Punjab News : पंजाबमधील पटियाला येथील चितकारा विद्यापीठात सोशल मीडियावर व्हायरल झालेल्या एका कथित ‘भूता’च्या व्हिडीओमुळे शुक्रवारी रात्री मोठी खळबळ उडाली. या अफवेनंतर शेकडो विद्यार्थी रात्री उशिरा विद्यापीठ परिसरात जमले आणि त्यांनी आंदोलन सुरू केले. परिस्थिती इतकी तणावपूर्ण झाली की, काही विद्यार्थ्यांनी पोलिसांच्या गस्तीच्या वाहनाची तोडफोड केल्याचे समोर आले आहे. (Punjab News)
सोशल मीडियावर व्हायरल झालेल्या व्हिडीओनंतर विद्यापीठातील एका विद्यार्थिनीने आत्महत्या केली असून तिचा आत्मा वसतिगृहात फिरत असल्याची अफवा पसरली. मुलींच्या वसतिगृहातून किंकाळ्यांचे आवाज ऐकू आल्याचाही काही विद्यार्थ्यांचा दावा होता. यामुळे विद्यार्थ्यांमध्ये भीतीचे वातावरण निर्माण झाले आणि मोठ्या संख्येने विद्यार्थी बाहेर पडले. मात्र, विद्यापीठ प्रशासनाने विद्यार्थिनीचा मृत्यू किंवा आत्महत्या झाल्याचा दावा स्पष्टपणे फेटाळला आहे.(Punjab News)
आला रे! Lava Virat Curve 5G आजपासून भारतात विक्रीसाठी उपलब्ध; आकर्षक ऑफर्स आणि जबरदस्त फीचर्ससह किंमत जाणून घ्या
गेल्या आठवड्यात लॉन्च झाल्यानंतर, लावा विराट कर्व्ह 5G आजपासून भारतात खरेदीसाठी उपलब्ध होईल. या स्वदेशी ब्रँडच्या नवीनतम हँडसेटमध्ये मागील बाजूस एक ...
विद्यापीठाने जारी केलेल्या निवेदनानुसार, सोशल मीडियावर फिरणारे दावे खोटे आणि कोणत्याही तथ्यात्मक आधाराशिवाय आहेत. गुरुवारी पहाटे एका विद्यार्थिनीला रुग्णालयातून परत आणण्यात आल्याने वसतिगृहात रुग्णवाहिका आली होती. मात्र, या घटनेचा कोणत्याही मृत्यू किंवा आत्महत्येशी संबंध नसल्याचे विद्यापीठाने स्पष्ट केले.
दरम्यान, ‘पंडितजी’ मुलींच्या वसतिगृहात आल्याच्या दाव्यानेही अफवांना आणखी हवा मिळाली. विद्यापीठाने सांगितले की, संबंधित व्यक्ती दुपारी सुमारे 3 वाजता आपल्या मुलीला भेटण्यासाठी वसतिगृहात आला होता. त्याचा कथित मृत्यू किंवा आत्महत्येशी कोणताही संबंध नसल्याचे प्रशासनाने स्पष्ट केले.(Punjab News)
IIT Bombay student suicide : IIT बॉम्बेमधील विद्यार्थ्याच्या आत्महत्येला नवे वळण; मैत्रिणीला केलेल्या अखेरच्या फोनमध्ये समोर आले धक्कादायक कारण!
मुंबई : आयआयटी बॉम्बेमधील (IIT Bombay) विद्यार्थी साहिल वाकोडे याच्या आत्महत्या प्रकरणात क्राइम ब्रांचच्या तपासादरम्यान एक अत्यंत महत्त्वाची माहिती समोर ...
या गोंधळात काही विद्यार्थ्यांनी विद्यापीठातील 2 विद्यार्थिनी बेपत्ता असल्याचा दावाही केला. पोलिसांनी विद्यार्थ्यांशी चर्चा केली असता, नेमकी कोणती विद्यार्थिनी बेपत्ता आहे, तिचे नाव काय आहे, याबाबत स्पष्ट माहिती नसल्याचे अधिकाऱ्यांनी सांगितले. पोलिसांनी तक्रार स्वीकारून प्रत्येक विद्यार्थ्याची पडताळणी करण्याची प्रक्रिया सुरू केली असून, कोणी बेपत्ता असल्याचे आढळल्यास आवश्यक कारवाई केली जाईल, असे स्पष्ट केले.
दरम्यान, विद्यापीठ प्रशासनाने विद्यार्थ्यांना अपुष्ट रील्स, पोस्ट आणि सोशल मीडिया संदेशांवर विश्वास न ठेवण्याचे आवाहन केले आहे. अशा अफवांमुळे विद्यार्थ्यांमध्ये आणि त्यांच्या कुटुंबीयांमध्ये विनाकारण भीती निर्माण होऊ शकते, असे विद्यापीठाने म्हटले आहे.
भूत असल्याच्या एका अफवेपासून सुरू झालेला हा प्रकार आंदोलन आणि पोलिसांच्या वाहनाच्या तोडफोडीपर्यंत पोहोचला. मात्र, विद्यापीठाने कोणताही मृत्यू किंवा आत्महत्या झाल्याचे नाकारले असून, बेपत्ता विद्यार्थिनींबाबतच्या दाव्यांची पोलिसांकडून पडताळणी सुरू आहे.(Punjab News)