Sanjay Kelkar Jan Sanvad: SRA योजना, गॅसलाईन अन् प्लॉटिंग फसवणूक; संजय केळकरांच्या जनसंवादात नागरिकांच्या तक्रारी

भांजेवाडी येथील रहिवाशांचा विरोध असूनही येथील मालक आणि विकासक एसआरए योजना राबवण्यासाठी दबाव टाकत असल्याचा आरोप करत येथील रहिवाशांनी आमदार संजय केळकर यांची भेट घेतली. यावेळी केळकर यांनी संबंधित अधिकाऱ्यांशी चर्चा करून चौकशी आणि कारवाईची मागणी केली.

Sanjay Kelkar: भांजेवाडी येथील रहिवाशांचा विरोध असूनही येथील मालक आणि विकासक एसआरए योजना राबवण्यासाठी दबाव टाकत असल्याचा आरोप करत येथील रहिवाशांनी आमदार संजय केळकर यांची भेट घेतली. यावेळी केळकर यांनी संबंधित अधिकाऱ्यांशी चर्चा करून चौकशी आणि कारवाईची मागणी केली.


भाजप आमदार संजय केळकर यांचा जनसेवकाचा जनसंवाद हा 145 वा कार्यक्रम खोपट येथील भाजपाच्या कार्यालयात पार पडला. या कार्यक्रमात नौपाडा भागातील भांजेवाडी येथील रहिवासी उपस्थित होते. येथील मालकाने एका विकासकाला ना हरकत प्रमाणपत्र दिले असून विकासकाने एसआरए विभागात कागदपत्रे सादर करून एसआरए योजना राबविण्याच्या हालचाली सुरू केल्या आहेत. विशेष म्हणजे भांजेवाडीतील 90टक्के रहिवाशांनी या योजनेस विरोध केला असतानाही विकासक दबावतंत्र वापरत असल्याचा आरोप रहिवाशांनी केला आहे. यावर आमदार संजय केळकर यांनी तत्काळ संबंधित एसआरए अधिकाऱ्यांशी संपर्क साधून विकासकाने सादर केलेल्या कागदपत्रांची तपासणी करण्याच्या सूचना केल्या तसेच रहिवाशांवर जबरदस्ती करून योजना राबवता येणार नसून याबाबत चौकशी करून कारवाई करण्यात यावी, अशा सूचनाही त्यांनी अधिकाऱ्यांना दिल्या आहेत.






तसेच या कार्यक्रमात सावरकरनगर येथील 10 इमारतींचे प्रतिनिधी, खोपट येथील ब्रह्मणदेव सीसायटीचे रहिवासी देखील उपस्थित होते. त्यांना अद्याप घरगुती गॅस लाईन मिळाली नसल्याबाबत त्यांनी निवेदन आमदारांकडे दिले. या संजय केळकर यांनी महानगर गॅसच्या अधिकाऱ्यांशी चर्चा केली. या इमारतींना 10 डिसेंबरपर्यंत गॅस लाईन उपलब्ध करून देण्यात येईल, असा विश्वास केळकर यांनी व्यक्त केला. गेल्या चार वर्षांत महानगर गॅस, महापालिका आणि रहिवासी यांच्या बैठका घेऊन समन्वयातून ठाणे शहरातील सुमारे 38 हजार कुटुंबांना गॅस लाईन उपलब्ध करून दिल्याचे केळकर यांनी माध्यमांना सांगितले. (Sanjay Kelkar)


तसेच ठाणे जिल्ह्यातील शहापूर, मुरबाड आदी ग्रामीण भागात विकासक प्लॉटींग करून सर्वसामान्य नागरिकांची आर्थिक फसवणूक करत असल्याचे उघडकीस येत आहे. शहापूर येथे गुंतवणूक केलेले काही नागरीकही या कार्यक्रमास हजर राहिले होते. या नागरिकांना संबंधित विकासक प्लॉट नावे करून देत नाही आणि पैसेही परत करत नसल्याच्या तक्रारी या नागरिकांनी या जनसंवादात केल्या. यावर केळकर यांनी तत्काळ संबंधित विकासकाच्या कार्यालयात संपर्क साधला. त्यावेळी विकासकाने ही बाब मान्य करून एक महिन्यात गुंतवणूकदारांचे पैसे एक रकमी परत करणार असल्याचे कबूल केले, अशी आमदार केळकर यांनी दिली. (Shahapur Plotting Fraud)


दरम्यान, चेंदणी कोळीवाडा येथील रवी उदय सोसायटीचे रहिवासी देखील यावेळी उपस्थित होते. या संकुलात निवृत्त शासकीय अधिकारी राहत असून येथील शासकीय जमिनीवर झालेल्या अतिक्रमणावर गेल्या तीन वर्षांत कारवाई झालेली नाही. आमदार केळकर यांनी तहसिलदारांशी संपर्क करून याबाबत चर्चा केली. यावेळी तहसीलदारांनी कारवाई करण्याचे आश्वासन दिल्याची माहिती त्यांनी दिली. जनसेवकाचा जनसंवाद या कार्यक्रमातून आमदार केळकर नागरिकांच्या वेळोवेळी समस्या सोडवत असतात. (Thane Latest News)

Comments
Add Comment

MHT CET 2027: विद्यार्थ्यांसाठी मोठी बातमी! 11अभ्यासक्रमांच्या CET परीक्षा दोनदा होणार; संभाव्य वेळापत्रक जाहीर

मुंबई: महाराष्ट्र राज्य सामाईक प्रवेश परीक्षा कक्षाने म्हणजेच सीईटी सेलने शैक्षणिक वर्ष 2027-28 साठी पदवी आणि

TejRan Wedding News: करण कुंद्रा आणि तेजस्वी प्रकाश लवकरच अडकणार लग्नबंधनात? 'देसी ब्लिंग 2'मध्ये सात फेरे घेणार असल्याची चर्चा!

[caption id="attachment_1075841" align="alignnone" width="800"] टीव्ही विश्वातील लोकप्रिय जोडी करण कुंद्रा आणि तेजस्वी प्रकाश हे आवडत्या जोडप्यांपैकी

Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती

26/11 हल्ल्यानंतर स्थापन झालेल्या ‘फोर्स वन’चे नियंत्रण आता 'एटीएस'कडे

मुंबई : दहशतवादी हल्ल्याला प्रत्युत्तर देताना तपास यंत्रणा आणि प्रत्यक्ष कारवाई करणाऱ्या कमांडो पथकात

Teen Tigada Web Series: प्रेम, क्रिकेट आणि संगीताचा अनोखा संगम! ‘तीन तिगाडा’ वेबसीरिजचा ट्रेलर रिलीज

Teen Tigada Web Series: प्रेम, महत्त्वाकांक्षा आणि आयुष्यातील अनपेक्षित घडामोडींचा संगम असलेली ‘तीन तिगाडा’ ही सिरीज आपल्या

‘जिजाई’मध्ये किशोर कदम साकारणार दमदार पोलिस इन्स्पेक्टर; रिंकू राजगुरूच्या चित्रपटाची उत्सुकता वाढली!

Jijai Marathi Movie : झी स्टुडिओजच्या आगामी ‘जिजाई’ या मराठी चित्रपटातून नाटक, चित्रपट आणि वेबसीरिज अशा विविध माध्यमांतून