कार्तिकी एकादशीनिमित्त एसटीच्या 1000 जादा बसेस सज्ज! एसटी महामंडळाकडून वारकऱ्यांना खुशखबर

कार्तिकी एकादशीनिमित्त पंढरपूरला जाणाऱ्या वारकऱ्यांसाठी मोठी खुशखबर! एसटी महामंडळाने तब्बल एक हजार जादा बसेस सोडण्याचा निर्णय घेतला असून, ज्येष्ठ नागरिक आणि महिलांसाठीच्या प्रवास सवलतींचा लाभ घेत सुरक्षित प्रवास करण्याचे आवाहन परिवहन मंत्री प्रताप सरनाईक यांनी केले आहे.

मुंबई: महाराष्ट्राच्या भक्ती, श्रद्धा आणि वारकरी परंपरेचा अद्वितीय सोहळा असलेल्या कार्तिकी एकादशीसाठी पंढरपूर नगरी सज्ज झाली आहे. येत्या 21 नोव्हेंबर रोजी होणाऱ्या या पवित्र यात्रेसाठी राज्याच्या कानाकोपऱ्यातून विठुरायाच्या दर्शनासाठी येणाऱ्या लाखो भाविकांच्या सोयीसाठी महाराष्ट्र राज्य मार्ग परिवहन महामंडळाने (एसटी) मोठी तयारी केली आहे. उपमुख्यमंत्री एकनाथ शिंदे यांच्या मार्गदर्शनाखाली आणि परिवहन मंत्री तथा एसटी महामंडळाचे अध्यक्ष प्रताप सरनाईक यांच्या पुढाकाराने सुमारे 1000 जादा बसेस सज्ज ठेवण्यात आल्या आहेत.






कार्तिक शुद्ध एकादशी अर्थात प्रबोधिनी एकादशीचे वारकरी संप्रदायात अनन्यसाधारण महत्त्व आहे. या दिवशी भगवान विष्णू योगनिद्रेतून जागे होतात, अशी दृढ श्रद्धा असल्याने श्री विठ्ठल-रुक्मिणी मातेच्या दर्शनासाठी राज्यभरातून तसेच परराज्यांतूनही भाविक चंद्रभागेच्या तीरावर दाखल होतात. पंढरपूरच्या या भक्तिमय वातावरणात होणारी संभाव्य मोठी गर्दी लक्षात घेऊन प्रवाशांची कोणतीही गैरसोय होऊ नये, यासाठी एसटी महामंडळाने काटेकोर नियोजन केले आहे.


चंद्रभागा बसस्थानकासह विविध महत्त्वाच्या ठिकाणांहून राज्याच्या वेगवेगळ्या भागांसाठी जादा बसफेऱ्या चालवण्यात येणार आहेत. केवळ जाण्यापुरतेच मर्यादित न राहता, विठुरायाचे दर्शन झाल्यानंतर भाविकांना आपल्या मूळ गावी सुरक्षित आणि वेळेत परतता यावे, यासाठी परतीच्या प्रवासासाठीही पुरेशा बसेस उपलब्ध करून देण्यात आल्या आहेत. गर्दीचे सुयोग्य व्यवस्थापन, बसफेऱ्यांचे वेळापत्रक आणि प्रवाशांची सुरक्षा या बाबींना महामंडळाने सर्वोच्च प्राधान्य दिले आहे.






या यात्रेच्या निमित्ताने भाविकांसाठी एसटीच्या विविध सवलतींची योजना अत्यंत फायदेशीर ठरत आहे. अमृत ज्येष्ठ नागरिकांना मोफत प्रवास, तर 65 ते 75 वर्षे वयोगटातील ज्येष्ठ नागरिक तसेच महिलांना तिकिट दरात 50 टक्के सवलत दिली जाते. या सवलतींचा जास्तीत जास्त भाविकांनी लाभ घ्यावा आणि खासगी वाहनांचा पर्याय न निवडता एसटीच्या सुरक्षित, विश्वासार्ह आणि आरामदायी सेवेला प्राधान्य द्यावे, असे आवाहन प्रताप सरनाईक यांनी केले आहे.


प्रवासादरम्यान भाविकांना कोणताही त्रास होऊ नये, यासाठी महामंडळाचा संपूर्ण कर्मचारी वर्ग सज्ज आहे. भक्तीचा हा प्रवास असो वा दर्शनानंतरची परतीची वाट, प्रत्येक टप्प्यावर वारकऱ्यांच्या सेवेसाठी एसटी कटिबद्ध असल्याचे प्रशासनाकडून स्पष्ट करण्यात आले आहे. त्यामुळे यंदाची कार्तिकी एकादशी यात्रा अधिक सुखकर आणि सुरक्षित ठरेल, असा विश्वास व्यक्त केला जात आहे.

Comments
Add Comment

Mundhwa Land Scam: मुंढवा जमीन घोटाळ्यात पार्थ पवारांना आरोपी करण्याची मागणी फेटाळली

मुंबई : पुण्यातील मुंढवा जमीन गैरव्यवहार प्रकरणात पार्थ पवार यांना आरोपी करण्याची मागणी करणारी जनहित याचिका

पंतप्रधान नरेंद्र मोदींचा 12 डिसेंबरचा बारामती दौरा रद्द

मुंबई : बारामतीतील विद्या प्रतिष्ठानच्या परिसरात उभारण्यात आलेल्या प्रेरणास्थळाचे उद्घाटन पंतप्रधान नरेंद्र

दुष्काळ निवारणासाठी राज्य सरकारकडून नियोजन, ऑगस्ट 2027 पर्यंत पाणीटंचाईवर मात करण्यासाठी मास्टरप्लॅन; उपमुख्यमंत्री सुनेत्रा पवार यांनी दिले निर्देश

मुंबई: महाराष्ट्रातील अनेक जिल्ह्यांमध्ये दुष्काळजन्य परिस्थिती आहे. यामुळे राज्य सरकारकडून राज्यामध्ये

Gondia Murder Conspiracy: सिनेमालाही लाजवेल असं कथानक; कारच्या GPS लोकेशनने पतीचं उलगडलं गुपित, जंगलात घडली धक्कादायक घटना

महाराष्ट्रातील गोंदिया जिल्ह्यातून एक धक्कादायक हत्याकांड समोर आले आहे. पतीच्या दुसऱ्या महिलेसोबत असलेल्या

Baramati Airport : बारामती विमानतळाच्या विकासासाठी १३२ कोटींचा निधी मंजूर

मुंबई : दिवंगत उपमुख्यमंत्री अजित पवार यांच्या विमान अपघातानंतर चर्चेत आलेल्या बारामती विमानतळाच्या

बारावीच्या विद्यार्थ्यांसाठी महत्त्वाची बातमी, अर्थशास्त्राच्या परीक्षेच्या वेळेत अंशत: बदल; वाचा सविस्तर वेळापत्रक

पुणे: महाराष्ट्र राज्य माध्यमिक आणि उच्च माध्यमिक शिक्षण मंडळाने इयत्ता बारावीच्या वेळापत्रकामध्ये बदल