Team India Schedule: वनडे मालिका संपली, आता टीम इंडिया खेळणार 10 टी-20 सामने; कुठे- कधी पाहा संपूर्ण Schedule

एशियन गेम्स 2026 मध्ये भारत विरूद्ध वेस्ट इंडिज यांच्यातील वन डे सामना खेळवल्यानंतर क्रिकेट प्रेमींचे लक्ष टी 20 सीरीजकडे लागले आहे.

मुंबई: एशियन गेम्स 2026 मध्ये (Asian Games 2026) भारत विरूद्ध वेस्ट इंडिज यांच्यातील वन डे सामना खेळवल्यानंतर क्रिकेट प्रेमींचे लक्ष टी 20 सीरीजकडे लागले आहे. पुढचा महिनाभर भारतीय खेळाडू मॅच खेळणार आहेत. टी- 20 मालिकेला येत्या 6 ऑक्टोबरपासून सुरूवात होणार असून भारत आणि वेस्ट इंडिज यांच्यात पाच सामने खेळवले जाणार आहेत. विशेष म्हणजे, वेस्ट इंडिजविरुद्धची टी-20 मालिका संपताच भारतीय संघ न्यूझीलंड दौऱ्यासाठी रवाना होणार आहे. तेथेही भारताला पाच सामन्यांची टी-20 मालिका खेळायची आहे. त्यामुळे भारतीय संघ पुढचे 26 दिवस तब्बल 10 टी-20 सामने खेळणार आहे.






भारतीय संघाला इतक्या कमी कालावधीत सलग 10 सामने अत्यंत जिकरीचे ठरणार आहे. सततचा प्रवास, सामन्यांमधील कमी वेळ आणि वेगवेगळ्या परिस्थितींशी जुळवून घेण्याचे आव्हान भारतीय खेळाडूंसमोर असेल. त्यामुळे फिटनेस, खेळाडूंचे रोटेशन आणि बेंच स्ट्रेंथ यांना मोठे महत्त्व मिळणार आहे. भारत विरूद्ध वेस्ट इंडिजचा टी 20 सामना भारतात आणि भारत विरूद्ध न्युझीलंड सामना न्युझीलंडमध्ये खेळवला जाणार आहे. भारतातल्या मैदानांची सहज प्रॅक्टिस असणाऱ्या भारतीय फलंदाजांना आणि गोलंदाजांना न्यूझीलंडमधील वेगवान आणि उसळत्या खेळपट्ट्यांवर खेळताना चांगलीच कसोटी लागणार आहे. संघ व्यवस्थापन कशा पद्धतीने सर्व खेळाडूंचे व्यवस्थापन करणार हे या टी 20 मॅचमध्ये पाहावं लागणार आहे.


आशियाई क्रीडा स्पर्धेत भारताला सुवर्णपदक मिळवून देणाऱ्या कर्णधार श्रेयस अय्यरसमोर, संघ व्यवस्थापन आणि खेळाडूंच्या कामाचा ताण सांभाळण्याचे सर्वात मोठे आव्हान आहे. भारतीय संघाला आपल्या आगामी सामन्यांवर लक्ष केंद्रित करून दमदार कामगिरी करत विजयाची मालिका कायम ठेवावी लागेल. मात्र, कर्णधार श्रेयस अय्यर वेस्ट इंडिज संघाला कमी लेखणार नाही. वेस्ट इंडिज संघात असे अनेक दिग्गज खेळाडू आहेत जे भारतासमोर आव्हान उभे करू शकतात.







भारत-वेस्ट इंडिज टी-20 मालिकेचे वेळापत्रक (Team India vs West Indies T20 Schedule)


वेस्ट इंडिजविरुद्धची पाच सामन्यांची टी-20 सीरीज भारतात खेळवली जाणार आहे.




