नवी दिल्ली: भारतीय अर्थव्यवस्थेसाठी एक अत्यंत दिलासादायक आणि सकारात्मक बातमी समोर आली आहे. रेटिंग एजन्सी मूडीज (Moody's) नंतर आता फिच रेटिंग्स (Fitch Ratings) ने देखील भारताच्या आर्थिक विकासाबाबतचा आपला दृष्टिकोन अधिक सकारात्मक केला आहे. फिचने चालू वित्त वर्ष 2026-27 साठी भारताच्या सकल देशांतर्गत उत्पादनाच्या (जीडीपी) वाढीचा अंदाज ६.४ टक्क्यांवरून थेट ६.९ टक्क्यांपर्यंत वाढवला आहे. एजन्सीने एप्रिल ते जून या पहिल्या तिमाहीतील मजबूत आर्थिक वाढीचा आणि अर्थव्यवस्थेच्या एकूण मजबुतीचा हवाला देत हा अंदाज वर्तवला आहे.(India GDP growth)
मजबूत आर्थिक वाढ आणि आव्हानांवर मात
फिचने स्पष्ट केले आहे की, चालू वित्त वर्ष 2026-27 मध्ये देशाचा एकूण जीडीपी विकास दर 6.9 टक्के राहण्याची शक्यता आहे. यापूर्वी जून महिन्यात फिचने 6.4 टक्के वाढीचा अंदाज वर्तवला होता. विशेष म्हणजे, एप्रिल-जून या पहिल्या तिमाहीत भारताने 7.8 टक्क्यांची जबरदस्त वाढ नोंदवली आहे. 2026च्या पहिल्या सहामाहीत व्यापाराच्या अटींमध्ये मोठी घसरण झाली असताना आणि अमेरिका-इराण युद्धामुळे जागतिक पातळीवर निर्माण झालेल्या अनिश्चिततेच्या धक्क्यांदरम्यान देखील भारतीय अर्थव्यवस्थेने दाखवलेली लवचिकता आणि मजबुती खरोखरच कौतुकास्पद असल्याचे फिचने म्हटले आहे.(India GDP growth)
Raigad Crime News : आई-वडिलांमधील घरगुती वाद मिटवण्यासाठी मध्ये पडलेल्या २४ वर्षीय मुलाचा वडिलांच्या हल्ल्यात मृत्यू झाल्याची धक्कादायक घटना रायगड ...
खासगी गुंतवणूक आणि कर्जाला वाढती मागणी
रेटिंग एजन्सीच्या मते, आगामी काळात खासगी गुंतवणुकीच्या शक्यता अधिक मजबूत दिसत असून, गुंतवणुकीत 10 टक्क्यांहून अधिक वाढ होण्याचा अंदाज आहे. याशिवाय, जुलै महिन्यात बिगर-अन्न कर्जाची वाढ वार्षिक आधारावर 19 टक्के नोंदवली गेली, जी व्यावसायिक उलाढालीची गती दर्शवते. मात्र, फिचने असा देखील अंदाज वर्तवला आहे की, उर्वरित वित्त वर्षात भारताच्या आर्थिक वाढीचा वेग काहीसा मंदावण्याची शक्यता असू शकते.(India GDP growth)
आरबीआयच्या धोरणांवर नजर
मजबूत देशांतर्गत मागणी, किमतींमध्ये वाढ आणि प्रतिकूल पुरवठ्याशी संबंधित घडामोडी लक्षात घेता, रिझर्व्ह बँक ऑफ इंडिया (RBI) ऑक्टोबरमध्ये होणाऱ्या पतधोरण समितीच्या (MPC) बैठकीत रेपो दरात 0.25 टक्क्यांपर्यंत वाढ करून तो 5.5 टक्के करू शकते, असा अंदाज फिचने व्यक्त केला आहे.(India GDP growth)
दुष्काळी भागांतील दौऱ्यात मुख्यमंत्री फडणवीस यांची घोषणा; रब्बी पिकांसाठीही मदत, पाणी-चाऱ्याचे नियोजन मुंबई : मराठवाड्यातील दुष्काळाची तीव्रता ...
गेल्या आठवड्यात मूडीज रेटिंग्सनेही भारताच्या आर्थिक वाढीचा अंदाज 6 टक्क्यांवरून वाढवून 7 टक्के केला होता. मागील वित्त वर्ष 2025-26 मध्येही भारताचा जीडीपी 7.8 टक्के दराने वाढला होता. या सर्व जागतिक रेटिंग्सच्या सुधारित अंदाजांमुळे जागतिक पटलावर भारतीय अर्थव्यवस्थेचा पाया अधिक मजबूत असल्याचे पुन्हा एकदा सिद्ध झाले आहे.किंग खान लालबागच्या राज्याच्या दर्षनासाठी सहा परिवार दाखल