विसर्जित पीओपीच्या गणेश मूर्तींवर प्रक्रिया करण्यास महापालिकेला सापडेना मुहूर्त

मुलुंडमध्ये तब्बल ७ हजारांहून अधिक मेट्रीक टन अवशेष पडून

मुंबई (विशेष प्रतिनिधी)


मुंबईत यंदाच्या गणेशोत्सवामध्ये विसर्जित होणाऱ्या पीओपींच्या मूर्तींवर प्रक्रिया करण्यासाठी महापालिकेच्यावतीने मुलुंड येथे जागा निश्चित करण्यात आली आहे. परंतु सप्टेंबर आणि त्यानंतर ऑक्टोबर महिना उलटून नोव्हेंबर उलटला तरी महापालिकेला या विसर्जित मूर्तींवर प्रक्रिया करण्याचा मुहूर्त सापडलेला नाही. मागील वर्षीच्या सुमारे ३ हजार मेट्रीक टन पीओपीच्या विसर्जित गणेशमूर्तींचे अवशेष आणि यंदाच्या गणेशोत्सवातील सुमारे ४ हजारांहून अधिक मेट्रीक टनाहून अधिक विसर्जित गणेश मूती आणि देवीच्या विसर्जित मूर्ती आहेत. त्यामुळे या सर्व मूर्तींवर प्रक्रिया करण्यास महापालिकेला अद्यापही मुहूर्त सापडलेला नसून या भग्नावस्थेतील अवशेषांवर कुणी व्हिडीओ करून महापालिकेची प्रतिमा मलिन केल्यानंतर प्रशासनाला जाग येणार आहे का असा प्रश्न उपस्थित होत आहे.


न्यायालयाच्या निर्देशानुसार महापालिकेच्यावतीने पीओपीच्या गणेश मूर्तींचे विसर्जन समुद्रात न करता कृत्रिम तलावांमध्ये करत आहे. त्यानुसार कृत्रिम तलाव तसेच इतर तलावांमधील विसर्जित गणेश मूर्ती संकलित करून मागील वर्षी डायघर येथे जमा केले होते. यंदा अशाप्रकारच्या विसर्जित गणेशमूर्ती मुलुंड येथील डम्पिंग ग्राऊंडवर जमा करून त्यावर प्रक्रिया करण्याचा निर्णय घेतला होता. मागील वर्षीच्या संकलित मूर्तींचे अवशेष आणि यंदाच्या उत्सवातील पीओपीच्या गणेशमूर्ती तसेच नवरात्रोत्सवातील देवीच्या विसर्जित मूर्तीही महापालिकेने संकलित करून मुलुंड येथे जमा केल्या.






याठिकाणी विसर्जित पीओपीच्या गणेश मूर्ती संकलित करून त्यावर प्रक्रिया मागील २५ सप्टेंबर पर्यंत संस्थेची निवड करण्यात येणार होती. यासाठी प्रशासनानेक संस्थेकडून अभिरुची स्वारस्य अर्ज मागवले होते. यामध्ये नवीन तंत्रज्ञानाचा वापर करून या मूर्तींवर कशाप्रकारे प्रक्रिया करून त्याचा पुनर्वापर केला जाईल याचा विचार प्रामुख्याने केला होता. परंतु, ही सर्व प्रक्रिया केवळ कागदावरच असून प्रत्यक्षात महापालिकेकडून कोणत्याही प्रकारची हालचाल केली जात नाही. गणेशोत्सवाच्या काळात मनसेचे नेते अविनाश जाधव यांनी भग्नावस्थेतील संकलित मूर्ती दाखवून महापालिका कोणत्याही प्रकारची प्रक्रिया करत नसल्याचे दाखवून दिले होते. यामुळे महापालिकेची प्रतिमा मलिन झाली होती. विसर्जित पीओपीच्या गणेश मूर्ती संकलित करून त्यावर प्रक्रिया केली जाईल अशाप्रकारचे आश्वासन महापालिका प्रशासनाने न्यायालया दिले होते. परंतु आता नोव्हेंबर उजाडला तरी त्याबाबत कोणतीही कार्यवाही होत नसल्याने प्रशासन याबाबत गंभीर नसल्याचे दिसून येत आहे. जर या मूर्तींवर प्रक्रिया करून त्याचा पुनर्वापर केला जाणार आहे, तर त्याबाबत प्रशासन तातडीने कार्यवाही का करत नाही असा सवाल उपस्थित करत आहे. प्रशासनाच्या अधिकाऱ्यांच्या म्हणण्यानुसार, यासाठी दोन संस्थांनी स्वासस्य दाखवले असून त्यातील अंतिम एका संस्थेची निवड करण्यासाठी प्रशासकीय मंजुरीसाठी प्रस्ताव सादर केलेला आहे, त्यानंतर पुढील प्रक्रिया केली जाईल असे सांगण्यात येत आहे.

Comments
Add Comment

BMC : आरोग्यांच्या मुद्दयावर शिवसेना आक्रमक, महापौरांकडे केली आरोग्य समस्यांवर चर्चा करण्यासाठी विशेष सभेची मागणी

मुंबई (विशेष प्रतिनिधी) : महापालिकेच्या केईएम रुग्णालयातील बंद लिफ्टसंदर्भात शिवसेना आक्रमक झाली असून या

गोरगरीब, गरजू रुगांसाठी ग्लोबल हॉस्पिटलमध्ये 37 रूग्णखाटा राखीव

मुंबई (विशेष प्रतिनिधी) मुंबई महानगरपालिका आणि परळ येथील ग्लोबल हॉस्पिटल यांच्यात सामंजस्य करार करण्यात येणार

BMC : रुग्णालयातील औषधे आणि वैद्यकीय साहित्यांच्या उपलब्धतेबाबत नागरिकांसाठी व्हॉट्सअप कार्यालय?

मुंबई (विशेष प्रतिनिधी) : मुंबई महानगरपालिका मुख्यालयातील सार्वजनिक आरोग्य समिति, अध्यक्षांच्या कार्यालयात

Sachin Tendulkar : सचिन तेंडुलकर यांच्या 25 बॅट्सचा अनोखा संग्रह; वानखेडे स्टेडियमवर ‘बॅटोग्राफी’ दालनाचे अनावरण

मुंबई : क्रिकेटचा देव म्हणून ओळखल्या जाणाऱ्या सचिन तेंडुलकर यांच्या कारकिर्दीतील खास आठवणी आता चाहत्यांना

सचिनच्या आठवणींचा खजिना वानखेडेत! 26 ऐतिहासिक बॅट्स पाहण्याची संधी; 'बॅटोग्राफी' प्रदर्शनाचे उद्घाटन

मुंबई : क्रिकेटचा देव म्हणून ओळखल्या जाणाऱ्या सचिन तेंडुलकर यांच्या क्रिकेट कारकिर्दीतील अविस्मरणीय आठवणींचा

Lokparampara Mahotsav: लोककलेच्या रंगाविष्काराने गिरगावात रंगला ‘लोकपरंपरा महोत्सव’!

मुंबई( सुहास शेलार): महाराष्ट्राच्या समृद्ध लोकपरंपरेचा, लोककलेचा आणि सांस्कृतिक वैभवाचा सुरेख आविष्कार