आज, 8 नोव्हेंबर रोजी देशाचे ज्येष्ठ नेते आणि भारतरत्न लालकृष्ण अडवाणी यांनी वयाच्या 100व्या वर्षात पदार्पण केले आहे. त्यांच्या या विशेष टप्प्यानिमित्त देशभरातून शुभेच्छांचा वर्षाव होत आहे. याच औचित्याने पंतप्रधान नरेंद्र मोदी यांनी सोशल मीडिया प्लॅटफॉर्म ‘एक्स’वर भावनिक आणि महत्त्वपूर्ण संदेश शेअर केला आहे. यासोबतच अडवाणी यांच्या अतुलनीय राष्ट्रसेवेवर प्रकाश टाकणारा विस्तृत लेखही त्यांनी लिहिला आहे.
अडवाणी यांच्या जीवनप्रवासातील विविध पैलू
पंतप्रधान मोदी यांनी आपल्या लेखात लालकृष्ण अडवाणी यांच्या आयुष्यातील महत्त्वाच्या टप्प्यांचा सविस्तर आढावा घेतला आहे. फाळणीच्या भीषण अनुभवातून बाहेर पडून शून्यातून आयुष्य उभे करणे, जनसंघाला तळागाळात बळकट करणे आणि भारतीय जनता पक्षाची (भाजप) मजबूत पायाभरणी करणे, या त्यांच्या संघर्षपूर्ण प्रवासाचा मोदींनी विशेष उल्लेख केला आहे. तसेच, देशावर लादण्यात आलेल्या आणीबाणीच्या काळात लोकशाहीच्या रक्षणासाठी खंबीरपणे लढा देणे, ऐतिहासिक ‘सोमनाथ ते अयोध्या रथयात्रेचे’ नेतृत्व करणे आणि केंद्र सरकारमध्ये मंत्री तसेच उपपंतप्रधान म्हणून महत्त्वाच्या जबाबदाऱ्या सांभाळत राष्ट्राची निष्ठेने सेवा करणे, अशा विविध योगदानांवर पंतप्रधानांनी प्रकाश टाकला आहे.
Today, 8th November, is a landmark day. Respected L.K. Advani Ji enters his hundredth year. On this special occasion, my greetings to him. I’ve written an article in which I’ve highlighted his everlasting contribution to India. I have recalled his journey, be it experiencing the horrors of Partition and rebuilding life from scratch, strengthening the Jana Sangh and building the BJP, standing up for democracy during the Emergency, leading the Somnath to Ayodhya Rath Yatra or serving the nation in government. Have also written about other aspects of Advani Ji - the voracious reader, his love for culture and cinema, a prolific writer and more. English - https://t.co/tc77ZVhRdo हिंदी - https://t.co/t0JSavOopX
— Narendra Modi (@narendramodi) November 8, 2026
राजकारणापलीकडील व्यक्तिमत्त्वाचे पैलू
केवळ राजकारणच नव्हे, तर लालकृष्ण अडवाणी यांच्या व्यक्तिमत्त्वातील इतर अनेक पैलूही कौतुकास्पद असल्याचे पंतप्रधान मोदी यांनी नमूद केले आहे. अडवाणी यांची वाचनाची अफाट आवड, भारतीय संस्कृतीप्रती असलेली निष्ठा, चित्रकला आणि चित्रपटांविषयीचे विशेष प्रेम, तसेच व्यासंगी आणि विपुल लेखन करणारे लेखक म्हणून त्यांचे योगदान यांचाही मोदींनी आपल्या लेखात उल्लेख केला आहे. जनसंघापासून भाजपच्या विस्तारापर्यंत लालकृष्ण अडवाणी यांनी दिलेल्या अमूल्य योगदानामुळेच आज पक्षाने मोठे यश मिळवले आहे, असे सांगत पंतप्रधान नरेंद्र मोदी यांनी त्यांना उत्तम आरोग्य आणि दीर्घायुष्यासाठी मनःपूर्वक शुभेच्छा दिल्या आहेत.
