Prahaar Trailer: उज्ज्वल निकम यांच्या बायोपिकचा ट्रेलर मुंबईच्या ऐतिहासिक ठिकाणी रिलीज होणार, प्रेक्षकांची उत्सुकता शिगेला...

मुंबई: गेल्या वर्षी बॉक्स ऑफिसवर अनेक बायोपिकने चांगलाच धुमाकूळ घातला. त्या व्यक्तीच्या आयुष्य रूपेरी पडद्यावर पाहणं प्रेक्षकांच्या आवडीचा विषय आहे. पुन्हा एकदा बॉक्स ऑफिस गाजवण्यासाठी आणखी एक चित्रपट सज्ज होत आहे. प्रसिद्ध ज्येष्ठ सरकारी वकील 26-11 प्रकरणाचे वकील उज्ज्वल निकम यांच्या जीवनावर आधारित चित्रपट लवकरच प्रेक्षकांच्या भेटीला येणार आहे. येत्या 29 सप्टेंबरला 'प्रहार: द उज्ज्वल निकम स्टोरी'चा ट्रेलर प्रेक्षकांच्या भेटीला येणार आहे. या चित्रपटाचा ट्रेलर 26-11 घटना घडलेल्या मुंबईच्या छत्रपती शिवाजी महाराज टर्मिनसवर रिलीज करण्यात येणार आहे.



मध्य रेल्वेवरील कायमच गजबजलेलं स्थानक म्हणून छत्रपती शिवाजी महाराज टर्मिनलकडे पाहिलं जातं. या स्थानकावरून उपनगरीय लोकल आणि देशभरातील लांबपल्ल्याच्या मेल- एक्स्प्रेस धावतात. 26 नोव्हेंबर 2008 रोजी रात्रीच्या अजमल कसाब नावाच्या दहशतवाद्याने मुंबई सीएसएमटी स्थानकासह ताज हॉटेल आणि काही ठिकाणी बेछुट गोळीबार करत शेकडो नागरिकांचे प्राण त्याने घेतले होते. या घटनेविषयी आजही बोलताना आपसुकच मुंबईकरांच्या डोळ्यातून पाणी आल्याशिवाय राहत नाही. याच प्रकरणावर आधारित 'प्रहार: द उज्ज्वल निकम स्टोरी' चित्रपटाचा ट्रेलर येत्या 29 सप्टेंबरला रिलीज होणार आहे. छत्रपती शिवाजी महाराज टर्मिनसवरून चित्रपटाचा ट्रेलर रिलीज करण्यात येणार आहे.

&t=1s

अनेक सेलिब्रिटींना आपण रेल्वे स्टेशन किंवा मेट्रो स्टेशनवर आपल्या चित्रपटांचं प्रमोशन करताना पाहिलं आहे. पण पहिल्यांदाच एखाद्या चित्रपटाचा ट्रेलर एका रेल्वे स्थानकावरून रिलीज करण्यात येणार आहे. अनेक संवेदनशील खटल्यांमध्ये सरकारची बाजू मांडणारे ज्येष्ठ सरकारी वकील उज्ज्वल निकम यांच्या जीवनावर आधारित हा चित्रपट आहे. त्यांनी 1993 चा मुंबई बॉम्बस्फोट, 2008 चा 26-11 चा मुंबई दहशतवादी हल्ला यांसारख्या देशातील सर्वात संवेदनशील खटल्यांमध्ये त्यांनी सरकारची बाजू मांडली होती. त्यांच्या जीवनावर आधारित हा चित्रपट आहे. या चित्रपटामध्ये प्रेक्षकांना 26-11 हल्ल्याचा मास्टरमाईंड अजमल कसाबला कशापद्धतीने त्यांनी फाशीपर्यंत पोहोचवलं? कशापद्धतीने कोर्टामध्ये त्यांनी युक्तीवाद केला? हे सर्व मुद्दे आपल्याला चित्रपटामध्ये पाहायला मिळतील.



'प्रहार: द उज्ज्वल निकम स्टोरी' चित्रपट येत्या 16 ऑक्टोबर 2026 रोजी बॉक्स ऑफिसवर रिलीज होणार आहे. या चित्रपटामध्ये राजकुमार राव सह मराठमोळा अभिनेता ललित प्रभाकर सुद्धा प्रमुख भूमिकेत दिसणार आहे. चित्रपटामध्ये 26-11 च्या हल्ल्यातला दहशतवादी अजमल कसाबची भूमिका लोकप्रिय मराठमोळा अभिनेता ललित प्रभाकर ही भूमिका साकारत आहे. राजकुमार राव आणि ललित प्रभाकर यांच्यासोबत चित्रपटामध्ये वामिका गब्बी, जयदीप अहलावत आणि सिकंदर खेरही प्रमुख भूमिकेमध्ये दिसणार आहेत. 'पाताल लोक' आणि 'स्कूप' फेम दिग्दर्शक अविनाश अरुण यांनी सिनेमाचं दिग्दर्शन केलंय.