भारत आणि वेस्ट इंडिज यांच्यात पहिला टी20 सामना होत आहे. या सामन्यात नाणेफेकीचा कौल भारताच्या बाजूने लागला आणि प्रथम गोलंदाजी स्वीकारली. या निर्णयानंतर कर्णधार श्रेयस अय्यर म्हणाला की, 'आम्ही प्रथम गोलंदाजी करणार आहोत, ही मिश्र खेळपट्टी आहे. थोडे दवही पडेल. एशियन गेम्सनंतर प्रवास खूपच धावपळीचा होता. काल रात्री आलो, आज आम्ही सामन्यासाठी सज्ज झालो आहोत, पण आम्ही पूर्णपणे एकाग्र आहोत. ते अप्रतिम खेळत आहेत, त्यांनी गेल्या काही वर्षांपासून टी20 क्रिकेटवर वर्चस्व गाजवले आहे. त्यांच्याकडे उत्कृष्ट फलंदाजी आणि अष्टपैलू खेळाडू आहेत. सामन्याची आतुरतेने वाट पाहत आहे. रवी, नितीश, वैभव आणि प्रिन्स हा आणखी एक खेळाडू बाहेर बसला आहे.'
27 सप्टेंबर रोजी एकदिवसीय पदार्पण केल्यानंतर नमन धीर आता टी20आंतरराष्ट्रीय पदार्पण करण्यास सज्ज झाला आहे. त्याला अर्शदीप सिंगकडून त्याची पहिली टी20 आंतरराष्ट्रीय कॅप मिळाली आहे. पदार्पणाच्या सामन्यापूर्वी नमन धीर म्हणाला की, 'एकदिवसीय क्रिकेटमधून टी20 मध्ये परत येत असल्यामुळे काही गोष्टी बदलाव्या लागतील, आणि हा कालावधीही कमी आहे. हो, उत्साह खूप जास्त असेल आणि तुम्हाला त्या तीव्रतेशी जुळवून घ्यावे लागेल.'
Another #TeamIndia Cap to cherish and celebrate 🧢👏
All smiles as Naman Dhir receives his T20I debut cap from Arshdeep Singh 🙌 Updates ▶️ https://t.co/2czVyKWreK #INDvWI | @mflone_ https://t.co/LrmwyiKBxv — BCCI (@BCCI) October 6, 2026
ऑस्ट्रेलिया अ संघ भारत दौऱ्यावर असून वनडे मालिका सुरू आहे. तीन सामन्यांच्या वनडे मालिकेतील पहिल्या सामन्यात ऑस्ट्रेलियाने नाणेफेक जिंकली आणि प्रथम ...
वेस्ट इंडिजचा कर्णधार शाई होप म्हणाला की, 'आम्हीही प्रथम गोलंदाजी केली असती. भारतात, विशेषतः दव पडत असल्यामुळे, धावांचा पाठलाग करणे सहसा अधिक चांगले असते. आम्ही यापेक्षा चांगला बचाव करू शकत नाही. पण आम्ही परिस्थितीशी जुळवून घेण्याबद्दलच चर्चा झाली. तुम्ही ज्या प्रत्येक परिस्थितीत खेळता, ती खूप वेगळी असते आणि एक खेळाडू म्हणून तुम्हाला भारतातील या परिस्थितीशी पुन्हा जुळवून घ्यावे लागेल. आमच्याकडे जे संघ संयोजन आहे, त्यात काही नवीन खेळाडू आहेत, तर काही जण बऱ्याच काळापासून येथे आहेत. त्यामुळे आम्ही त्या अनुभवी खेळाडूंवर अवलंबून राहणार आहोत आणि आशा आहे की आंतरराष्ट्रीय क्रिकेटमध्ये येणाऱ्या तरुण खेळाडूंना आम्ही अधिक काळ टिकवू शकू. पण हो, आम्हाला फक्त आमचा सर्वोत्तम क्रिकेट खेळायचा आहे आणि आशा आहे की आम्हाला निकाल मिळेल.'
दोन्ही संघाची प्लेइंग 11
- वेस्ट इंडीज (प्लेइंग इलेव्हन): शाई होप (विकेटकीपर/कर्णधार), कामिल पूरन, शिमरॉन हेटमायर, रोव्हमन पॉवेल, शेरफेन रदरफोर्ड, रोमॅरियो शेफर्ड, मॅथ्यू फोर्ड, रोस्टन चेस, अकेल होसेन, शामर स्प्रिंगर, शमर जोसेफ.
- भारत (प्लेइंग इलेव्हन): अभिषेक शर्मा, संजू सॅमसन (विकेटकीपर), इशान किशन, श्रेयस अय्यर (कर्णधार), टिळक वर्मा, शिवम दुबे, नमन धीर, अक्षर पटेल, अर्शदीप सिंग, कुलदीप यादव, मयंक यादव
