महिला वकिलाची ७५ लाखांना फसवणूक, ७ जणांविरोधात गुन्हा दाखल

जळगाव : आजकाल फसवणुकीच्या घटना वाढल्या असून जळगावात एका महिला वकिलालाच फसवल्याची घटना घडलीय. गजानन कॉलनीत राहणाऱ्या वृध्‍द महिला वकिलाला कंपनीची खोटी माहिती सांगून कंपनीसाठी रक्कम दिल्यास प्रत्येक महिन्याला दीड टक्के व्याज देण्याचे आमिष दाखवत तब्बल ७५ लाख रुपयांची फसवणूक केल्याचा धक्कादायक प्रकार उघडकीला आला आहे. याप्रकरणी जळगाव शहर पोलीस ठाण्यात ७ जणांविरोधात फसवणुकीचा गुन्हा दाखल करण्यात आला आहे.


जळगाव शहरातील गजानन कॉलनीतील शांतीबन अपार्टमेंट येथे शिरीन गुलाम अली अमरेलीवाला (६५) या वृद्ध महिला आपल्या परिवारास वास्तव्याला असून जिल्हा न्यायालयात वकिली व्यवसाय करून त्या आपला उदरनिर्वाह करत असतात. त्यांच्या ओळखीतले मनीष सतीश जैन याने वृध्द महिलेला कंपनीची खोटी माहिती सांगून कंपनीचे रियल इस्टेट व बिल्डिंग कन्स्ट्रक्शनचे व्यवहारासाठी रकमेची आवश्यकता असल्याने, तुम्ही पैसे दिल्यास दीड टक्के प्रती महिन्याच्या व्याजाचा आकर्षक परतावा देईल, असे सांगून त्याने वृद्ध महिलेकडून डिसेंबर २०२१ ते जानेवारी २०२४ पर्यंत या कालावधीत एकुण ७५ लाख रुपये घेतले. या कटकारस्थानमध्ये मनीष जैन, त्याचा भाऊ अतुल सतिष जैन, त्याची आई यशोदा सतिष जैन तिघे रा.यश प्लाझा, जळगाव, जाफरखान मजीद खान रा.सुप्रीम कॉलनी, विजय इंदरचंद ललवानी रा. सिंधी कॉलनी, अक्षय अग्रवाल रा. गोलाणी मार्केट आणि कंपनीचे सेक्रेटरी असे नाव सांगणाऱ्या केतन किशोर काबरा रा. जयनगर याचा सहभाग आहे.


दरम्यान शिरीन अमरेलीवाला यांना ऑगस्ट २०२४मध्ये पैशांची आवश्यकता असल्याने त्यांनी मनीष जैन यांच्याकडे पैशांची मागणी केली. त्यावेळी मनीषने त्यांना पैसे देण्यास नकार दिला तसेच त्याच्या घरातील अतुल सतीश जैन त्याची आई यशोदा सतीश जैन यांनी धमकावत पैसे मिळणार नाही, तुमच्याकडून काय करायचं आहे करून घ्या असे सांगून धमकावले. आपली फसवणूक झाल्याचे लक्षात आल्यानंत सिरीन अमरेलीवाला यांनी मंगळवारी ७ जानेवारी रोजी रात्री ११ वाजता जळगाव शहर पोलीस ठाण्यात तक्रार दिली. त्यानुसार फसवणूक करणाऱ्या सात जणांविरोधात गुन्हा दाखल करण्यात आला. या घटनेचा पुढील तपास सहाय्यक पोलीस निरीक्षक शितल कुमार नाईक हे करीत आहे.

Comments
Add Comment

Mumbai Water Metro Project : मुंबई वॉटर मेट्रोच्या पहिल्या टप्प्यासाठी दोन सल्लागार कंपन्यांची नियुक्ती

मुंबई : मुंबई महानगर प्रदेशातील रस्ते वाहतुकीवरील ताण कमी करून प्रवाशांना जलवाहतुकीचा पर्याय उपलब्ध करून

अन्न व औषध प्रशासनाची मोठी धडक कारवाई; 1.27 कोटींचा अन्नसाठा जप्त, 12 परवाने निलंबित व 6 व्यवसाय बंद

अन्न व औषध प्रशासनाने (FDA) महाराष्ट्रात अन्न सुरक्षेच्या नियमांचे उल्लंघन करणाऱ्यांवर कडक कायदेशीर बडगा उगारला

Chandrashekhar Bawankule : ओबीसी कल्याणासाठी 6,840 कोटींच्या निधीची शिफारस; जानेवारीत राज्यभर 500 विशेष शिबिरे

मुंबई : राज्यातील ओबीसी आणि 18 पगड जातींच्या कल्याणासाठी विद्यार्थ्यांची शिष्यवृत्ती आणि वसतिगृहांच्या

कोल्हापुरातील बाहुबली आणि कुंथुगिरी तीर्थक्षेत्रांचा विकास होणार; 18 कोटींपेक्षा जास्त निधी मंजूर

कोल्हापूर जिल्ह्यातील दोन महत्त्वाची जैन तीर्थक्षेत्रं असलेल्या बाहुबली आणि कुंथुगिरी यांच्या सर्वांगीण

Eknath Shinde : दुर्धर आजारांवरील उपचारांचा महात्मा फुले जनआरोग्य योजनेत समावेश करा, उपमुख्यमंत्री एकनाथ शिंदे यांचे निर्देश

मुंबई : राज्यातील दुर्धर आजारांनी ग्रस्त रुग्णांना वेळेत निदान आणि उपचार मिळावेत, तसेच महागड्या उपचारांचा

Nitesh Rane : बंदर प्रकल्पांसोबत स्थानिक युवकांना कौशल्य प्रशिक्षण द्या- मंत्री नितेश राणे

मुंबई : वाढवण, दिघी आणि कोकणातील प्रमुख बंदर प्रकल्पांच्या परिसरातील स्थानिक युवकांना रोजगाराच्या संधी उपलब्ध