आपण सोशल मिडिया वापरत असताना आपल्याला यावर कधी काय पाहायला मिळेल हे सांगता येत नाही या सोशल मिडियावर बऱ्याचदा अनेक गोष्टींचे व्हिडिओ जोरदार व्हायरल होत असतात. अशातच सध्या एका प्रसिद्ध मॉडेलच्या व्हायरल व्हिडिओनं सोशल मीडियावर धूमाकूळ घातलाय.
या मॉडेलसोबत लाइव्ह शोमध्ये असं काही घडलं जे प्रत्येकासाठी अनअपेक्षित होतं. पण, या मॉडेलचं कौतुक करावं तितकं कमीच आहे. कारण या मॉडेलनं सहजरित्या हा प्रसंग सांभाळून घेतला आहे. यामुळे तिचं सोशल मीडियावर प्रचंड कौतुक होत आहे.
नुकताच मिस ग्रँड थायलंड २०२६चं आयोजन करण्यात आलं होतं. या स्पर्धेत अनेक मॉडेल सहभागी झाल्या होत्या. या स्पर्धेत 'कमोलवन चानागो' हिनं देखील सहभाग घेतला होता. दरम्यान, या स्पर्धेत मॉडेल स्वत:बद्दल माहिती देत असताना तिचे नकली दात अचानक पडले.
मात्र, यावेळी मॉडेलनं न घाबरता तिनं या गोष्टीला आपली ताकद बनवली आणि काही मिनिटांत पुन्हा तिनं स्वत:बद्दल माहिती देण्यास सुरुवात केली. हा व्हिडिओ सोशल मीडियावर जोरदार व्हायरल होत असून या मॉडेलनं हा प्रसंग इतक्या सहजपणे हाताळ्यानं सध्या सोशल मीडियावर सर्वजण तिचं भरभरून कौतुक करत आहेत.