Kursk Nuclear Plant Attack: रशियाच्या कुर्स्क अणुऊर्जा प्रकल्पावर ड्रोन हल्ला; IAEA कडून चिंता व्यक्त, अणुसुरक्षेचा प्रश्न ऐरणीवर

मॉस्को : रशिया आणि युक्रेन यांच्यातील युद्धादरम्यान अणुऊर्जा प्रकल्पाच्या सुरक्षिततेचा प्रश्न पुन्हा एकदा ऐरणीवर आला आहे. रशियातील कुर्स्क अणुऊर्जा प्रकल्पाच्या एका रिअॅक्टर युनिटच्या कूलिंग टॉवरवर ड्रोनने हल्ला केल्याची माहिती आंतरराष्ट्रीय अणुऊर्जा संस्था अर्थात IAEA ने दिली आहे. या घटनेनंतर अणुऊर्जा सुविधांवरील हल्ल्यांबाबत संस्थेने चिंता व्यक्त केली असून, लष्करी कारवायांमध्ये जास्तीत जास्त संयम बाळगण्याचे आवाहन केले आहे. (Kursk Nuclear Plant Drone Attack)

कुर्स्क अणुऊर्जा प्रकल्पाच्या कूलिंग टॉवरला लक्ष्य

IAEA च्या माहितीनुसार, १७ सप्टेंबर रोजी पहाटे कुर्स्क अणुऊर्जा प्रकल्पातील एका रिअॅक्टर युनिटच्या कूलिंग टॉवरला ड्रोनने धडक दिली. हल्ला झाला, त्यावेळी संबंधित रिअॅक्टर सुरू होता. मात्र, या घटनेनंतर रिअॅक्टरच्या कार्यपद्धतीत कोणताही बदल झाला नसल्याचे आणि घटनास्थळी आग लागली नसल्याचे संस्थेने स्पष्ट केले.

🚨 BREAKING: A drone struck a cooling tower at Russia’s Kursk Nuclear Plant, with no reported radiological impact. In Ukraine, a Russian drone hit an Odesa office building, injuring seven, while strikes also hit the Kirovohrad region. pic.twitter.com/QYLmqMDebI

— HINT News (@9415st) September 18, 2026

रशियाची सरकारी अणुऊर्जा कंपनी Rosatom नेही या घटनेबाबत माहिती दिली आहे. कंपनीच्या म्हणण्यानुसार, प्रकल्पातील पहिल्या रिअॅक्टरला किरकोळ नुकसान झाले असून, त्याचे कामकाज प्रभावित झालेले नाही. रिअॅक्टर पूर्ण क्षमतेने सुरू असल्याचा आणि किरणोत्सर्गाची पातळी सामान्य मर्यादेत असल्याचा दावाही कंपनीने केला आहे. (Kursk Nuclear Plant Drone Attack)

IAEA चा इशारा; लष्करी संयमाचे आवाहन

The IAEA has been informed that the cooling tower of a reactor unit of the Kursk Nuclear Power Plant in the Russian Federation was hit by a drone early on Thursday. It was reported that the unit was operating at the time, but its operating mode did not change and there was no… pic.twitter.com/UHKyNrChcw

— IAEA - International Atomic Energy Agency ⚛️ (@iaeaorg) September 18, 2026

IAEA चे महासंचालक राफेल ग्रॉसी यांनी अणुऊर्जा सुविधांवरील सर्व प्रकारचे हल्ले अस्वीकार्य असल्याचे म्हटले आहे. अशा हल्ल्यांमुळे अणुसुरक्षा आणि सुरक्षिततेला धोका निर्माण होऊ शकतो. त्यामुळे संभाव्य अणु दुर्घटना टाळण्यासाठी सर्व संबंधित पक्षांनी जास्तीत जास्त लष्करी संयम बाळगावा, असे आवाहन त्यांनी केले.

रशिया-युक्रेन संघर्षात अणुसुरक्षेची चिंता

रशिया आणि युक्रेन यांच्यातील संघर्षादरम्यान ऊर्जा आणि औद्योगिक पायाभूत सुविधांवर हल्ले सुरू आहेत. अणुऊर्जा प्रकल्पांच्या परिसरातील लष्करी हालचालींमुळे संभाव्य दुर्घटनेचा धोका वाढू शकतो, अशी चिंता आंतरराष्ट्रीय स्तरावर व्यक्त केली जात आहे.

दरम्यान, कुर्स्क अणुऊर्जा प्रकल्पावरील ड्रोन हल्ल्याची जबाबदारी कोणी स्वीकारली, याबाबत IAEA ने आपल्या निवेदनात स्पष्ट माहिती दिलेली नाही. त्यामुळे हल्ल्यामागील जबाबदार पक्षाबाबत निष्कर्ष काढणे अद्याप योग्य ठरणार नाही.(Kursk Nuclear Plant Drone Attack)