Nitesh Rane: यवतमाळातील दुष्काळी परिस्थितीची नितेश राणे यांनी केली पाहणी, मच्छीमार बांधवांना मदतीची दिली ग्वाही

दुष्काळी परिस्थितीच्या पार्श्वभूमीवर यवतमाळ जिल्ह्याच्या दौऱ्यावर असताना आज मत्स्यव्यवसाय आणि बंदरे मंत्री नितेश राणे यांनी दारव्हा तालुक्यात प्रत्यक्ष भेट देऊन तलावाची पाहणी केली.

यवतमाळ: दुष्काळी परिस्थितीच्या पार्श्वभूमीवर यवतमाळ जिल्ह्याच्या दौऱ्यावर असताना आज मत्स्यव्यवसाय आणि बंदरे मंत्री नितेश राणे यांनी दारव्हा तालुक्यातील कुंभारकिन्ही तलाव क्रमांक २ येथे प्रत्यक्ष भेट देऊन तलावाची पाहणी केली. यावेळी उपस्थित मच्छीमार बांधवांशी संवाद साधून त्यांच्या अडचणी, मत्स्यव्यवसायावर झालेला परिणाम तसेच त्यांच्या विविध मागण्या जाणून घेतल्या.


गतवर्षीच्या तुलनेत यंदा पावसाचे प्रमाण कमी राहिल्यामुळे तलाव व जलाशयांमधील पाणीसाठ्यात मोठी घट झाली आहे. याचा थेट परिणाम मत्स्यव्यवसायावर झाला असून मच्छीमार बांधवांना आर्थिक नुकसानीला सामोरे जावे लागत आहे. ही परिस्थिती गांभीर्याने लक्षात घेऊन मच्छीमार बांधवांना आवश्यक ती सर्वतोपरी मदत उपलब्ध करून देण्यासाठी शासन स्तरावर योग्य ती कार्यवाही केली जाईल, अशी ग्वाही यावेळी नितेश राणे यांनी दिली.






जलाशयांमध्ये मोठ्या प्रमाणात गाळ साचल्यामुळे पाणी साठवण क्षमता कमी होते. त्यामुळे जलाशयांची पाणी साठवण क्षमता वाढविण्यासाठी गाळ काढण्याच्या कामासंदर्भात संबंधित यंत्रणांनी तातडीने आवश्यक कार्यवाही करावी, असे स्पष्ट निर्देश संबंधित अधिकाऱ्यांना राणे यांनी दिले.


 


यावेळी नागरिक व मच्छीमार बांधवांकडून विविध निवेदने स्वीकारून त्यांच्या मागण्यांवर योग्य ती कार्यवाही करण्याच्या सूचना संबंधित अधिकाऱ्यांना दिल्या. तसेच मुख्यमंत्री मत्स्यसंपदा योजनेंतर्गत उपलब्ध विविध योजनांचा मच्छीमार बांधवांनी प्रभावीपणे लाभ घ्यावा, असे आवाहनही नितेश राणे यांनी केले.






दुष्काळी परिस्थितीत मच्छीमार बांधवांच्या अडचणी शासनाच्या दृष्टीने महत्त्वाच्या असून, त्यांच्या पाठीशी शासन ठामपणे उभे आहे. मत्स्यव्यवसायावर निर्माण झालेल्या संकटातून मच्छीमार बांधवांना दिलासा देण्यासाठी आवश्यक त्या उपाययोजना करण्यात येतील, असे नितेश राणे यांनी यावेळी स्पष्ट केले.


याप्रसंगी माजी जिल्हा परिषद अध्यक्षा आरतीताई फुफाटे, मत्स्य आयुक्त भानुदास पालवे यांच्यासह संबंधित विभागांचे अधिकारी उपस्थित होते.

Comments
Add Comment

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली

पाणीटंचाईग्रस्त गावांना टँकरद्वारे तातडीने पाणीपुरवठा करा, मंत्री गुलाबराव पाटील यांचे निर्देश

राज्यात संभाव्य दुष्काळसदृश परिस्थितीचे सावट लक्षात घेता राज्य सरकार आता अलर्ट मोडवर आले आहे. ज्या गावांमध्ये

IAS officers Transfers : राज्यातील चार वरिष्ठ सनदी अधिकाऱ्यांच्या बदल्या

मुंबई: राज्य शासनाने शुक्रवारी (२० नोव्हेंबर) चार वरिष्ठ सनदी अधिकाऱ्यांच्या (IAS) बदल्यांचे आदेश जारी केले.

Revenue Department : दोन लाखांवरील रोख व्यवहारांची माहिती आता आयकर विभागाला जाणार, महसूल विभागाचा निर्णय

मुंबई : जमीन किंवा मालमत्तेच्या खरेदी-विक्री व्यवहारात दोन लाख रुपये किंवा त्यापेक्षा अधिक रक्कम रोखीने दिल्यास