  • पहिला टी-20 : 6 ऑक्टोबर 2026 — लखनऊ (भारतरत्न अटल बिहारी वाजपेयी इकाना स्टेडिअम)

  • दुसरा टी-20 : 9 ऑक्टोबर 2026 — रांची (जीएससीए इंटरनॅशनल स्टेडिअम कॉम्प्लेक्स)

  • तिसरा टी-20 : 11 ऑक्टोबर 2026 — इंदूर (होळकर स्टेडिअम)

  • चौथा टी-20 : 14 ऑक्टोबर 2026 — हैदराबाद (राजीव गांधी इंटरनॅशनल स्टेडिअम)

  • पाचवा टी-20 : 17 ऑक्टोबर 2026 — बंगळूरु (एम. चिन्नास्वामी स्टेडिअम)


भारत- न्यूझीलंड टी-20 मालिकेचे वेळापत्रक (Team India vs New Zealand T20 Schedule)


17 ऑक्टोबरला वेस्ट इंडिजविरुद्धचा पाचवा टी-20 सामना संपल्यानंतर भारतीय संघ न्यूझीलंडच्या दौऱ्यासाठी रवाना होईल. न्यूझीलंडमध्ये भारताला पाच सामन्यांची टी-20 मालिका खेळायची आहे. या मालिकेला 22 ऑक्टोबरपासून सुरुवात होईल.




  • पहिला टी-20 : 22 ऑक्टोबर 2026 — क्राइस्टचर्च, हॅगली ओव्हल

  • दुसरा टी-20 : 24 ऑक्टोबर 2026 — क्राइस्टचर्च, हॅगली ओव्हल

  • तिसरा टी-20 : 27 ऑक्टोबर 2026 — वेलिंग्टन, स्काय स्टेडियम

  • चौथा टी-20 : 30 ऑक्टोबर 2026 — ऑकलंड, ईडन पार्क

  • पाचवा टी-20 : 1 नोव्हेंबर 2026 — हॅमिल्टन, सेडन पार्क

Comments
Add Comment

Asia Cup Rising Stars 2026: भारताने साखळी फेरीच्या पहिल्याच सामन्यात नेपाळला लोळवलं, तिलक-कुशाग्रची शतकी खेळी

रायझिंग स्टार्स आशिया कप स्पर्धेच्या पहिल्याच सामन्यात भारताने आपला विजयी ठसा उमटवला. नेपाळने नाणेफेकीचा कौल

Rising Stars Asia Cup: वनडे फॉरमेटच्या पहिल्याच परीक्षेत अभिषेक शर्मा नापास; अवघ्या 13 चेंडूंतच डाव आटोपला!

अभिषेक शर्मा टी20 फॉरमेटमधील सर्वोत्तम फलंदाज आहे. हे त्याने आपल्या फलंदाजीने सिद्ध करून दाखवलं आहे. त्यामुळे

दुसऱ्या कसोटी सामन्यात पाकिस्तानने श्रीलंकेला 8 गडी राखून नमवलं, WTC गुणतालिकेत झाला असा बदल

श्रीलंका आणि पाकिस्तान यांच्यात दोन सामन्यांची कसोटी मालिका पार पडली. ही मालिका पाकिस्तानने 1-0 ने जिंकली. पहिला

Asia Cup Rising Stars 2026 : नाणेफेक नेपाळने जिंकली आणि भारताच्या वाटेला प्रथम फलंदाजी, कर्णधार तिलक वर्मा म्हणाला...

आशिया कप रायझिंग स्टार्स 2026 स्पर्धेत भारत ए आणि नेपाळ आमनेसामने आले आहे. साखळी फेरीत भारताचा पहिलाच सामना असून

IND vs NZ 1st Test: केएल राहुल-यशस्वी जयस्वालचं न्यूझीलंडला जोरदार प्रत्युत्तर, 10 वर्षानंतर न्यूझीलंडने पाहिला असा दिवस

[caption id="attachment_1077112" align="aligncenter" width="800"] भारत आणि न्यूझीलंड यांच्यात पहिला कसोटी सामना वेलिंग्टनमध्ये खेळला जात आहे.

IND vs NZ 1st Test: दुसऱ्या दिवसावर टीम इंडियाची पकड, दिवसअखेर 1 गडी बाद 159 धावा

भारत आणि न्यूझीलंड यांच्यात पहिला कसोटी सामना होत आहे. या सामन्याच्या दुसऱ्या दिवशी न्यूझीलंडने 6 गडी गमवून 243