नवी दिल्ली : भारताची सांस्कृतिक परंपरा आणि गणेशोत्सवाचा गोडवा आता केवळ देशातच नव्हे, तर सातसमुद्रापार पोहोचला आहे. पंतप्रधान नरेंद्र मोदी यांनी नुकत्याच घेतलेल्या लोकप्रिय 'मन की बात' या कार्यक्रमात महाराष्ट्राच्या अष्टविनायक परंपरेचा विशेष गौरव केला आहे. थायलंडमधील एका गणेशभक्ताच्या अगाध भक्तीचा आणि त्यांच्या प्रेरणेतून थायलंडमध्ये लोकप्रिय झालेल्या अष्टविनायक यात्रेचा उल्लेख पंतप्रधानांनी यावेळी आवर्जून केला.(Man Ki Baat)
Devsthan Inam Land : देवस्थान इनाम जमीन प्रारूप समितीला 30 नोव्हेंबरपर्यंत मुदतवाढ; राज्यभरातून प्राप्त झालेल्या हरकतींमुळे निर्णय
मुंबई : राज्यातील देवस्थान इनाम जमिनींच्या व्यवस्थापनात आणि कायदेशीर चौकटीत महत्त्वपूर्ण सुधारणा करण्यासाठी नव्या कायद्याचा (प्रारुप अधिनियम) ...
थायलंडमध्ये लोकप्रिय होत आहे अष्टविनायक यात्रा
पंतप्रधान मोदींनी 'मन की बात'मध्ये थायलंडच्या पंथौन थीरखानोन यांच्या प्रेरणादायी प्रवासाची आठवण सांगितली. ते म्हणाले की, थायलंडमध्ये भगवान गणेश यांची 'फ्रा फिकानेत' या रूपाने पूजा केली जाते. पंथौन थीरखानोन यांना वयाच्या 19 व्या वर्षी त्यांच्या वडिलांनी गणपतीची एक फोटो भेट दिली होती, जिथून त्यांच्या अध्यात्मिक प्रवासाची सुरुवात झाली. गणेश परंपरांच्या अध्ययनात चार दशकांहून अधिक काळ घालवणाऱ्या पंथौन यांचे महाराष्ट्राशी विशेष नाते आहे. महाराष्ट्रातील अष्टविनायक परंपरेची माहिती मिळाल्यानंतर ते अनेकदा महाराष्ट्रात आले आणि त्यांच्याच प्रयत्नांमुळे आता थायलंडमधील भाविकांमध्येही अष्टविनायक यात्रा अत्यंत लोकप्रिय झाली आहे.(Thailand Ganesh Museum)
10 हजारांहून अधिक गणेश प्रतिमा असलेले 'गणेश हिमाल म्यूजियम'
थायलंडच्या या गणेशभक्ताने भारताबाहेरही गणपतीची संस्कृती जोपासली आहे. वर्ष 2002 मध्ये त्यांनी उत्तर थायलंडमधील चियांग माई येथे 'गणेश हिमाल म्यूजियम' ची स्थापना केली. या संग्रहालयात आज 10 हजारांपेक्षा अधिक गणेश प्रतिमा पाहायला मिळतात. विशेष म्हणजे, ज्या भाविकांना भारतामध्ये प्रत्यक्ष अष्टविनायकाच्या दर्शनाला येणे शक्य होत नाही, त्यांच्यासाठी या संग्रहालयात अष्टविनायकाच्या विशेष प्रतिमा देखील उपलब्ध करून देण्यात आल्या आहेत. या संग्रहालयात दर रविवारी सकाळी 10 वाजता गणेश पूजा-अर्चना केली जाते, तसेच गणेशोत्सवासारख्या विशेष प्रसंगी विविध धार्मिक अनुष्ठानांचे आयोजनही केले जाते. पंतप्रधानांनी या अनोख्या उदाहरणातून हे अधोरेखित केले की, भारताची आस्था, कला आणि सांस्कृतिक परंपरा कशा प्रकारे जगभरात पोहोचत आहेत आणि इतर देशांमधील नागरिकांनाही भुरळ घालत आहेत. या संवादाच्या माध्यमातून महाराष्ट्राच्या अष्टविनायक परंपरेचा जागतिक पातळीवर झालेला गौरव प्रत्येक मराठी मनाचा अभिमान वाढवणारा ठरला आहे.