मुंबई (विशेष प्रतिनिधी)
मुंबई महापालिकेच्या तानसा, मोडकसागर, मध्य वैतरणा, पिसे, तुळशी व विहार या धरणांसाठी सर्वकष धरण सुरक्षा मूल्यांकन समिती अहवाल तयार करण्यासाठी आता तज्ज्ञांची नेमणूक करण्यात येणार आहे. ही मुल्यांकन समिती प्रत्येक धरणाच्या ठिकाणी स्थळ भेटी देवून मुल्यांकन अहवाल तयार करणार आहे.
मुंबई महानगरपालिकेच्या अखत्यारितील व मालकीच्या तानसा, मोडकसागर, मध्य वैतरणा, पिसे, तुळशी व विहार या धरणांतुन मुंबई शहराला दैनंदिन पाणी पुरवठा केला जातो. केंद्र शासनाने धरण सुरक्षा कायदा, २०२१ भारताच्या अधिकृत राजपत्रात प्रकाशित केला असून ३० डिसेंबर २०२१ पासून अंमलात आणला आहे. धरण सुरक्षा अधिनियम २०२१ च्या कलम ३८ नुसार धरणाच्या मालकाने त्या धरणाची आणि त्यांच्या जलाशयाची स्थिती निश्चित करण्याच्या उद्देशाने, नियमानुसार गठीत केलेल्या तज्ञांच्या स्वतंत्र समितीमार्फत प्रत्येक धरणाचे सर्व समावेशक धरण सुरक्षा मुल्यांकन स्वतः करावे किंवा करुन घ्यावे.
परंतु, प्रत्येक विद्यमान धरणाचे पहिले सर्वसमावेशक धरण सुरक्षा मुल्यांकन या अधिनियमाच्या प्रारंभाच्या तारखेपासून पाच वर्षाच्या आत केले जावे आणि त्यानंतर अशा प्रत्येक धरणाचे सर्व समावेशक धरण सुरक्षा मुल्यांकन नियमांनुसार विनिर्दिष्ट केलेल्या नियमित अंतराने केले जावे असे नमुद केले आहे. या धरणांचे धरण सुरक्षा कायदा-२०२१ व राष्ट्रीय धरण सुरक्षा प्राधिकरण यांच्या आवश्यकतेनुसार सर्वकष धरण सुरक्षा मुल्यांकन हे स्वंतत्र तज्ञ समितीकडून डिसेंबर २०२६ पर्यंत पूर्ण करणे आवश्यक आहे.
मुंबई (विशेष प्रतिनिधी) मुंबईतील घनकचरा व्यवस्थापन अधिक प्रभावी करण्यासाठी बृहन्मुंबई महानगरपालिकेकडून अभिनव उपाययोजना केल्या जात आहे. ...
राज्य धरण सुरक्षितता संघटना, नाशिक यांना धरण मुल्यांकन समितीबाबत पत्रव्यवहार केला आहे. तसेच, धरण सुरक्षा संघटना नाशिक व राष्ट्रीय धरण सुरक्षा प्राधिकरण यांजकडून वारंवार पत्रव्यवहार व व्हिसी द्वारे संपर्क साधून तात्काळ अहवाल सादर करण्याचा सूचना दिल्या आहेत. अन्यथा धरण सुरक्षा कायदा अंतर्गत योग्य ती दंडात्मक कारवाई करण्यात येईल असे कळविण्यात आले आहे. म्हणून मुल्यांकन समिती नेमणुक करण्यास प्रस्ताविले आहे.कोकण विभागातील तज्ञ समितीला मुंबई महानगरपालिकेच्या धरणाचे मुल्यांकन करण्याकरीता संमती विचारली असता त्यांनी संमती दर्शविली आहे.
महाराष्ट्र शासनाने नेमून दिलेल्या धरण सुरक्षा मुल्यांकन समितीतील प्रत्येक तज्ञ आपले तांत्रिक विषयानुसार काम करणार असल्याने उपरोक्त शासन निर्णयानुसार त्यांचे मानधन, प्रवास भत्ता व राहण्याचा तसेच जेवणाचा इत्यादी खर्च, समितीतील प्रत्येक सदस्यांना स्वतंत्र देणे आवश्यक आहे असे त्यांनी दिलेल्या पत्रात नमूद केले आहे. त्या अनुषंगाने, तानसा, मोडकसागर, मध्य वैतरणा, पिसे, तुळशी व विहार या धरणांची मुल्यांकन समितीची स्थळ भेटी आणि मुल्यांकन अहवाल तयार करण्यास ४५ लाख ९० हजार रुपये मानधन दिले जाणार आहे.
