Japan : जपान म्हटलं की शिस्त, स्वच्छता आणि अत्याधुनिक सुविधांची चर्चा हमखास होते. आता जपानमधील पब्लिक टॉयलेटचा एक व्हिडिओ सोशल मीडियावर चांगलाच व्हायरल होत आहे. या व्हिडिओमध्ये दिसणाऱ्या सुविधा पाहून अनेकांना आश्चर्याचा धक्का बसला आहे. जपानमध्ये राहणाऱ्या भारतीय महिला अंकिता सहिगल यांनी आपल्या सोशल मीडिया अकाउंटवर हा व्हिडिओ शेअर केला आहे. जपानमधील सार्वजनिक स्वच्छतागृहांमध्ये अगदी छोट्या-छोट्या गोष्टींचाही किती बारकाईने विचार केला जातो, हे त्यांनी या व्हिडिओच्या माध्यमातून दाखवलं आहे.
छोट्या बाथरूममध्येही खास सुविधा
जपानमधील काही सार्वजनिक वॉशरूममध्ये तयार होण्यासाठी स्वतंत्र आरसा आणि मेकअप काउंटरची सुविधा पाहायला मिळते. लहान मुलांसोबत प्रवास करणाऱ्या महिलांसाठीही विशेष सोय करण्यात आलेली आहे. वॉशरूममध्येच मुलांना काही वेळ सुरक्षितपणे बसवण्यासाठी स्वतंत्र जागा दिलेली असते. त्यामुळे आईला इतर कामं करताना मुलाची काळजी घेणं सोपं होतं.
Japanese Cleaning Habits : दर रविवारी घराची साफसफाई करताना अर्धा दिवस कधी निघून जातो, हेच कळत नाही. झाडू-पोछा, पसारा आवरणे, किचन साफ करणे आणि पुन्हा पुढच्या आठवड्यात याच ...
सर्वाधिक लक्ष वेधून घेतलं ते ‘चेंजिंग बोर्ड’ने
या व्हिडिओमधील सर्वात चर्चेचा विषय ठरला तो म्हणजे फोल्डेबल ‘चेंजिंग बोर्ड’. सुरुवातीला अंकिता यांना हा बोर्ड लहान मुलांचे डायपर बदलण्यासाठी वापरला जातो असं वाटलं. मात्र, त्याचा आणखी एक उपयोग पाहून त्यांना आश्चर्य वाटलं. महिलांना कपडे किंवा शूज बदलताना जमिनीवर पाय ठेवण्याची गरज पडू नये, यासाठी या बोर्डचा वापर करता येतो. विशेषतः फर्शी ओली किंवा अस्वच्छ असेल, तर ही सुविधा अधिक उपयोगी ठरू शकते.
सुविधांमागचा विचार पाहून अंकिता भावुक
या छोट्या-छोट्या सुविधांमागील विचार पाहून अंकिता यांनी आश्चर्य व्यक्त केलं. नागरिकांच्या दैनंदिन गरजा लक्षात घेऊन अशा सुविधा तयार केल्या जात असल्याचं त्यांनी सांगितलं. त्यांच्या या व्हिडिओनंतर सोशल मीडियावरही मोठ्या प्रमाणात प्रतिक्रिया उमटत आहेत. अनेकांनी सार्वजनिक स्वच्छतागृहांमध्ये अशा सुविधा असणं किती उपयुक्त ठरू शकतं, यावर प्रतिक्रिया दिल्या आहेत. जपानमधील या पब्लिक टॉयलेटच्या सुविधांचा व्हिडिओ सध्या सोशल मीडियावर चर्चेचा विषय ठरत आहे.