FDA Raids : कोकण, नाशिक व छत्रपती संभाजीनगर विभागात लाखो रुपयांचा अमानक अन्नसाठा जप्त; 11 आस्थापनांचे परवाने निलंबित

मुंबई: अन्नपदार्थांची गुणवत्ता आणि सुरक्षितता सुनिश्चित करण्यासाठी अन्न व औषध प्रशासनाने (FDA) राज्यभरात धडक मोहीम राबवली आहे. कोकण विभागात 33,286 किलो राजमा व कडधान्यांचा साठा जप्त करण्यात आला असून, त्याची अंदाजित किंमत ₹50.05 लाख आहे. यादरम्यान कोकण, नाशिक आणि छत्रपती संभाजीनगर विभागांत निकृष्ट दर्जाचा व चुकीच्या लेबलिंगचा मोठ्या प्रमाणावर अन्नसाठा जप्त करण्यात आला असून, नियमभंग व अस्वच्छतेमुळे मुंबई आणि छत्रपती संभाजीनगरमधील 11 खाद्य आस्थापनांचे परवाने तत्काळ प्रभावाने निलंबित करण्यात आले आहेत.

FDA Raids : सणासुदीत भेसळखोरांना दणका; खाद्यतेल, पनीर, खवा... FDA च्या धडक कारवाईत कोट्यवधींचा साठा जप्त

मुंबई: सणासुदीच्या पार्श्वभूमीवर नागरिकांच्या आरोग्याशी खेळणाऱ्या अन्नपदार्थ विक्रेत्यांवर अन्न व औषध प्रशासनाने (FDA) राज्यव्यापी धडक मोहीम राबवली ...

1. कोकण विभाग: 33 हजार किलोहून अधिक राजमा व कडधान्य जप्त

21 ऑक्टोबर 2026 रोजी कोकण विभागात केलेल्या कारवाईदरम्यान, नवी मुंबईतील नेरूळ येथील 'मे. आरडीसी ऍग्रो व्हेंचर्स प्रा. लि.' (M/s RDC Agro Ventures Pvt. Ltd.) या आस्थापनेतून मोठ्या प्रमाणावर संशयास्पद साठा जप्त करण्यात आला.

• रेड राजमा स्मॉल: 10,998 किलो (अंदाजित किंमत ₹17,69,860)
• राजमा (होल), 'बुलेट पल्सेस': 22,288 किलो (अंदाजित किंमत ₹32,34,720)

असा एकूण 33,286 किलो वजनाचा, अंदाजित ₹50,04,580 किमतीचा साठा अन्न सुरक्षा कायद्याच्या विविध कलमांन्वये जप्त करण्यात आला आहे.

FDA Action: छत्रपती संभाजीनगर आणि पुण्यातही FDA ची धडक कारवाई, रिलायन्स स्टोरेज आणि ब्लिंकिटच्या कोल्ड स्टोरेजवर धाड सत्र

महाराष्ट्र: छत्रपती संभाजीनगर, पुण्यासह इतरत्र जिल्ह्यामध्ये अन्न- औषध प्रशासनाने धडक कारवाई करत लाखोंचा मुद्देमाल हस्तगत केला आहे. सणासुदीच्या ...

2. नाशिक विभाग: खाद्यतेल, तूप आणि फराळाचे पदार्थ जप्त

नाशिक विभागात 21 ऑक्टोबर 2026 रोजी केलेल्या छापेमारीत खालील आस्थापनांवर कारवाई करण्यात आली:

• श्री संताजी ट्रेडिंग कंपनी (सिन्नर, नाशिक): 240 किलो रिफाइंड सोयाबीन तेल (अंदाजित किंमत ₹43,200). येथे प्रयोगशाळा व तांत्रिक व्यक्तीचा अभाव तसेच विश्लेषण अहवाल न मिळाल्यामुळे तेलाच्या गुणवत्तेबाबत संशय व्यक्त करण्यात आला.
• मे. न्यू हुमा ट्रेडिंग कंपनी (नाशिक): 153.4 किलो बटर व तूप (अंदाजित किंमत ₹1,18,170).
• महिपती एंटरप्रायजेस (सिडको, नाशिक): 90 किलो पिवळी शेव व पापडी (अंदाजित किंमत ₹19,000).

