Maharashtra Weather: महाराष्ट्रात सध्या बदलत्या हवामानाचा अनुभव नागरिकांना येत आहे. दिवसा उष्ण आणि कोरडे वातावरण, तर पहाटे व रात्री गारवा जाणवत आहे. राज्यात सध्या पावसाची शक्यता नसून पुढील 4 ते 5 दिवस हवामान कोरडे राहण्याचा अंदाज आहे. वाऱ्यांच्या दिशेत बदल झाल्यामुळे दक्षिण महाराष्ट्रातील काही भागांत कमाल तापमानात 1 ते 2 अंश सेल्सिअसने वाढ होऊ शकते. जाणून घेऊया, 13 नोव्हेंबर रोजी कोकणापासून विदर्भापर्यंत हवामान कसे राहणार आहे.
Accident News: पश्चिम बंगालहून ओडिशातील पुरी येथे भगवान जगन्नाथांच्या दर्शनासाठी निघालेल्या यात्रेकरूंच्या बसला शुक्रवारी पहाटे अपघात झाला. ओडिशातील ...
कोकणात दमट हवामानाचा अंदाज
कोकण विभागात आकाश प्रामुख्याने निरभ्र राहण्याची, तर काही ठिकाणी अंशतः ढगाळ वातावरण असण्याची शक्यता आहे. दमट हवामानामुळे नागरिकांना उकाडा जाणवू शकतो. कमाल तापमान 34 ते 35 अंश सेल्सिअस, तर किमान तापमान 18 अंशांच्या आसपास राहण्याचा अंदाज आहे. पहाटेच्या वेळी मात्र काही प्रमाणात गारवा जाणवेल.
उत्तर महाराष्ट्रात गुलाबी थंडी
धुळे, नाशिक, नंदुरबार आणि जळगाव परिसरात कमाल तापमान 31 अंश, तर किमान तापमान 14 अंश सेल्सिअसच्या आसपास राहण्याची शक्यता आहे. किमान तापमानात घट झाल्याने सकाळी आणि रात्री थंडी जाणवत आहे. मात्र, दुपारच्या वेळी उष्ण वातावरण कायम राहण्याचा अंदाज आहे.
पश्चिम महाराष्ट्रात हवामान कोरडे
पश्चिम महाराष्ट्रात कमाल तापमान 29 अंश सेल्सिअसच्या आसपास राहण्याची शक्यता आहे. आकाश प्रामुख्याने निरभ्र राहणार असून पावसाची शक्यता नाही. सकाळी आणि रात्री गारवा जाणवेल, तर दुपारी उष्ण आणि कोरडे हवामान राहील.
मराठवाड्यात पावसाची प्रतीक्षा कायम
मराठवाड्यात कमाल तापमान 33 अंश सेल्सिअसपर्यंत जाण्याचा अंदाज आहे. या विभागासाठी सध्या कोणताही हवामान अलर्ट जारी करण्यात आलेला नाही. पावसाअभावी काही भागांत पाणीटंचाईचे संकट कायम असून त्याचा फटका शेतकऱ्यांना बसत आहे. पुढील 4 ते 5 दिवस हवामान कोरडे राहण्याची शक्यता आहे.
विदर्भात रात्रीच्या थंडीत वाढ होण्याची शक्यता
विदर्भात कमाल तापमान 32 ते 33 अंश, तर किमान तापमान 18 अंश सेल्सिअसच्या आसपास राहण्याचा अंदाज आहे. किमान तापमानात 1 ते 2 अंशांनी घट होऊ शकते. त्यामुळे रात्री आणि पहाटे थंडीचा अनुभव वाढण्याची शक्यता आहे. या विभागातही सध्या पावसाचा कोणताही अलर्ट नाही.
राज्यात पुढील काही दिवस कसे राहणार हवामान?
एकूणच, पुढील काही दिवस महाराष्ट्रात पावसाची शक्यता कमी असून कोरडे हवामान कायम राहण्याचा अंदाज आहे. किमान तापमानात हळूहळू घट होत असल्याने पहाटे आणि रात्री गारवा वाढू शकतो. दुसरीकडे, दिवसा उन्हाचा चटका कायम राहणार आहे. त्यामुळे नागरिकांना सकाळी-रात्री थंडी आणि दुपारी उष्णता अशा दुहेरी हवामानाचा अनुभव येईल.