Crime News : समृद्धी महामार्गावर आढळला अज्ञात व्यक्तीचा मृतदेह, हत्या करून मृतदेह फेकल्याचा संशय

छत्रपती संभाजीनगर : समृद्धी महामार्गावरील गुन्हेगारी आणि अपघातांच्या घटनांमध्ये पुन्हा एका गंभीर घटनेची भर पडली आहे. छत्रपती संभाजीनगरमधील कच्ची घाटी परिसरातील समृद्धी महामार्गावर एका अज्ञात व्यक्तीचा मृतदेह आढळून आल्याने खळबळ उडाली आहे. ही घटना चिकलठाणा पोलीस ठाण्याच्या हद्दीत घडली. प्राथमिक माहितीनुसार, अज्ञात व्यक्तीची हत्या करून पुरावा नष्ट करण्याच्या उद्देशाने रात्रीच्या वेळी धावत्या वाहनातून मृतदेह महामार्गावर फेकण्यात आल्याचा संशय पोलिसांनी व्यक्त केला आहे.


मृतदेह आढळल्याची माहिती मिळताच चिकलठाणा पोलिसांचे पथक घटनास्थळी दाखल झाले. पोलिसांनी घटनास्थळाचा पंचनामा करून मृतदेह ताब्यात घेतला असून, पुढील तपासासाठी तो शासकीय रुग्णालयात शवविच्छेदनासाठी पाठवण्यात आला आहे. मृत व्यक्तीची अद्याप ओळख पटलेली नाही. मृताच्या कपड्यांवरून आणि त्याच्याकडे आढळलेल्या वस्तूंवरून तो महाराष्ट्राबाहेरील एखाद्या राज्यातील असण्याची शक्यता पोलिसांकडून तपासली जात आहे. यासाठी आसपासच्या पोलीस ठाण्यांसह महामार्गावरील विविध पोलीस ठाण्यांमध्ये दाखल झालेल्या बेपत्ता व्यक्तींच्या तक्रारींची पडताळणी केली जात आहे.






सीसीटीव्ही फुटेज तपासण्यास सुरुवात


दरम्यान, संशयित वाहनाचा शोध घेण्यासाठी पोलिसांनी समृद्धी महामार्गावरील सीसीटीव्ही फुटेज तपासण्यास सुरुवात केली आहे. तसेच जवळच्या टोल नाक्यांवरील वाहनांच्या नोंदीही तपासल्या जात आहेत. या प्रकरणात चिकलठाणा पोलीस ठाण्यात गुन्हा दाखल करण्याची प्रक्रिया सुरू असून, हत्या नेमकी कोणत्या कारणातून झाली, याचा तपास पोलिसांकडून केला जात आहे. प्रेमप्रकरण, जुने वैमनस्य किंवा लुटमारीचा हेतू यांसह विविध शक्यतांचा तपास केला जात आहे.


समृद्धी महामार्गावर घडलेल्या या घटनेमुळे पुन्हा एकदा महामार्गावरील प्रवाशांच्या सुरक्षेचा मुद्दा चर्चेत आला आहे. पोलिसांच्या तपासातून मृत व्यक्तीची ओळख आणि या घटनेमागील नेमके कारण स्पष्ट होणार आहे.

Comments
Add Comment

IBPS Mains Result 2026 : IBPS PO मुख्य परीक्षेचा निकाल जाहीर; 7,565 पदांसाठी भरती, पात्र उमेदवारांना मुलाखतीची संधी

Education News: बँकिंग क्षेत्रात नोकरीच्या शोधात असलेल्या उमेदवारांसाठी महत्त्वाची बातमी आहे. इन्स्टिट्यूट ऑफ बँकिंग

जमीन व्यवस्थापन, पायाभूत सुविधा आणि कृषी उत्पादकतेवर भर; मुख्यमंत्री फडणवीसांची नीती आयोगासोबत बैठक

महाराष्ट्राच्या सर्वांगीण विकासासाठी दीर्घकालीन नियोजन, जमिनीचे योग्य व्यवस्थापन, पायाभूत सुविधा

PM Modi Bihar Visit : PM मोदींचा वैशाली दौरा! बिहारला मिळणार ३४,४७० कोटींच्या प्रकल्पांची मोठी भेट!

नवी दिल्ली : पंतप्रधान नरेंद्र मोदी उद्या, शनिवार (२१ नोव्हेंबर) रोजी बिहारच्या महत्त्वपूर्ण दौऱ्यावर जात आहेत.

Central Railway : नेव्ही हाफ मॅरेथॉनसाठी मध्य रेल्वेच्या 2 विशेष लोकल; कल्याण आणि पनवेलहून मध्यरात्री सुटणार

मुंबई : ‘डब्ल्यूएनसी नेव्ही हाफ मॅरेथॉन-2026’ मध्ये सहभागी होणाऱ्या धावपटूंच्या सोयीसाठी मध्य रेल्वेने 2 विशेष

Western Railway Mega Block : रविवारी पश्चिम रेल्वेचा ५ तासांचा जम्बो ब्लॉक; चर्चगेट ते मुंबई सेंट्रल दरम्यान रेल्वे वाहतुकीत बदल

मुंबई : पश्चिम रेल्वेच्या मार्गावरून रविवार, २२ नोव्हेंबर २०२६ रोजी प्रवास करणाऱ्यांसाठी महत्त्वाची सूचना आहे.

Rising Stars Asia Cup: वनडे फॉरमेटच्या पहिल्याच परीक्षेत अभिषेक शर्मा नापास; अवघ्या 13 चेंडूंतच डाव आटोपला!

अभिषेक शर्मा टी20 फॉरमेटमधील सर्वोत्तम फलंदाज आहे. हे त्याने आपल्या फलंदाजीने सिद्ध करून दाखवलं आहे. त्यामुळे