केंद्रीय माध्यमिक शिक्षण मंडळाने म्हणजेच CBSE ने शालेय कर्मचाऱ्यांसाठी सर्वसमावेशक शिक्षण या विषयावरील व्हिडिओचे प्रदर्शन उद्या म्हणजेच ७ ऑक्टोबर २०२६ रोजी आयोजित करण्याची घोषणा करण्यात आली आहे. भारत सरकारच्या शिक्षण मंत्रालयांतर्गत असलेल्या 'शालेय शिक्षण आणि साक्षरता विभागा'कडून प्राप्त झालेल्या निर्देशांनुसार, शालेय कर्मचाऱ्यांमध्ये संवेदनशीलता, सहानुभूती आणि सर्वसमावेशक दृष्टिकोन विकसित करण्याच्या उद्देशाने 'विशेष गरजा असलेल्या मुलांसाठी सर्वसमावेशक शिक्षण' या विषयावर ३० मिनिटांचा एक संवेदनशीलता व अभिमुखता मॉड्यूल तयार करण्यात आला आहे.
हे मॉड्यूल सर्व शैक्षणिक आणि शिक्षकेतर कर्मचाऱ्यांसाठी तयार करण्यात आले आहे. यामुळे त्यांना विशेष गरजा असलेल्या मुलांच्या (CWSN) गरजा व आव्हाने अधिक चांगल्या प्रकारे समजून घेण्यास आणि शालेय वातावरणात योग्य, आदरपूर्ण व सर्वसमावेशक पद्धतींना प्रोत्साहन देण्यास मदत होईल. सीबीएसई (CBSE) शी संलग्न असलेल्या सर्व शाळांना ३० मिनिटांच्या संवेदनशीलता आणि अभिमुखता मॉड्यूलचे प्रदर्शन आयोजित करावे आणि सर्व शैक्षणिक व शिक्षकेतर कर्मचाऱ्यांचा जास्तीत जास्त सहभाग सुनिश्चित करावा, अशी विनंती करण्यात आली आहे.
शेवटच्या क्षणी रेल्वेने प्रवास करणाऱ्यांना तात्काळ तिकीट चुकली किंवा रेल्वेचा चार्ट तयार झाल्यावर आपल्याला आता तिकीट मिळणारच नाही असं वाटणं साहजिक ...
हा उपक्रम 'PRASHAST' (प्रशस्त) या तपासणी उपक्रमाचा एक भाग आहे. चालू शैक्षणिक वर्षात राबविल्या जाणाऱ्या या उपक्रमाद्वारे विद्यार्थ्यांमधील संभाव्य दिव्यांगत्वाची तपासणी केली जाते आणि वेळेवर आवश्यक उपाययोजना करण्यास मदत केली जाते. शालेय वातावरणात 'CWSN' (विशेष गरजा असलेली मुले) यांच्या गरजा आणि आवश्यकतांबाबत शालेय कर्मचाऱ्यांमध्ये संवेदनशीलता निर्माण करणे, हा या उपक्रमाचा एक महत्त्वाचा घटक आहे. शाळांनी हा कार्यक्रम अशा प्रकारे आयोजित करणे आवश्यक आहे की, ज्यामुळे शाळेचे अत्यावश्यक कामकाज विस्कळीत न होता सर्व कर्मचारी त्यात सहभागी होऊ शकतील. हा मॉड्यूल पाहणाऱ्या शाळांची संख्या राष्ट्रीय स्तरावर दिसून येईल.
या उपक्रमाचा तपशील पुढीलप्रमाणे:
व्हिडिओचे नाव: 30-minute module on Inclusive Education for Children with Special Needs (CwSN)
दिनांक: ७ ऑक्टोबर २०२६
व्हिडिओ पाहण्यासाठी लिंक: http://prashast.education.gov.in (ही लिंक PRASHAST पोर्टलवरील मुख्याध्यापकांच्या लॉग-इनमधील 'व्हिडिओ ट्यूटोरियल' पर्यायाद्वारे उपलब्ध होईल.)
सहभागी: शिक्षक आणि शिक्षकेतर कर्मचारी