पुणे : ऑनलाईन डेटिंग ॲप्सवर होणारी मैत्री कधी-कधी किती महागात पडू शकते, याचे एक ताजे आणि हादरवून टाकणारे प्रकरण पुण्याच्या येरवडा परिसरात समोर आले आहे. एका गे डेटिंग ॲपच्या माध्यमातून झालेली मैत्री 22 वर्षीय तरुणाच्या चांगलीच अंगलट आली असून, भामट्यांनी त्याला भेटायला बोलवून बेदम मारहाण करत बँक खात्यातील सर्व पैसे उकळल्याची धक्कादायक घटना घडली आहे.
नेमकी काय आहे घटना?
डेटिंग ॲपवरून ओळख: पीडित 22 वर्षीय तरुणाची एका डेटिंग ॲपवर दुसऱ्या तरुणासोबत ओळख झाली होती. यातूनच त्यांच्यात मैत्री वाढली.
निर्जन ठिकाणी बोलावले: या मैत्रीचा फायदा घेत आरोपीने तरुणाला भेटण्यासाठी एका निर्जन ठिकाणी बोलावले.
पडक्या खोलीत नेऊन मारहाण: ठरल्याप्रमाणे तरुण तिथे पोहोचल्यानंतर, त्या भामट्याने आपल्या इतर दोन साथीदारांना सोबत घेतले आणि त्याला एका पडक्या वसाहतीतील खोलीत जबरदस्तीने नेले. तिथे त्याला शिवीगाळ करत बेदम मारहाण करण्यात आली.
अमरावती: रायगड येथील दुर्घटनेची बातमी ताजी असतानाच अमरावतीमधून एक अत्यंत दुर्दैवी घटना समोर आली आहे. शहरात फिरायला आलेल्या दोन तरुणांचा रत्नापूर ...
फोन पे चा पिन जबरदस्तीने मिळवून लुटले पैसे
मारहाण करून एवढ्यावरच न थांबता आरोपींनी तरुणाला जीवे मारण्याची धमकी दिली. त्यानंतर त्याच्या मोबाईलमधील 'फोन पे' (PhonePe) ॲपचा पिन बळजबरीने मिळवला आणि बँक खात्यातून तब्बल 20,000 रुपये परस्पर ट्रान्सफर करून त्याची आर्थिक फसवणूक केली. या भयानक प्रकारामुळे तरुण पूर्णपणे हादरून गेला आणि त्याला मोठा मानसिक धक्का बसला. आरोपींनी या घटनेची वाच्यता केल्यास जीवे मारण्याची धमकी दिली होती, परंतु हिंमत करून पीडित तरुणाने अखेर येरवडा पोलीस ठाण्यात जात संपूर्ण आपबीती सांगितली. पोलिसांनी या प्रकरणी देवेंद्र, अरबाज आणि त्यांच्या एका अज्ञात साथीदाराविरुद्ध गुन्हा दाखल केला असून, पोलीस सध्या या प्रकरणाचा सखोल तपास करत आहेत. ऑनलाईन डेटिंगचा वापर करताना नागरिकांनी विशेषतः अशा भेटीगाठींच्या वेळी पुरेशी काळजी घ्यावी, असे आवाहन यानिमित्ताने केले जात आहे.(Dating App Fraud)