भिडेवाडा येथे महात्मा जोतीबा आणि क्रांतीज्योती सावित्रीबाई फुले यांनी येथेच देशातील पहिली मुलींची शाळा सुरु केली. आणि स्त्री शिक्षणाचा दीप प्रज्वलित केला. त्यामुळे भिडेवाडा हा केवळ वास्तू न राहता स्त्री शिक्षणाच्या संघर्षाची आणि बदलाची साक्ष ठरली आहे. हाच ऐतेहासिक भिडेवाडा आता चित्रपटाच्या रुपात प्रेक्षकांच्या भेटीला येणार आहे.
शिवमुद्रा स्टुडिओज निर्मित आणि राघो फ्लिम प्रस्तुत 'भिडेवाडा' या सामाजिक चित्रपटाचे पोस्टर नुकतेच प्रदर्शित करण्यात आले आहे. या चित्रपटाचे दिग्दर्शन शिवानी राजशिर्के आणि अजित शिरोळे यांनी केले आहे. त्याचसोबत निर्मितीची जबाबदारी जयश्री शिरोळे आणि कावेरी जावळे यांनी सांभाळली आहे. तर सुप्रिया शिंदे, वैभव जोशी आणि राजू विटकर हे या चित्रपटाचे सहनिर्माते आहेत.
या चित्रपटात क्रांतीज्योती सावित्रीबाई फुले यांची भूमिका अभिनेत्री प्राजक्ता गायकवाड तर महात्मा जोतीराव फुले यांची भूमिका धीरेसे जोशी यांनी साकारली आहे. या दोघांसोबत या चित्रपटात माधव अभ्यंकर, वैभव चव्हाण, ऋतुराज वानखेडे, नेहा सोनावणे, सम्राट शिरोळे, शरा गायकवाड, प्रदीप कोथमीरे, आनंद पिंपळकर, समद खान, प्रतिभा भागात, श्रीराम पेंडसे, निखिल निगडे, योगेश तनपुरे, पंकज चव्हाण आणि अनिरुद्ध देशपांडे हे कलाकार आहेत.