या मोहिमेत एकूण 483.4 किलो अन्नपदार्थ (अंदाजित किंमत ₹1,70,370) जप्त करण्यात आले.

FDA Raids: रिलायन्स, ब्लिंकिट आणि झोमॅटोला FDA चा दणका, संचालकांसह अधिकारी आणि कर्मचाऱ्यांवर गुन्हा दाखल

मुंबई: अन्न- औषध प्रशासनाने मुदत संपलेले, खराब झालेले आणि विक्रीसाठी नाकारलेले खाद्यपदार्थांची अफरातफर करून विक्री केली जात असल्याच्या संशयावरून ...

3. छत्रपती संभाजीनगर विभाग: गूळ व बडीशेप जप्त

छत्रपती संभाजीनगर येथील 'मे. औरंगाबाद कोल्ड स्टोरेज एलएलपी, जाधववाडी' येथे 21 ऑक्टोबर 2026 रोजी धडक कारवाई करण्यात आली.

• खुला गूळ: 3,749 किलो (अंदाजित किंमत ₹2,06,195)
• बडीशेप (Fennel Seeds): 25 किलो (अंदाजित किंमत ₹4,500)
• स्पेशल सौफ - न्यू बिग बॉस ब्रँड: 448 किलो (अंदाजित किंमत ₹80,640)

एकूण 4,222 किलो साठा (अंदाजित किंमत ₹2,91,335) जप्त करण्यात आला आहे.

मुलुंडच्या फोर्टिस रुग्णालयातील स्वयंपाकघराचा परवाना निलंबित, FDA ची कारवाई

अन्न आणि औषध प्रशासन विभागाने (FDA) शुक्रवारी (१६ ऑक्टोबर) मुलुंड येथील फोर्टिस रुग्नालयातील स्वयंपाक घराचा परवाना निलंबित केला आहे. फोर्टिस ...

4. अस्वच्छता आणि नियमभंगांमुळे 11 आस्थापनांचे परवाने निलंबित

हॉटेल, रेस्टॉरंट, बेकरी व कॅन्टीनमध्ये अस्वच्छ किचन, ड्रेनेजची समस्या, गंजलेले रॅक व भांडी, शिळा पाव ताज्या पावात मिसळणे, अपूर्ण तापमान नोंदी, कामगारांचे वैद्यकीय प्रमाणपत्र नसणे आणि मिठाईमध्ये अनधिकृत खाद्यरंगांचा वापर यांसारख्या गंभीर त्रुटी आढळल्याने कठोर पावले उचलण्यात आली आहेत.

मुंबई (9 आस्थापना)

1. M/s SK Bakery (माझगाव)
2. M/s Nekzad Restaurant (ग्रँट रोड)
3. M/s Foodies Multi Cuisine (वांद्रे पश्चिम)
4. M/s Arabian Luqma (जोगेश्वरी पश्चिम)
5. M/s Zidz Food and Hospitality / Delhi Zaiak (कुर्ला पश्चिम)
6. M/s Lite Bite Foods Pvt. Ltd. (You Mee) (घाटकोपर पश्चिम)
7. M/s Bikkgane Biryani LLP (गोवंडी, चेंबूर)
8. M/s Jubilant Foodworks Ltd (Dominos Pizza) (भांडुप पश्चिम)

छत्रपती संभाजीनगर विभाग (2 आस्थापना)

1. Dominos Pizza (बीड) — अनुसूची 4 मधील तरतुदींनुसार.

2. के. के. बेकर्स (रहमत नगर, परभणी) — तपासणीदरम्यान आढळलेल्या त्रुटींमुळे कारवाई.