Nagpur Water Cut: नागपूर शहरात मंगळवारी पाणीपुरवठा बंद, कोणत्या भागांना बसणारा फटका? वाचा यादी

येत्या मंगळवारी नागपूर शहरातील पाणी पुरवठा बंद राहणार आहे. त्यामुळे नागपूर शहरातील कोण कोणत्या परिसरातील नागरिकांना पाणी पुरवठा बंदचा सामना करावा लागणार आहे, जाणून घेऊया...

नागपूर: नागपूर शहरामध्ये काही परिसरांमध्ये येत्या आठवड्यात पाणी पुरवठा बंद असणार आहे. शहराला पाणी पुरवठा केल्या जाणाऱ्या यंत्रणेमध्ये दुरूस्ती, जलवाहिनी स्थलांतराचे काम आणि देखभालीच्या कामामुळे शहरामध्ये पाणीकपात केली जाणार आहे. दोन वेगवेगळ्या भागांमध्ये पाणी कपात केली जाणार आहे. 6 ऑक्टोबरला अर्थात येत्या मंगळवारी पेंच 4 जलशुद्धीकरण केंद्रातून आणि पेंच 1 जलशुद्धीकरण केंद्रातून ज्या परिसराला पाणी पुरवठा होतो, त्या भागांमध्ये पाणी कपात केली जाणार आहे.






नागपूर शहरातील ज्या परिसरांना पेंच 4 आणि पेंच 1 जलशुद्धीकरण केंद्रातून पाणी पुरवठा केला जातो, त्या भागांमध्ये मंगळवारी पाणी पुरवठा बंद असेल. पेंच 4 जलशुद्धीकरण केंद्रामध्ये 36 तास आणि पेंच 1 जलशुद्धीकरण केंद्रातून 18 तासांसाठी पाणी पुरवठा बंद असणार आहे. पेंच 4 जलशुद्धीकरण केंद्रामध्ये मंगळवारी सकाळी 10 ते बुधवारी रात्री 10 वाजेपर्यंत पाणी पुरवठा बंद राहणार आहे. पेंच 4 जलशुद्धीकरण केंद्रातून ज्या परिसराला पाणी पुरवठा केला जातो, तिथे जलवाहिन्यांच्या जोडणीचे काम हाती घेण्यात आले आहे.


36 तासांच्या पाणी पुरवठा बंदच्या काळामध्ये, मानकापूर नाल्याजवळ 1400 बाय 1400 मिलिमीटर व्यासाच्या दोन जलवाहिन्यांच्या परस्परजोडणीचे काम आणि वाहिनी स्थलांतराचे काम केले जाणार आहे. शिवाय, ओंकारनगर न्यू ईएसआर येथील इनलेट फ्लो मीटर (प्रवाह मापक) बदलण्याचे काम केले जाणार आहे. पाणी पुरवठा बंदचा फटका नारा, नारी, जरीपटका, धंतोली, लक्ष्मीनगर न्यू, श्रीनगर, नालंदानगर, ओंकार नगर, हुडकेश्वर, सक्करदरा, बिडीपेठ, बालाजी नगर आणि डबल डेकर याशिवाय हुडकेश्वर-नरसाळा ग्रामीण भाग आणि गोधनी ग्रामपंचायत परिसराला बसण्याची शक्यता आहे.






पेंच- 1 जलशुद्धीकरण केंद्रात 6 ऑक्टोबर रोजी सकाळी 10 ते 7 ऑक्टोबर रोजी पहाटे 4 वाजेपर्यंत असा 18 तासांसाठी पाणी पुरवठा बंद राहणार आहे. दोन एचटी पंप नॉन-रिटर्न व्हॉल्व्हची दुरुस्ती किंवा बदल करण्यात येणार आहे. शिवाय, मोक्षधाम चौकातील जीएच-मेडिकल फीडरवर व्हॉल्व्ह बसवणे आणि जीएच-ओंकार फीडरवरील एअर व्हॉल्व्ह बदलणे, हे महत्त्वाचे कामं यावेळी केले जाणार आहे. याव्यतिरिक्त, नवेगाव खैरी येथील 33 केव्ही एनएमसी पाईपलाईनच्या दुरूस्तीसाठी 6 ऑक्टोबर रोजी सकाळी 10 ते दुपारी 3 वाजेपर्यंत अशा पाच तासांसाठी पाणी पुरवठा बंद राहील. या बंद दरम्यान एनएमसी-ओसीडब्ल्यू भूमिगत केबल किट बदलणार असून, टॉप क्लिप बसवणार आहे आणि झाडांच्या फांद्या कापण्याचे काम हाती घेतले जाणार आहे.






