Mundhwa Land Scam: मुंढवा जमीन घोटाळ्यात पार्थ पवारांना आरोपी करण्याची मागणी फेटाळली

मुंढवा जमीन घोटाळा प्रकरणात राज्यसभा खासदार पार्थ पवार यांना आरोपी करण्याची मागणी करणारी जनहित याचिका मुंबई उच्च न्यायालयाने फेटाळली आहे. याचिकाकर्त्यांना कोणताही अभ्यास किंवा संशोधन न करता याचिका दाखल केल्याबद्दल न्यायालयाने फटकारले. त्यामुळे पार्थ पवार यांना मोठा दिलासा मिळाला आहे.

मुंबई : पुण्यातील मुंढवा जमीन गैरव्यवहार प्रकरणात पार्थ पवार यांना आरोपी करण्याची मागणी करणारी जनहित याचिका मुंबई उच्च न्यायालयाने शुक्रवारी फेटाळून लावली. माहिती अधिकार कार्यकर्ते हेमंत पाटील यांनी ही याचिका दाखल केली होती. याचिकेतील मुद्द्यांवर यापूर्वीही न्यायालयाने निर्णय दिलेला असताना त्याच स्वरूपाची याचिका पुन्हा का दाखल करण्यात आली, असा सवाल न्यायालयाने याचिकाकर्त्यांना केला. तसेच कोणतेही संशोधन आणि पुरेशी माहिती न घेता याचिका दाखल केल्याबद्दल ताशेरेही ओढले.(Parth Pawar)






मुंढवा जमीन गैरव्यवहार प्रकरणात पार्थ पवार यांच्यावर गुन्हा दाखल करून त्यांना आरोपी करावे, अशी मागणी याचिकेत करण्यात आली होती. पुणे पोलिसांकडे तक्रार करूनही गुन्हा दाखल करण्यात आला नसल्याचा आणि राजकीय वरदहस्तामुळे पोलीस पार्थ पवार यांना पाठीशी घालत असल्याचा आरोप याचिकाकर्त्यांनी केला होता. अमेडिया इंटरप्राइझेस या कंपनीत पार्थ पवार यांचा जवळपास 99 टक्के हिस्सा असून, कंपनीतील उर्वरित एक टक्का हिस्सेदारांविरोधात गुन्हा दाखल करण्यात आला; मात्र पार्थ पवार यांच्यावर कारवाई झाली नाही, असा मुद्दाही याचिकेत उपस्थित करण्यात आला होता.(Bombay High Court)






या याचिकेवर सुनावणीदरम्यान राज्य सरकारने याचिकाकर्त्याचा या प्रकरणाशी कोणताही संबंध नसल्याची भूमिका न्यायालयात मांडली. यापूर्वी अशाच स्वरूपाची याचिका फेटाळण्यात आली असताना त्याच मुद्द्यांच्या आधारे पुन्हा याचिका दाखल करण्याच्या भूमिकेवर न्यायालयाने प्रश्नचिन्ह उपस्थित केले. अखेर न्यायालयाने ही जनहित याचिका फेटाळून लावली.(Maharashtra Politics)

Comments
Add Comment

IAS officers Transfers : राज्यातील चार वरिष्ठ सनदी अधिकाऱ्यांच्या बदल्या

मुंबई: राज्य शासनाने शुक्रवारी (२० नोव्हेंबर) चार वरिष्ठ सनदी अधिकाऱ्यांच्या (IAS) बदल्यांचे आदेश जारी केले.

Revenue Department : दोन लाखांवरील रोख व्यवहारांची माहिती आता आयकर विभागाला जाणार, महसूल विभागाचा निर्णय

मुंबई : जमीन किंवा मालमत्तेच्या खरेदी-विक्री व्यवहारात दोन लाख रुपये किंवा त्यापेक्षा अधिक रक्कम रोखीने दिल्यास

सैनिकी शाळांतील प्रवेश आता केवळ गुणवत्तेच्या आधारेच; मुख्यमंत्री फडणवीस यांचे निर्देश

राज्यातील सैनिकी शाळांमध्ये पारदर्शक, उत्तरदायी आणि गुणवत्तापूर्ण व्यवस्था निर्माण करण्यावर नव्या धोरणात भर

India Electric Ship : भारतातील पहिल्या इलेक्ट्रिक हायड्रोफॉइल जहाजाची महाराष्ट्रात यशस्वी चाचणी- मंत्री नितेश राणे यांनी दिली माहिती

मुंबई : जलवाहतुकीसाठी पर्यावरणपूरक आणि आधुनिक तंत्रज्ञानाचा वापर करण्याच्या दिशेने महाराष्ट्राने महत्त्वाचे

जमीन व्यवस्थापन, पायाभूत सुविधा आणि कृषी उत्पादकतेवर भर; मुख्यमंत्री फडणवीसांची नीती आयोगासोबत बैठक

महाराष्ट्राच्या सर्वांगीण विकासासाठी दीर्घकालीन नियोजन, जमिनीचे योग्य व्यवस्थापन, पायाभूत सुविधा

Maratha Students : मराठा समाजातील विद्यार्थ्यांनाही शैक्षणिक शुल्कात सवलत; कृषीमंत्री दत्तात्रय भरणे यांची घोषणा

मुंबई : राज्यातील कृषी शिक्षण घेणाऱ्या मराठा समाजातील पात्र विद्यार्थ्यांना आता ओबीसी विद्यार्थ्यांप्रमाणे