Canada Crime: कॅनडात भारतीय जोडप्याची गोळ्या झाडून हत्या; वॉलमार्ट पार्किंगमध्ये रक्तरंजित घटना

कॅनडाच्या सरे येथील वॉलमार्ट स्टोअरबाहेर भारतीय वंशाच्या एका जोडप्याची गोळ्या घालून हत्या करण्यात आली असून हा एक लक्ष्यीत गोळीबार असल्याचा संशय पोलिसांनी व्यक्त केला आहे.

कॅनडाच्या सरे येथील वॉलमार्ट स्टोअरबाहेर भारतीय वंशाच्या एका जोडप्याची गोळ्या घालून हत्या करण्यात आली असून हा एक लक्ष्यीत गोळीबार असल्याचा संशय पोलिसांनी व्यक्त केला आहे. २३ वर्षीय गगनप्रीत (गॅरी) रेहल आणि २४ वर्षीय सुखजीत कौर अशी ओळख पटलेले हे जोडपे १५ नोव्हेंबर रोजी रात्री १०:३८ च्या सुमारास एका पार्किंग लॉटमध्ये गोळी लागलेल्या अवस्थेत आढळले. 'जेव्हा प्रथमोपचार पथक घटनास्थळी पोहोचले तेव्हा पुरुष आणि महिलेला पुनरुज्जीवित करण्याची प्रयत्न करण्यात आले. दोन्ही पीडितांना रुग्णालयात नेण्यात आले. तिथे थोड्याच वेळात त्यांना मृत घोषित करण्यात आले.' अशी माहिती सरे पोलिसांनी दिले.


पोलिसांनी सांगितले की, दोन्ही पीडित शेजारच्या डेल्टा टाउनशिपमध्ये राहत होते. कॅनडाचे सर्वात मोठे हत्या तपास पथक असलेल्या इंटिग्रेटेड होमिसाइड इन्व्हेस्टिगेशन टीमने (IHIT) आता या प्रकरणाचा ताबा घेतला आहे. रेहल शस्त्रास्त्रांच्या गुन्ह्यांसाठी पोलिसांना परिचित होता, तर कौरचे कॅनडामध्ये मर्यादित संपर्क होते. गोळीबाराच्या घटनेनंतर सुमारे १३ मिनिटांनी जवळच लागलेल्या एका कारच्या आगीचा संबंध या हत्यांशी असावा आणि जळालेले वाहन हेच संशयित वाहन असावे, असा पोलिसांचा विश्वास आहे. एका निवेदनात आयएचआयटीने म्हटले आहे की, हा गोळीबार लक्ष्यीत होता आणि त्याचा संबंध संघटित गुन्हेगारीशी होता, असा त्यांचा विश्वास आहे.






तपासादरम्यान गोळीबारानंतर सुमारे १५ मिनिटांनी जाळण्यात आलेल्या एका वाहनाचाही संबंध समोर आला आहे. रात्री १०.५१ वाजता प्रिन्सेस ड्राईव्हच्या ९७०० ब्लॉकमध्ये वाहन जळत असल्याची माहिती मिळाली. हेच वाहन हल्लेखोरांनी वापरल्याचा संशय आहे. हा धागा तपासासाठी महत्त्वाचा ठरत आहे. या घटनेने दोन्ही कुटुंबांवर दुःखाचा डोंगर कोसळला आहे. RED FM कॅनडाशी बोलताना गगनप्रीतच्या वडिलांनी सांगितलं की, त्यांचा मुलगा घटनेच्या काही मिनिटे आधीच घराबाहेर पडला होता. कौर ही त्याच्या मुलाची प्रेयसी असल्याचंही त्यांनी सांगितलं. मी माझा मुलगा गमावला आहे. मी ट्रक ड्रायव्हर आहे, कॅल्गरीहून परत येत होतो, तेव्हा गोळीबाराची माहिती मिळाली. आता ते सांगतायत माझा मुलगा राहिला नाही. पोलीस मला सांगत नाहीयेत की मृतदेह कुठे नेला आहे, मला फक्त त्याला पाहायचंय," असं व्यथित वडिलांनी म्हटलं. पोलिसांनी दोघांचं वर्णन डेल्टाचे दक्षिण आशियाई रहिवासी असं केलं आहे. वॉलमार्ट पार्किंग सील करून पुरावे गोळा करण्यात आले. IHIT आणि सरे पोलीस आता संयुक्तपणे तपास करत आहेत.

Comments
Add Comment

Iran Attacks on America: इराण-अमेरिका संघर्ष पेटला? बहरीनमधील अमेरिकी रडार आणि तेलवाहू जहाजांवर हल्ले

पश्चिम आशियामध्ये इराण आणि अमेरिका यांच्यातील तणाव सातत्याने वाढत आहे. इराणच्या इस्लामिक रिव्होल्यूशनरी गार्ड

Goldy Brar News: अमेरिका-कॅनडाच्या मोस्ट वॉन्टेड यादीत गोल्डी ब्रार! पकडण्यासाठी 8.5 कोटींचे बक्षीस

Goldy Brar: लॉरेन्स बिश्नोई गँगमधील कुख्यात गुंड गोल्डी ब्रार याला अमेरिकेच्या 10 मोस्ट वॉन्टेड फरार आरोपींच्या स्थान

अमेरिकेच्या राष्ट्राध्यक्षांकडून भारतीय अर्थव्यवस्थेचे कौतुक, कमी व्याजदरावरून डोनाल्ड ट्रम्प यांनी फेडरल रिझर्व्हची केली कानउघाडणी

मुंबई: अमेरिकेचे अध्यक्ष डोनाल्ड ट्रम्प यांनी भारताच्या कमी व्याजदरांची प्रशंसा केली असून अमेरिकेच्या

NVIDIA Chip Smuggling : NVIDIA चे माजी वरिष्ठ अधिकारी जय पुरी यांच्या पत्नीचा चिप तस्करी प्रकरणाशी संबंध ? मडी वॉटर्सच्या अहवालाने तंत्रज्ञान विश्वात खळबळ

नवी दिल्ली : एआय (AI) क्षेत्रातील सर्वात मोठी कंपनी मानल्या जाणाऱ्या 'एनव्हीडिया'चे (Nvidia) माजी वरिष्ठ अधिकारी अजय के.

अमेरिकेतील एका निर्णयामुळे सोन्याच्या दरात पडझड? सोन्याचे दर 10 हजारांनी कमी झाले...

मुंबई: नोव्हेंबर महिन्यामध्ये सोन्याच्या दरात लक्षणीय घसरण होताना दिसत आहे. मल्टी कमोडिटी एक्सचेंजकडून

बांगलादेशमध्ये पुन्हा आगडोंब, राजधानी ढाकामध्ये नागरिकांकडून मोठ्या प्रमाणावर जाळपोळ

मुंबई: बांगलादेशमध्ये पुन्हा एकदा राजकीय हिंसाचार आणि जाळपोळीच्या घटना घडताना दिसत आहे. बांगलादेशच्या माजी