नवी दिल्ली: देशामध्ये तयार होणाऱ्या पहिल्या स्वदेशी बुलेट ट्रेनचे काम प्रगती पथावर आहे. यामुळे देशातील रेल्वे क्षेत्रामध्ये एक नवीन अध्याय सुरू होणार आहे. मुंबई- अहमदाबाद बुलेट ट्रेन सध्या आकार घेत आहे. देशाचे रेल्वेमंत्री आश्विनी वैष्णव यांनी बंगळूरूमध्ये बुलेट ट्रेनचं सुरू असलेल्या बीईएमएल (BEML) कारखान्यामध्ये भेट दिली. यावेळी त्यांनी भेट घेत, देशामध्ये बनत असलेल्या 'मुंबई- अहमदाबाद हायस्पीड बुलेट ट्रेन'च्या कामाची पाहणी केली. बुलेट ट्रेनच्या माध्यमातून देश हायस्पीड रेल्वे तंत्रज्ञानामध्ये भारताचं पाऊल मजबूत करतंय. कर्नाटकातल्या बंगळूरूमधील, बीईएमएल (BEML) च्या कारखान्यामध्ये हायस्पीड बुलेट ट्रेन बनवण्याचं काम सुरू आहे.
नवीन बंगळुरू-मुंबई वंदे भारत स्लीपर एक्सप्रेस केवळ तिच्या वेग आणि आधुनिक रुपामुळेच नाही तर इतरही कारणांमुळे लक्ष वेधून घेत आहे. तिच्या अधिकृत ...
बुलेट ट्रेन म्हणजे प्रगत अभियांत्रिकी आणि स्वदेशी कौशल्य यांचा मेळ असून प्रवाशांच्या सोयी- सुविधा आणि सुरक्षितता लक्षात घेऊन भारतीय परिस्थितीनुसार ही ट्रेन तयार केली जात आहे. मिळालेल्या माहितीनुसार, मुंबई- अहमदाबाद हायस्पीड बुलेट ट्रेनचा पहिला टप्पा 2027मध्ये सुरू होण्याची शक्यता वर्तवली जात आहे. परंतू याबद्दल अद्याप कोणतीही अधिकृत माहिती समोर आलेली नाही. भारतीय बनावटीची पहिली स्वदेशी बुलेट ट्रेन, B- 28, तयार केली जात आहे. केंद्रीय रेल्वे मंत्री अश्विनी वैष्णव यांनी ट्रेनच्या बांधकामादरम्यान वापरल्या जाणाऱ्या अत्याधुनिक तंत्रज्ञान आणि सुरक्षा मानकांची पाहणी केली. त्यांनी या हाय- स्पीड ट्रेनच्या बांधकामात वापरण्यात येणारी आधुनिक यंत्रसामग्री, विशेष उपकरणे आणि तांत्रिक प्रक्रियांचा आढावा घेतला.
नवी दिल्ली : दिवाळीच्या तोंडावर दिल्ली आणि संपूर्ण राष्ट्रीय राजधानी क्षेत्रात (Delhi-NCR) वाढणारे हवेचे प्रदूषण लक्षात घेता, सर्वोच्च न्यायालयाने सोमवारी ...
रेल्वेमंत्र्यांनी कोच अंडरफ्रेम, साइडवॉल, छप्पर आणि कार बॉडी असेंब्लीसह उत्पादनाच्या विविध टप्प्यांची पाहणी केली. ट्रेनच्या तपासणीसाठी करण्यात आलेल्या स्क्वीझ टेस्टलाही त्यांनी हजेरी लावली. त्यांनी प्रवासी आसने, एसीची आरामदायी सुविधा, कपलर आणि इतर महत्त्वाच्या घटकांचाही त्यांनी यावेळी आढावा घेतला. शिवाय, रेल्वेमंत्र्यांनी साइड मॉड्यूल्स आणि रूफ मॉड्यूल्सच्या उत्पादन आणि असेंब्ली प्रक्रियेचाही आढावा घेतला. या ट्रेनची कमाल टेस्ट स्पीड जरी दर ताशी 280 किमी असला तर ऑपरेशनल स्पीड हा दर ताशी 249 किमी असणार आहे. एकंदरित या ट्रेनची संपूर्ण लांबी 202 मीटर असेल, या ट्रेनला 8 डब्बे असणार असून त्यातील चार डबे मोटर कार आणि 4 ट्रेलर कार असणार आहेत. ट्रेनमध्ये 557 प्रवासी बसतील इतकी आसन क्षमता आहे. दिव्यांगजन प्रवाशांसाठी खास सोयींची आसनं सुद्धा उपलब्ध करण्यात येणार आहेत.
#WATCH | Karnataka: Union Railways Minister Ashwini Vaishnaw inspects the manufacturing of India's first bullet train at BEML, Bengaluru.
(Source: Ministry of Railways) https://t.co/lnNOUlq720
— ANI (@ANI) November 1, 2026
बुलेट ट्रेनमध्ये, 7 डबे जनरल क्लासचे आणि एक डबा एक्झिक्युटिव्ह क्लासचा असेल. जनरल क्लासमध्ये 3×2 सिटींग सिस्टीमचे असेल आणि एक्झिक्युटिव्ह क्लासमध्ये 2×2 सिटिंग सिस्टीम असेल. ट्रेनमध्ये दोन्ही बाजूंना ड्रायव्हर कॅब असणार आहे. भविष्यामध्ये, दोन आठ डब्यांच्या ट्रेनचे रूपांतर 16 डब्यांच्या ट्रेन करण्याची योजना करण्यात येणार आहे. प्रवाशांच्या दृष्टीने आराम आणि अत्याधुनिक सोयी- सुविधांकडे विशेष लक्ष देत बुलेट ट्रेनची निर्मिती करण्यात येणार आहे. भारतीय प्रवाशांना नजरेसमोर ठेवून ट्रेनची रचना करण्यात येणार आहे. प्रवाशांच्या आरामाला प्राधान्य देत, गाडीमध्ये अर्गोनॉमिक पद्धतीने डिझाईन केलेले आसने असतील. पाय ठेवण्यासाठीही पुरेशी जागा, एलईडी लाईटिंगसाठी खास योजना, सामानासाठी ओव्हरहेड रॅक आणि मोठ्या सामानासाठी स्वतंत्र स्टँड्स उपलब्ध करून देण्यात येणार आहे.
नवी दिल्ली : भारताचे राष्ट्रीय सुरक्षा सल्लागार (NSA) अजित डोवाल (Ajit Doval) सध्या व्हिएतनामच्या अधिकृत दौऱ्यावर आहेत. या दौऱ्याचा एक भाग म्हणून त्यांनी ...
प्रत्येक सिटजवळ रुंद खिडकी, मोबाईल फोन आणि लॅपटॉप चार्ज करण्यासाठी पॉवर आउटलेट्स, आधुनिक बायोडायजेस्टर टॉयलेट, डब्यात एका टोकापासून दुसऱ्या टोकाकडे जाण्यासाठी सिंगल पीस गँगवे, सोबतच प्रवाशांना एका डब्यातून दुसऱ्या डब्यात सहजपणे जाता येईल, अशी सुविधा सुद्धा करण्यात आली आहे. असे अनेक अत्याधुनिक गोष्टींनी सुसज्ज अशी ही मुंबई- अहमदाबाद बुलेट ट्रेन आहे. या ट्रेनमुळे 508 किमीचा हायस्पीड मार्ग अवघ्या काही तासामध्ये पार करणे, शक्य होणार आहे.