Satara Crime : 19 वर्षीय हर्षदा जाधव हत्या प्रकरणाचा उलगडा ! वडील आणि चुलत्याला अटक ; हत्येचे धक्कादायक कारण समोर

Satara Crime : सातारा जिल्ह्यातील शिरवळ-राजेवाडी रस्त्यालगत १४ सप्टेंबर रोजी आढळलेल्या १९ वर्षीय तरुणीच्या मृतदेहाचे गूढ अखेर उकलण्यात पोलिसांना यश आले आहे. मृत तरुणीची ओळख पुण्यातील रहिवासी हर्षदा जाधव (१९) अशी पटली असून, या प्रकरणात तिचे वडील आणि चुलते यांना अटक करण्यात आली आहे. पोलिसांच्या तपासानुसार, कौटुंबिक वादातून हा खून झाल्याचा संशय आहे.



अनोळखी मृतदेहाची ओळख पटली


१४ सप्टेंबर रोजी शिरवळ-राजेवाडी रस्त्यालगत एका तरुणीचा मृतदेह आढळून आला होता. सुरुवातीला तिची ओळख पटलेली नव्हती. सातारा स्थानिक गुन्हे शाखेने या प्रकरणाचा तपास सुरू करत परिसरातील सीसीटीव्ही फुटेज, तांत्रिक माहिती आणि स्थानिक पातळीवरील माहितीच्या आधारे तपासाची चक्रे फिरवली. सलग १६ दिवस तपास केल्यानंतर पोलिसांना संशयित वाहनाचा माग काढण्यात यश आले. त्यानंतर मृत तरुणीची ओळख हर्षदा जाधव अशी पटली.



जेवणाच्या बहाण्याने घराबाहेर नेले 


पोलिसांच्या तपासानुसार, हर्षदाला जेवणासाठी बाहेर जाण्याच्या बहाण्याने कारमधून घराबाहेर नेण्यात आले. त्यानंतर कारमध्येच तिच्यावर हल्ला करण्यात आला. मिरचीची चटणी तिच्या डोळ्यात आणि तोंडात टाकून तिचा श्वास रोखण्यात आल्याचे तपासात समोर आल्याचे पोलिसांनी सांगितले. त्यानंतर तिचा मृतदेह सातारा आणि पुणे जिल्ह्याच्या हद्दीजवळील रस्त्यालगत टाकण्यात आल्याचा संशय पोलिसांनी व्यक्त केला आहे.






हत्येचे धक्कादायक कारण समोर


हर्षदा ही घरातील लोकांना शिवीगाळ करायची, वाईट मुलांसोबत रात्रभर बाहेर फिरायची, व्यसन करायची. घरातील लोकांना खोट्या केसमध्ये अडकवण्याची धमकी द्यायची. तिच्या अशा वागण्याला आणि त्रासाला कंटाळून वडील आणि चुलत चुलत्यानेचा तिचा खून केल्याचे उघडकीस आले. हर्षदाला हॉटेलला जेवायला जायचं असल्याचं सांगून वडिल आणि चुलत्याने कारमध्ये बसवलं. त्यानंतर, तिच्या डोळ्यात आणि तोंडात चटणी म्हणजेच लाल मिर्ची घालून हाताने तोंड नाक दाबून तिचा खून केला. त्याच गाडीतून तिचा मृतदेह सातारा आणि पुणे जिल्ह्याच्या हद्दीवर आणून टाकल्याचा घटनाक्रम तपासात उघडकीस आला आहे. या घटनेनं खळबळ उडाली असून पोलिसांनी मुलीच्या वडिलांना आणि चुलत्याला अटक केली आहे.



सीसीटीव्ही आणि तांत्रिक तपासातून आरोपींपर्यंत पोहोचले


हत्येचा तपास करताना पोलिसांनी घटनास्थळापासून पुणे आणि भोरच्या दिशेने जाणाऱ्या मार्गावरील सीसीटीव्ही फुटेज तपासले. भोर, पुणे, कापूरहोळ, नसरापूर तसेच पुणे-सातारा महामार्ग परिसरातही माहिती संकलित करण्यात आली. स्थानिक माहिती आणि तांत्रिक तपासाच्या आधारे संशयित वाहनाचा माग काढण्यात पोलिसांना यश आले. त्यानंतर संशयितांची ओळख पटवून दोन्ही आरोपींना ताब्यात घेण्यात आले. या प्रकरणाचा पुढील तपास शिरवळ पोलीस करत असून, हत्येमागील नेमके कारण, घटनाक्रम आणि इतर बाबींचा तपास सुरू आहे.

Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Crime News : 'तुला सरकारी नोकरी लावून देतो' सांगत घातला 40 लाखांचा गंडा; वडापाव विकणाऱ्या दाम्पत्याची मोठी फसवणूक

कल्याण : कल्याणमध्ये वडापावचा व्यवसाय करणाऱ्या एका दाम्पत्याला सरकारी नोकरी मिळवून देण्याचे आमिष दाखवून 40