पेंच-1 केंद्रातील शटडाउनमुळे जीएच-बुलडी, वंजारीनगर जुना आणि नवीन, रेशीमबाग, हनुमाननगर, जीएच-मेडिकल, गोडरेज आनंदम, जीएच-बोरियापुरा, जीएच-वाहन ठिकाणा, जीएच-मध्य रेल्वे, बेझनबाग, जीएच-राजनगर आणि जीएच सदर भाग प्रभावित होतील. नवेगाव खैरी येथील कामामुळे लक्ष्मीनगर जुना, गायत्रीनगर, प्रतापनगर, खामला, तकलीसीम, त्रिमूर्तीनगर, जयताळा, रामनगर, सिव्हिल लाइन्स डीटी, रायफल लाइन, फुटाळा लाइन, डाभा, सेमिनरी हिल्स, चिचभवन, टेकडीवाडी, बुलडी फोर्ट-1 आणि 2, किल्ला महाल, बोरियापुरा, गिट्टीखदान आणि गोरेवाडा परिसरातील पाणीपुरवठ्यावर परिणाम होण्याची शक्यता आहे. त्यामुळे नागपूरकरांना आधीच पुरेल तितका पाणी पुरवठा भरून ठेवण्याचे आवाहन करण्यात आले आहे. नागपूर महानगर पालिकेला सहकार्य करण्याचे आवाहनही नागरिकांना करण्यात आले आहे.

Comments
Add Comment

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

Maharashtra Drought : राज्यातील दुष्काळी तालुक्यांत अनावश्यक बांधकामांना स्थगिती

मुंबई : राज्यातील ३१० दुष्काळग्रस्त तालुक्यांमध्ये निर्माण झालेल्या टंचाईसदृश परिस्थितीवर मात करण्यासाठी

Eknath Shinde : उपमुख्यमंत्री एकनाथ शिंदे यांच्या हेलिकॉप्टरमध्ये तांत्रिक बिघाड; पायलटने उड्डाण रोखले

सोलापुर : उपमुख्यमंत्री एकनाथ शिंदे यांच्या पंढरपूर दौऱ्यादरम्यान त्यांच्या

कार्तिकी वारीसाठी 5 कोटींचा निधी! चंद्रभागेच्या घाटावर उतरले उपमुख्यमंत्री एकनाथ शिंदे, स्वतः हातात पाइप घेऊन केली स्वच्छता

पंढरपूर : कार्तिकी एकादशी यात्रेसाठी पंढरपुरात दाखल होणाऱ्या लाखो वारकऱ्यांना स्वच्छ, सुरक्षित आणि दर्जेदार

Pimpri Chinchwad : पिंपरी-चिंचवड वाहतूक पोलिसांचा मोठा निर्णय; 350 बॉडी कॅमेऱ्यांची करडी नजर, आता चुकूनही नियम मोडू नका

पुणे : वाहतूक नियमांची अंमलबजावणी करताना पारदर्शकता आणि उत्तरदायित्व वाढवण्यासाठी पिंपरी-चिंचवड वाहतूक

Sanjay Pandey : माजी पोलीस आयुक्त संजय पांडे यांना मोठा दिलासा; सर्वोच्च न्यायालयाकडून पुनामिया यांची याचिका फेटाळली

मुंबई : माजी मुंबई पोलीस आयुक्त संजय पांडे यांच्याविरोधात दाखल करण्यात आलेले दोन एफआयआर रद्द करण्याच्या मुंबई