Drishyam The Conclusion X Review : 'दृश्यम: द कन्क्लुजन' ला प्रेक्षकांकडून उदंड प्रतिसाद; अजय देवगणच्या चित्रपटाचा सोशल मीडियावर डंका!

मुंबई : वर्षभरातील सर्वात बहुप्रतिक्षित चित्रपटांपैकी एक असलेला 'दृश्यम: द कन्क्लुजन' (Drishyam The Conclusion ) अखेर चित्रपटगृहांमध्ये प्रदर्शित झाला आहे. दिग्दर्शक अभिषेक पाठक (Abhishek Pathak) यांच्या मार्गदर्शनाखाली बनलेल्या या चित्रपटात अजय देवगण, (Ajay Devgan) तब्बू, (Tabbu) श्रिया सरन आणि जयदीप अहलावत (jaydeep Ahlawat) मुख्य भूमिकेत आहेत. या चित्रपटाच्या ट्रेलरने आधीच प्रेक्षकांची उत्सुकता शिगेला पोहोचवली होती आणि 'दृश्यम' फ्रँचायझीची लोकप्रियतेमुळे चाहते हा सिनेमा पाहण्यासाठी उत्सुक होते. चित्रपट प्रदर्शित होताच पहिल्याच दिवशी पहिला शो पाहिलेल्या प्रेक्षकांनी 'एक्स' (ट्विटर) वर आपल्या प्रतिक्रिया देण्यास सुरुवात केली आहे.



नेटिझन्सकडून कौतुकाचा वर्षाव आणि 'मास्टरपीस'चा दर्जा



चित्रपट पाहून बाहेर पडलेल्या प्रेक्षकांनी सोशल मीडियावर चित्रपटाचे भरभरून कौतुक केले आहे. एका युझरने लिहिले, "#Drishyam - The Conclusion मध्ये नायकाने पुन्हा एकदा सर्वांना वाचवले! हा एक अत्यंत अप्रतिम आणि सस्पेन्सने भरलेला थ्रिलर सिनेमा आहे. काय जबरदस्त चित्रपट बनवला आहे!"


दुसऱ्या एका युझरने आपला अनुभव शेअर करताना लिहिले, "मी नुकताच चित्रपट पाहून बाहेर पडलो आहे आणि हा चित्रपट खरोखरच 'वाव' आहे! निर्मात्यांच्या मेहनतीला माझा सलाम. पहिल्या अर्ध्या भागात पुढे काय घडणार याचा अंदाज येत नव्हता, पण दुसऱ्या अर्ध्या भागात जो अनुभव मिळाला तो थक्क करणारा आहे. हा या मालिकेचा अगदी योग्य शेवट आहे आणि हा भाग दुसऱ्या भागापेक्षाही मोठा आणि दमदार आहे. कलाकारांचा अभिनय आणि संवाद अप्रतिम आहेत. हा चित्रपट प्रत्येकाने थिएटरमध्ये जाऊन पाहिलाच पाहिजे." तसेच, आणखी एका युझरने चित्रपटाला ४ स्टार देत लिहिले, "चित्रपटाचे लेखन आणि पार्श्वसंगीत (BGM) अत्यंत प्रभावी आहे. सर्वच कलाकारांनी उत्तम अभिनय केला आहे. चित्रपटातील ट्विस्ट आणि टर्न्सचा अंदाज लावणे कठीण आहे, जी या थ्रिलर चित्रपटाची सर्वात मोठी ताकद आहे. नक्की बघा!"






समीक्षकांचा कौल



'द फ्री प्रेस जर्नल'च्या समीक्षकांनी या चित्रपटाला ३ स्टार्स दिले आहेत. समीक्षकांनी आपल्या पुनरावलोकनात लिहिले आहे की, "हा चित्रपट आपल्या नावाप्रमाणेच प्रेक्षकांना अगदी योग्य वेळी तेवढंच दाखवतो जेवढी गरज असते, आणि बाकीचा सस्पेन्स नंतर उलगडतो. जर संपूर्ण यंत्रणा तुमच्या विरोधात उभी असेल, तर त्यावर कशी मात करायची आणि बुद्धीने मार्ग कसा काढायचा, हे पाहण्यासाठी हा चित्रपट नक्कीच पाहण्यासारखा आहे."



बॉक्स ऑफिसवर धुमाकूळ घालण्याची शक्यता



चित्रपटाचे ॲडव्हान्स बुकिंग मोठ्या प्रमाणावर झाले होते. त्यामुळे हा चित्रपट बॉक्स ऑफिसवर कमाईचे नवे रेकॉर्ड करेल, अशी पूर्ण शक्यता आहे. पहिल्याच दिवशी हा चित्रपट बॉक्स ऑफिसवर बंपर ओपनिंग करेल असा अंदाज चित्रपट विश्लेषकांनी वर्तवला आहे.

Comments
Add Comment

मैत्री की प्रेम? नात्यांमधील भावनिक गुंता उलगडणारा ‘मैत्रेया’ 20 नोव्हेंबरला प्रेक्षकांच्या भेटीला!

मुंबई : काही नाती मैत्रीच्या चौकटीत सहज सामावतात, तर काही नकळत त्या चौकटीपलीकडे जातात. अशावेळी त्या नात्याला

K3G 25 Years: K3G ला २५ वर्षे! मुंबईत उभी राहणार रायचंदांची हवेली; चाहत्यांना मिळणार खास अनुभव

K3G 25 Years: प्रत्येक सिनेरसिकाच्या मनावर अधिराज्य करणाऱ्या 'कभी खुशी कभी गम' च्या रायचंद कुटुंबाला 25 वर्ष पूर्ण झाले

Mahabharat fame Actor Ayush Shah: भरघोस परताव्याचं आमिष अन् 4.44 कोटींचा गंडा! अभिनेता आयुष शाह फसवणुकीचा बळी

Mahabharat fame Actor Ayush Shah: 'महाभारत', 'नव्या' आणि 'उत्तराण' यांसारख्या टीव्ही मालिकांमधील भूमिकांसाठी ओळखल्या जाणाऱ्या अभिनेता

Samantha Prabhu : समंथा रुथ प्रभूच्या घरी बाळाच्या स्वागतासाठी पूजा; नवव्या महिन्यातील खास फोटो व्हायरल!

समंथा रुथ प्रभू आणि तिचे पती राज निदिमोरू आपल्या पहिल्या बाळाचे स्वागत करण्यासाठी सज्ज आहेत. या जोडप्याने

Rasika Vengurlekar New Home: ‘महाराष्ट्राची हास्यजत्रा’ फेम रसिका वेंगुर्लेकरचं घराचं स्वप्न पूर्ण; नव्या घराचा गृहप्रवेश!

Rasika Vengurlekar New Home: मुंबईत आपलं स्वतःच हक्काचं घर असावं अस प्रत्येकाचं स्वप्न असत. त्यासाठी सगळेचजण दिवसरात्र मेहनत घेत

Tu Aahes Naa: सुप्रिया पिळगावकर पुन्हा मोठ्या पडद्यावर; ‘तू आहेस ना’चा इफ्फीमध्ये वर्ल्ड प्रीमियर!

'देवमाणूस' च्या यशानंतर लव फिल्म्सने आपल्या दुसऱ्या मराठी चित्रपटाची घोषणा केली आहे. ‘तू आहेस ना’ या नव्या