Aadi Anant Movie: "आदि अनंत" चित्रपटाची घोषणा, संकर्षण कऱ्हाडेची खास पोस्ट; म्हणाला, "सगळ्यांनी आयुष्यात अनुभवलेल्या नात्यावर..."

कायमच अभिनेता आणि कवी म्हणून चाहत्यांसमोर येणारा संकर्षण कऱ्हाडे "आदि अनंत" चित्रपटाच्या माध्यमातून नव्या इनिंगला सुरूवात करतोय. चित्रपटाच्या माध्यमातून संकर्षण कऱ्हाडे लेखक म्हणून आपल्या सर्वांच्या भेटीला येतोय.

मुंबई: अभिनेता आणि कवी संकर्षण कऱ्हाडेचा लवकरच चाहत्यांच्या भेटीला नवाकोरा चित्रपट येत आहे. महेश लिमये दिग्दर्शित, "आदि अनंत" चित्रपटाचं पोस्टर संकर्षणने चाहत्यांसोबत शेअर केलं आहे. दिवाळीच्या मुहूर्तावर हा नवा कोरा चित्रपट प्रेक्षकांच्या भेटीला येणार आहे. काही तासांपूर्वीच सोशल मीडियावर संकर्षणने या चित्रपटाची घोषणा केली आहे. कायमच अभिनेता आणि कवी म्हणून चाहत्यांसमोर येणारा संकर्षण आता त्याच्या नव्या इनिंगला सुरूवात करतोय. या चित्रपटाच्या माध्यमातून संकर्षण कऱ्हाडे लेखक म्हणून आपल्या सर्वांच्या भेटीला येतोय. लेखक म्हणून संकर्षणचा "आदि अनंत" हा चित्रपट पहिलाच आहे.






अशोक सराफ, संकर्षण कऱ्हाडे आणि सखी गोखले स्टारर "आदि अनंत" चित्रपट येत्या दिवाळीमध्ये रिलीज होणार आहे. संकर्षणचा लेखक म्हणून पहिला चित्रपट 12 नोव्हेंबरला रिलीज होणार आहे. चित्रपटाचं दिग्दर्शन महेश लिमये करणार असून चित्रपटाची निर्मिती कुमार पाठक, अभिषेक पाठक, समीर हंपी, महेश लिमये आणि अनिकेत मराठे करणार आहेत. तर, चित्रपटाची सहनिर्मिती दर्शन शाह आणि रविंद्र औटी करणार आहेत. पॅनोरमा स्टुडिओजच्या बॅनरखाली चित्रपट बॉक्स ऑफिसवर रिलीज केला जाणार आहे. चित्रपटाचं पोस्टर पाहून संकर्षण आणि अशोक सराफ यांच्यामध्ये बाप लेकाचं नातं उलगडणार असल्याचं कळतंय. त्यांच्यातील प्रेम, जिव्हाळा आणि आपुलकी आपल्याला चित्रपटाचा टीझर किंवा ट्रेलर रिलीज झाल्यानंतरच उलगडेल.






नात्यांमधल्या प्रेमाची, सहवासाची, आणि भावनांची गोष्ट हसतखेळत, धमाल करत सांगणाऱ्या "आदि अनंत" या आगामी मराठी चित्रपटाचं पहिलं पोस्टर रिलीज करण्यात आलं. चित्रपटाच्या पोस्टरचं अनावरण जेजुरीच्या खंडोबाचे आशिर्वाद घेत, रिलीज करण्यात आलं. पोस्टरमध्ये ज्येष्ठ अभिनेते अशोक सराफ आणि संकर्षण कऱ्हाडे यांच्यातील जिव्हाळ्याचं नातं दिसून येतंय. एका व्यक्तीच्या कुशीत दुसऱ्यानं विसावलेलं हे दृश्य परस्परांवरील विश्वास, आपलेपणा आणि भावनिक आधाराची जाणीव करून देतं. त्यामुळे "आदि अनंत" नेमक्या कोणत्या नात्याची गोष्टं सांगणार, याची उत्सुकता पोस्टरमधूनच निर्माण झाली आहे. संकर्षण कऱ्हाडे आणि अशोक सराफ यांच्यासोबत चित्रपटामध्ये प्रमुख भूमिकेत, सखी गोखले, वैदेही परशुरामी, योगेश शिरसाट, कविता लाड, आरव आहिर श्रीरंग गोडबोले आणि गुरू ठाकूर अशी तगडी स्टारकास्ट आपल्याला चित्रपटामध्ये प्रमुख भूमिकेत पाहायला मिळणर आहे.






