यवतमाळ: दुष्काळी परिस्थितीच्या पार्श्वभूमीवर यवतमाळ जिल्ह्याच्या दौऱ्यावर असताना आज मत्स्यव्यवसाय आणि बंदरे मंत्री नितेश राणे यांनी दारव्हा तालुक्यातील कुंभारकिन्ही तलाव क्रमांक २ येथे प्रत्यक्ष भेट देऊन तलावाची पाहणी केली. यावेळी उपस्थित मच्छीमार बांधवांशी संवाद साधून त्यांच्या अडचणी, मत्स्यव्यवसायावर झालेला परिणाम तसेच त्यांच्या विविध मागण्या जाणून घेतल्या.
गतवर्षीच्या तुलनेत यंदा पावसाचे प्रमाण कमी राहिल्यामुळे तलाव व जलाशयांमधील पाणीसाठ्यात मोठी घट झाली आहे. याचा थेट परिणाम मत्स्यव्यवसायावर झाला असून मच्छीमार बांधवांना आर्थिक नुकसानीला सामोरे जावे लागत आहे. ही परिस्थिती गांभीर्याने लक्षात घेऊन मच्छीमार बांधवांना आवश्यक ती सर्वतोपरी मदत उपलब्ध करून देण्यासाठी शासन स्तरावर योग्य ती कार्यवाही केली जाईल, अशी ग्वाही यावेळी नितेश राणे यांनी दिली.
वाशिम: महाराष्ट्रामध्ये निर्माण झालेल्या दुष्काळसदृश परिस्थितीत जलाशय आणि तलावातील पाणीसाठा कमी असल्यामुळे मत्स्य व्यवसायापुढे संकट निर्माण झाले ...
जलाशयांमध्ये मोठ्या प्रमाणात गाळ साचल्यामुळे पाणी साठवण क्षमता कमी होते. त्यामुळे जलाशयांची पाणी साठवण क्षमता वाढविण्यासाठी गाळ काढण्याच्या कामासंदर्भात संबंधित यंत्रणांनी तातडीने आवश्यक कार्यवाही करावी, असे स्पष्ट निर्देश संबंधित अधिकाऱ्यांना राणे यांनी दिले.
दुष्काळी दौऱ्यादरम्यान आज यवतमाळ जिल्ह्यातील दारव्हा तालुक्यातील कुंभारकिन्ही तलाव क्रमांक २ येथे प्रत्यक्ष भेट देऊन तलावाची पाहणी केली तसेच उपस्थित मच्छीमार बांधवांशी संवाद साधून त्यांच्या अडचणी जाणून घेतल्या.
गतवर्षीच्या तुलनेत यंदा पावसाचे प्रमाण कमी राहिल्याने तलाव व जलाशयांमधील पाणीसाठ्यात मोठी घट झाली आहे. त्याचा थेट परिणाम मत्स्यव्यवसायावर होत असून मत्स्यव्यवसायिकांना आर्थिक नुकसानीला सामोरे जावे लागत आहे. ही परिस्थिती गांभीर्याने लक्षात घेऊन मच्छीमार बांधवांना आवश्यक ती सर्वतोपरी मदत उपलब्ध करून दिली जाईल, असा विश्वास यावेळी व्यक्त केला. जलाशयांमध्ये मोठ्या प्रमाणात गाळ साचल्याने त्यांची पाणी साठवण क्षमता कमी होते. त्यामुळे जलाशयांमधील गाळ काढण्याच्या कामासंदर्भात संबंधित यंत्रणांनी तातडीने कार्यवाही करावी, असे स्पष्ट निर्देश दिले. यावेळी नागरिकांकडून विविध निवेदने स्वीकारून त्यांच्या मागण्यांबाबत योग्य ती कार्यवाही करण्याच्या सूचना दिल्या. तसेच मुख्यमंत्री मत्स्य संपदा योजनेंतर्गत उपलब्ध विविध योजनांचा मच्छीमार बांधवांनी प्रभावीपणे लाभ घ्यावा, असे आवाहनही यावेळी केले. याप्रसंगी माजी जिल्हा परिषद अध्यक्षा आरतीताई फुफाटे, मत्स्य आयुक्त भानुदास पालवे यांसह संबंधित अधिकारी उपस्थित होते. @CMOMaharashtra @Dev_Fadnavis @fisheriesgom — Nitesh Rane (@NiteshNRane) October 5, 2026
यावेळी नागरिक व मच्छीमार बांधवांकडून विविध निवेदने स्वीकारून त्यांच्या मागण्यांवर योग्य ती कार्यवाही करण्याच्या सूचना संबंधित अधिकाऱ्यांना दिल्या. तसेच मुख्यमंत्री मत्स्यसंपदा योजनेंतर्गत उपलब्ध विविध योजनांचा मच्छीमार बांधवांनी प्रभावीपणे लाभ घ्यावा, असे आवाहनही नितेश राणे यांनी केले.
मुंबई: राज्यातील दुष्काळ आणि पाणीटंचाईच्या पार्श्वभूमीवर टंचाईग्रस्त भागांमध्ये तातडीच्या उपाययोजना करण्यासाठी आमदार स्थानिक विकास निधीतून 25 लाख ...
दुष्काळी परिस्थितीत मच्छीमार बांधवांच्या अडचणी शासनाच्या दृष्टीने महत्त्वाच्या असून, त्यांच्या पाठीशी शासन ठामपणे उभे आहे. मत्स्यव्यवसायावर निर्माण झालेल्या संकटातून मच्छीमार बांधवांना दिलासा देण्यासाठी आवश्यक त्या उपाययोजना करण्यात येतील, असे नितेश राणे यांनी यावेळी स्पष्ट केले.
याप्रसंगी माजी जिल्हा परिषद अध्यक्षा आरतीताई फुफाटे, मत्स्य आयुक्त भानुदास पालवे यांच्यासह संबंधित विभागांचे अधिकारी उपस्थित होते.
