- मुख्यमंत्री देवेंद्र फडणवीस; ‘ट्रिगर वन’नुसार निर्णय, हेक्टरी मदत, चारा-पाणीटंचाईवर उपाय आणि रब्बी पेरणीसाठी मदत देणार
मुंबई : राज्यातील पिकांची गंभीर स्थिती आणि मोठ्या प्रमाणातील दुष्काळसदृश परिस्थितीच्या पार्श्वभूमीवर शुक्रवारी दुष्काळ जाहीर करण्यासंदर्भातील शासन आदेश काढण्यात येणार असल्याची माहिती मुख्यमंत्री देवेंद्र फडणवीस यांनी गुरुवारी दिली. दुष्काळ संहितेतील ‘ट्रिगर वन’नुसार हा निर्णय घेतला जाणार असून, एखादा दुष्काळग्रस्त भाग त्यातून राहिल्यास ‘ट्रिगर थ्री’नुसार त्याचा समावेश केला जाईल, असे फडणवीस यांनी स्पष्ट केले. (CM Devendra Fadnavis)
अमरावती विमानतळावर माध्यमांशी संवाद साधताना फडणवीस यांनी राज्यातील पिकांच्या परिस्थितीचा आढावा मांडला. सोयाबीनसह काही भागातील कापूस, उडीद आणि तूर या पिकांवर संकट निर्माण झाल्याचे त्यांनी सांगितले. शेतकऱ्यांना कोणत्या प्रकारे मदत करता येईल, यासाठी सरकारकडून प्रयत्न सुरू असल्याचेही त्यांनी नमूद केले. (CM Devendra Fadnavis)
prahaar.in/2026/09/24/evidence-in-the-disha-salian-case-handed-over-to-the-cbi-pen-drive-submitted-by-her-father-satish-salian-demand-for-immediate-action-against-the-guilty/
दुष्काळ जाहीर करताना राज्यातील मोठ्या प्रमाणात प्रभावित झालेल्या भागांचा समावेश केला जाईल, असे फडणवीस यांनी सांगितले. दुष्काळी परिस्थितीत शेतकऱ्यांना विविध प्रकारची मदत करावी लागणार असून, विशेषतः चारा आणि पाणीटंचाईच्या प्रश्नावर कार्यवाही केली जाणार असल्याचे त्यांनी स्पष्ट केले.
अन्नधान्याची कमतरता भासू नये यासाठीही सरकारकडून उपाययोजना करण्यात येतील. शेतकऱ्यांना थेट हेक्टरी मदत देण्याची तयारी असून, त्यांच्या मुलांच्या शिक्षणात खंड पडू नये यासाठीही उपाययोजना केल्या जातील, असे फडणवीस यांनी सांगितले. ज्या भागात पाणी उपलब्ध होऊ शकते, त्या ठिकाणी रब्बी हंगामाची पेरणी करता यावी यासाठीही मदत करण्याचा सरकारचा प्रयत्न असेल. (CM Devendra Fadnavis)
नवी मुंबई : गणपती बाप्पाची मूर्ती विसर्जित झाली आणि काही दिवसांनी त्याच मूर्तीचं रूप एखाद्या मुलाच्या अभ्यासाच्या टेबलात बदललं, तर ही कल्पना निश्चितच ...
गंभीर परिस्थितीत रोजगाराची उपलब्धता वाढविण्यासाठी जास्तीत जास्त कामे हाती घेण्याचा सरकारचा प्रयत्न असेल, असेही फडणवीस यांनी सांगितले. त्यामुळे दुष्काळग्रस्त भागातील शेतकरी आणि ग्रामीण भागातील नागरिकांना रोजगार उपलब्ध करून देण्यावरही सरकारचा भर राहणार असल्याचे त्यांनी स्पष्ट केले. (CM Devendra Fadnavis)