"आपण सगळ्यांनी आयुष्यात अनुभवलेल्या नात्यावर आम्ही चित्रपट केलाय "आदि अनंत"... देवाला नमस्कार करून हे पहिलं पोस्टर आपल्या सगळ्यांसाठी... मी लिहिलेला पहिला सिनेमा... अशोक सराफ सरांसोबत माझा पाहिला सिनेमा... नात्यातली सगळ्यात सुंदर गोष्ट "सहवास" जो नशिबात असल्याशिवाय मिळत नाही... आणि सगळ्यात त्रास देणारी गोष्ट "पश्चात्ताप" जो झाल्याशिवाय रहात नाही... आपल्या माणसांच्या कुशीत डोकं ठेवून शांत पडून रहाण्यासारखं मेडिटेशन नाही आणि प्रेमाच्या मिठीने शांत होणार नाही अशी कोणतीही जनरेशन नाही...!!! प्रत्येक पिढीतल्या प्रत्येकाची धमाल कमाल आणि प्रेमळ गोष्ट "आदि अनंत..." नक्की पहा ... १२ नोव्हेंबर पासून तुमच्या जवळच्या आणि लांबच्या चित्रपटगृहात...", चित्रपटाचं पोस्टर शेअर करताना संकर्षण कऱ्हाडेने अशी इन्स्टा पोस्ट शेअर केली आहे.

Comments
Add Comment

मैत्री की प्रेम? नात्यांमधील भावनिक गुंता उलगडणारा ‘मैत्रेया’ 20 नोव्हेंबरला प्रेक्षकांच्या भेटीला!

मुंबई : काही नाती मैत्रीच्या चौकटीत सहज सामावतात, तर काही नकळत त्या चौकटीपलीकडे जातात. अशावेळी त्या नात्याला

K3G 25 Years: K3G ला २५ वर्षे! मुंबईत उभी राहणार रायचंदांची हवेली; चाहत्यांना मिळणार खास अनुभव

K3G 25 Years: प्रत्येक सिनेरसिकाच्या मनावर अधिराज्य करणाऱ्या 'कभी खुशी कभी गम' च्या रायचंद कुटुंबाला 25 वर्ष पूर्ण झाले

Mahabharat fame Actor Ayush Shah: भरघोस परताव्याचं आमिष अन् 4.44 कोटींचा गंडा! अभिनेता आयुष शाह फसवणुकीचा बळी

Mahabharat fame Actor Ayush Shah: 'महाभारत', 'नव्या' आणि 'उत्तराण' यांसारख्या टीव्ही मालिकांमधील भूमिकांसाठी ओळखल्या जाणाऱ्या अभिनेता

Samantha Prabhu : समंथा रुथ प्रभूच्या घरी बाळाच्या स्वागतासाठी पूजा; नवव्या महिन्यातील खास फोटो व्हायरल!

समंथा रुथ प्रभू आणि तिचे पती राज निदिमोरू आपल्या पहिल्या बाळाचे स्वागत करण्यासाठी सज्ज आहेत. या जोडप्याने

Rasika Vengurlekar New Home: ‘महाराष्ट्राची हास्यजत्रा’ फेम रसिका वेंगुर्लेकरचं घराचं स्वप्न पूर्ण; नव्या घराचा गृहप्रवेश!

Rasika Vengurlekar New Home: मुंबईत आपलं स्वतःच हक्काचं घर असावं अस प्रत्येकाचं स्वप्न असत. त्यासाठी सगळेचजण दिवसरात्र मेहनत घेत

Tu Aahes Naa: सुप्रिया पिळगावकर पुन्हा मोठ्या पडद्यावर; ‘तू आहेस ना’चा इफ्फीमध्ये वर्ल्ड प्रीमियर!

'देवमाणूस' च्या यशानंतर लव फिल्म्सने आपल्या दुसऱ्या मराठी चित्रपटाची घोषणा केली आहे. ‘तू आहेस ना’ या नव्या