नागोया : आशियाई क्रीडा स्पर्धा 2026 मधील पुरुषांच्या भालाफेक प्रकारात भारताने आपले वर्चस्व कायम राखले आहे. भारताचा स्टार भालाफेकपटू नीरज चोप्रा याच्या अनुपस्थितीतही भारतीय खेळाडूंनी उत्कृष्ट कामगिरी करत दोन पदके आपल्या नावावर केली. यशवीर सिंग याने शानदार प्रदर्शन करत रौप्यपदक पटकावले, तर रोहित यादव याने कांस्यपदक जिंकून भारताच्या पदक तालिकेत भर घातली.
नीरजच्या अनुपस्थितीतही भारताची दोन पदके
मागील दोन आशियाई क्रीडा स्पर्धांमध्ये भारताला सुवर्णपदक मिळवून देणारा नीरज चोप्रा या स्पर्धेत खेळला नाही. त्यामुळे सुवर्णपदक भारताला मिळाले नसले, तरी भारतीय खेळाडूंनी मागील वेळेप्रमाणेच दोन पदके जिंकण्याची परंपरा कायम राखली. श्रीलंकेच्या रोमेश पाथिरागे याने अपेक्षेप्रमाणे सुवर्णपदक पटकावले. या स्पर्धेत रोमेश पाथिरागे आणि ऑलिम्पिक चॅम्पियन अर्शद नदीम यांसारखे तगडे दावेदार असतानाही भारतीय खेळाडूंनी उत्तम संघर्ष केला.(ohit Yadav Bronze Medal)
वुमन्स प्रीमियर लीग 2027 हे स्पर्धेचं पाचवं पर्व आहे. या स्पर्धेसाठी पाचही फ्रेंचायझींनी कंबर कसली आहे. आतापर्यंत मुंबई इंडियन्स आणि आरसीबीचं वर्चस्व ...
रोमांचक सामना आणि भारतीय खेळाडूंची कामगिरी
स्पर्धेच्या सुरुवातीला पहिल्या तीन फेऱ्यांमध्ये दोन्ही भारतीय खेळाडूंनी मैदान गाजवले होते. पहिल्या फेरीत 83.56 मीटर भालाफेक करून रोहित यादव दुसऱ्या स्थानावर होता, तर तिसऱ्या फेरीत 84.31 मीटर फेफेक करत त्याने थेट पहिले स्थान पटकावले होते. याशिवाय, 2026 च्या राष्ट्रकुल क्रीडा स्पर्धेत कांस्यपदक जिंकणाऱ्या यशवीर सिंगने आपल्या कारकिर्दीतील सर्वोत्तम कामगिरी करत रौप्यपदक जिंकले. तर मागील आशियाई स्पर्धेत रौप्यपदक जिंकणाऱ्या रोहित यादवने यावेळी कांस्यपदक पटकावले. जरी सुवर्णपदक श्रीलंकेच्या रोमेश पाथिरागेकडे गेले असले, तरी नीरज चोप्राशिवाय उतरलेल्या भारतीय भालाफेकपटूंनी मिळवलेले हे यश अत्यंत अभिमानास्पद ठरले आहे.(Yashvir Singh Silver Medal)