मुंबई : मुंबईतील गणेशोत्सवाची सांगता अनंत चतुर्दशीला झाली असली तरी अंधेरीतील प्रसिद्ध ‘अंधेरीचा राजा’चा विसर्जन सोहळा अजून बाकी आहे. यंदा 29 सप्टेंबर 2026 रोजी अंगारकी संकष्टी चतुर्थीच्या दिवशी अंधेरीचा राजा मंडपातून विसर्जन मिरवणुकीसाठी निघणार आहे. ही परंपरा इतर प्रमुख गणपती मंडळांपेक्षा वेगळी आहे. (Andhericha Raja 2026)
बहुतेक सार्वजनिक गणपतींचे विसर्जन अनंत चतुर्दशीला केले जाते. मात्र, अंधेरीचा राजा संकष्टी चतुर्थीला विसर्जित करण्याची परंपरा आहे. यामागे मंडळाशी संबंधित ‘नवस’ आणि कामगारांच्या संघर्षाची कथा सांगितली जाते.
View this post on Instagram
मुंबई: बृहन्मुंबई महानगरपालिकेच्या हद्दीमध्ये कृत्रिम तलाव, नैसर्गिक तलाव आणि चौपाट्यांवर सार्वजनिक गणेश मुर्तींचे आणि घरगुती गणेश मुर्तींचे ...
अंधेरीचा राजा ज्या मंडळाचा आहे, त्या आझाद नगर सार्वजनिक उत्सव समितीची स्थापना 1966 मध्ये झाली. लालबाग-परळ परिसरातून अंधेरीत स्थलांतरित झालेल्या कामगारांनी या गणेशोत्सवाची सुरुवात केली होती. (Andhericha Raja 2026)
मंडळाच्या इतिहासानुसार, कामगारांच्या औद्योगिक संघर्षाच्या काळात परिस्थिती सुधारावी म्हणून गणपतीला नवस करण्यात आला होता. अडचणी दूर झाल्यानंतर पुढील संकष्टी चतुर्थीपर्यंत गणपतीची पूजा सुरू ठेवण्याचा संकल्प करण्यात आला. त्यानंतर हीच परंपरा पुढे कायम राहिली. त्यामुळे अंधेरीचा राजा ‘नवसाला पावणारा गणपती’ म्हणूनही प्रसिद्ध झाला.
मुंबई : मुंबईतील गिरगाव चौपाटीवर झालेल्या गणेश विसर्जन सोहळ्यात 23 देशांतील आंतरराष्ट्रीय पर्यटकांनी उत्साहाने सहभाग घेतला. ढोल-ताशांचा गजर, भव्य ...
यंदा 29 सप्टेंबरला अंगारकी संकष्टी चतुर्थी असल्याने या दिवशी अंधेरीचा राजा मंडपातून बाहेर पडणार आहे. त्यानंतर भव्य मिरवणुकीतून मूर्तीला विसर्जनासाठी नेण्यात येईल. उपलब्ध माहितीनुसार, यंदा विसर्जनाची प्रक्रिया 30 सप्टेंबरला वर्सोवा येथे होणार आहे. (Andhericha Raja 2026)
अंगारकी संकष्टी चतुर्थी ही मंगळवारी येणाऱ्या संकष्टी चतुर्थीला म्हटले जाते. त्यामुळे 29 सप्टेंबरचा दिवस गणेशभक्तांसाठी विशेष महत्त्वाचा आहे. अंधेरीचा राजा या अनोख्या परंपरेमुळे गणेशोत्सव संपल्यानंतरही मुंबईतील भक्तांचे लक्ष वेधून घेतो.
