौकशी करण्याचा उल्लेख आहे. मात्र, FIR मध्ये नाव असणे म्हणजे संबंधित व्यक्तीला आरोपी ठरवण्यात आले आहे, असे नाही. ( Disha Salian Case)
या प्रकरणात समोर आलेल्या व्यक्तींची नावे
मुंबई उच्च न्यायालयाच्या (Mumbai High Court) आदेशानंतर केंद्रीय अन्वेषण विभागाने (CBI) या प्रकरणात एफआयआर (FIR) दाखल केला आहे. या प्रकरणात आदित्य ठाकरे, उद्धव ठाकरे, दिनो मोरिया, सूरज पांचोली, रिया चक्रवर्ती, सचिन वाझे, परमबीर सिंह आणि इतर काही व्यक्तींच्या नावांचा उल्लेख असल्याचे वृत्त आहे. सीबीआय या प्रकरणातील आधीचे पोलीस रेकॉर्ड, वैद्यकीय आणि फॉरेन्सिक कागदपत्रे तसेच संबंधित व्यक्तींचे जबाब तपासणार आहे. ( Aaditya Thackeray)
मुंबई: राज्यातील आरोग्यसेवा आणखीन सुधारण्यासाठी आणि नागरिकांना उत्तम पद्धतीची सेवा लाभण्यासाठी वैद्यकीय शिक्षण आणि आरोग्यसेवेत राज्याची मोठी झेप ...
अमित ठाकरेंनी दिली पहिली प्रतिक्रिया
दरम्यान, मनसे नेते अमित ठाकरे यांनी दिशा सालियन प्रकरणावर प्रथमच प्रतिक्रिया दिली आहे. आदित्य ठाकरे हे आपले भाऊ असल्याने आपण त्यांना चांगले ओळखतो आणि ते अशा प्रकारच्या घटनेत सहभागी होऊ शकत नाहीत, असे अमित ठाकरे यांनी म्हटले आहे. या प्रकरणाचा न्यायालयीन लढा सुरू असून सत्य तपासातून समोर येईल, अशी भूमिकाही त्यांनी मांडली.
दिशा सालियन प्रकरणात आदित्य ठाकरे म्हणाले....
आदित्य ठाकरे यांनी यापूर्वी दिशा सालियन यांच्याशी आपली कोणतीही भेट किंवा ओळख नसल्याचे सांगत आरोप फेटाळले आहेत. नव्याने होणारा तपास निष्पक्षपणे व्हावा, अशी मागणी त्यांनी केली आहे.
घटनेला ६ वर्ष झाली तरीसुध्दा?
दिशा सालियन यांचा 8 जून 2020 रोजी मुंबईतील मालाड परिसरातील एका इमारतीच्या 14 व्या मजल्यावरून पडून मृत्यू झाला होता. त्यानंतर 14 जून रोजी अभिनेता सुशांत सिंह राजपूत ( Sushant Singh Rajput) याचा मृत्यू झाला. दोन्ही घटनांमुळे गेल्या काही वर्षांपासून विविध चर्चा आणि आरोप होत आहेत. आता सीबीआयच्या नव्या तपासामुळे या प्रकरणातील पुढील घडामोडींवर लक्ष लागले आहे.
