आशियाई हॉकी चॅम्पियन्स ट्रॉफी 2026 सुरू होणार; जाणून घ्या संपूर्ण वेळापत्रक

नवी दिल्ली: पुरुषांच्या 'हिरो आशियाई चॅम्पियन्स ट्रॉफी पंजाब-2026' (Asian Champions Trophy 2026) मधील सामन्यांचे उत्सुकतेने वाट पाहिले जाणारे वेळापत्रक आशियाई हॉकी महासंघाने शुक्रवारी जाहीर केले आहे. या स्पर्धेचा थरार 27 ऑक्टोबर ते5 नोव्हेंबर दरम्यान रंगणार असून, यंदाचे विजेतेपद राखण्यासाठी भारतीय संघ पूर्ण तयारीने मैदानात उतरणार आहे.

स्पर्धेचे ठिकाण आणि स्वरूप

• लीग टप्प्यातील सामने: 27 ऑक्टोबर ते 2 नोव्हेंबर (जालंधर येथील ऑलिम्पियन सुरजीत सिंग हॉकी स्टेडियम)

• उपांत्य व अंतिम फेरी: 4 आणि 5 नोव्हेंबर (मोहाली येथील ऑलिम्पियन बलबीर सिंग सीनियर आंतरराष्ट्रीय हॉकी स्टेडियम)

• सहभागी संघ: भारत, मलेशिया, जपान, दक्षिण कोरिया, चीन आणि बांगलादेश.

या स्पर्धेत प्रत्येक संघ साखळी (लीग) फेरीत इतर सर्व संघांशी प्रत्येकी एक सामना खेळेल, म्हणजेच प्रत्येक संघाला 5 सामने खेळण्याची संधी मिळेल. गुणतालिकेतील अव्वल चार संघ उपांत्य फेरीत प्रवेश करतील.

🏑 THE WAIT IS OVER! THE MATCH SCHEDULE IS HERE! 🔥

Get ready for thrilling action as Asia’s top hockey nations come together for the Hero Asian Champions Trophy Punjab 2026! Click here : https://t.co/GbZUQmyevF #HeroAsianChampionsTrophy #Punjab2026 #AsianHockey https://t.co/kLKosVq2Ef — Asian Hockey Federation (@asia_hockey) October 9, 2026

भारताचे लीग सामने (भारतीय वेळेनुसार सायंकाळी 7 वाजता)

• 27 ऑक्टोबर: भारत विरुद्ध बांगलादेश (उद्घाटन सामना)

• 29 ऑक्टोबर: भारत विरुद्ध चीन

• 30 ऑक्टोबर: भारत विरुद्ध जपान

• 1 नोव्हेंबर: भारत विरुद्ध मलेशिया

• 2 नोव्हेंबर: भारत विरुद्ध दक्षिण कोरिया

(टीप: 28 ऑक्टोबर, 31 ऑक्टोबर आणि 3 नोव्हेंबर हे दिवस विश्रांतीचे असतील.)

नॉकआउट सामने

• उपांत्य फेरी: 4 नोव्हेंबर (मोहाली)

• कांस्यपदक आणि सुवर्णपदक सामना: 5 नोव्हेंबर (मोहाली)

IND vs WI: वेस्ट इंडिजने भारताला 6 गडी राखून नमवलं, सामना 10व्या षटकाच्या शेवटच्या चेंडूवर गमावला

वेस्ट इंडिजने दुसऱ्या टी20 सामन्यात भारताला 6 गडी राखून मात दिली. या सामन्यात नाणेफेकीचा कौल गमवल्यानंतर भारताच्या वाटेला प्रथम फलंदाजी आली होती. ...

विजेतेपद राखण्याचे भारताचे लक्ष्य

भारतीय हॉकी संघ हा या स्पर्धेतील सर्वाधिक यशस्वी संघ राहिला आहे. भारताने 2011, 2016, 2018 (पाकिस्तानसोबत संयुक्त विजेता), 2023 आणि 2024 अशा पाच वेळा हे विजेतेपद पटकावले आहे. नुकताच जपानमधील आशियाई क्रीडा स्पर्धेत सलग दुसरे सुवर्णपदक जिंकणारा भारतीय संघ या स्पर्धेत सर्वोच्च मानांकन असलेला संघ म्हणून उतरेल. पंजाबला भारतीय हॉकीची 'नर्सरी' मानले जाते. या राज्याने देशाला अनेक दिग्गज खेळाडू दिले असून, बऱ्याच कालावधीनंतर पंजाबमध्ये आंतरराष्ट्रीय हॉकीचे पुनरागमन होत असल्याने स्थानिक क्रीडाप्रेमींमध्ये कमालीचा उत्साह पाहायला मिळत आहे.

हॉकी इंडियाची प्रतिक्रिया

हॉकी इंडियाचे अध्यक्ष डॉ. दिलीप टिर्की म्हणाले की, वेळापत्रक जाहीर झाल्यामुळे स्पर्धेबाबतची उत्सुकता आणखी वाढली आहे. तर महासचिव भोला नाथ सिंह यांनी, पंजाबमधील हॉकीप्रेम आणि आदरातिथ्य जगासमोर आणण्याचा अभिमान असल्याचे सांगत स्पर्धा अतिशय रोमांचक होईल, असा विश्वास व्यक्त केला आहे.