मुंबई: गणेशोत्सवात कोकणात जाणाऱ्या चाकरमान्यांसाठी आणि प्रवाशांसाठी एक अत्यंत दिलासादायक बातमी समोर आली आहे. रेल्वे प्रशासनाकडून मुंबई आणि मडगाव दरम्यान ४ अतिरिक्त गणपती विशेष गाड्या चालवण्याचा निर्णय घेण्यात आला आहे. या नवीन फेऱ्यांमुळे यंदाच्या गणेशोत्सवासाठी धावणाऱ्या एकूण विशेष गाड्यांची संख्या आता 394 वर पोहोचली आहे.
या विशेष गाड्यांच्या माध्यमातून कोकणात जाणाऱ्या प्रवाशांची गर्दी कमी होण्यास मोठी मदत होणार आहे. सध्या मध्य रेल्वेच्या 262, पश्चिम रेल्वेच्या 64, कोकण रेल्वेच्या 62 आणि दक्षिण मध्य रेल्वेच्या 6 विशेष गाड्या प्रवाशांच्या सेवांसाठी उपलब्ध आहेत.(Ganpati Special Train)
पनवेल - मडगाव - पनवेल विशेष गाड्यांचा तपशील (4 फेऱ्या)
गाडी क्रमांक 01113 (पनवेल ते मडगाव): ही विशेष गाडी दिनांक 21.09.2026 आणि 28.09.2026 रोजी पनवेल येथून सकाळी 10.00 वाजता सुटेल आणि त्याच दिवशी रात्री 23.55 वाजता मडगाव येथे पोहोचेल. (एकूण २ सेवा)
गाडी क्रमांक 01112 (मडगाव ते पनवेल): ही विशेष गाडी दिनांक 20.09.2026 आणि 27.09.2026 रोजी मडगाव येथून रात्री 20.00 वाजता सुटेल आणि दुसऱ्या दिवशी सकाळी 09.00 वाजता पनवेल येथे पोहोचेल. (एकूण 2 सेवा)
महत्त्वाचे थांबे
पेण, रोहा, माणगाव, वीर, खेड, चिपळूण, सावर्डा, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग, कुडाळ, सावंतवाडी रोड, थिवि आणि करमाळी या स्थानकांवर या विशेष गाड्या थांबणार आहेत.
डब्यांची संरचना (Coach Composition)
प्रवाशांच्या सोयीसाठी या गाड्यांमध्ये विविध श्रेणींचे डब्यांचे नियोजन करण्यात आले आहे:
1 प्रथम वातानुकूलित सह वातानुकूलित द्वितीय (1 First AC cum 2nd AC)
2 वातानुकूलित द्वितीय (2 AC II Tier)
4 वातानुकूलित तृतीय (4 AC III Tier)
2 वातानुकूलित तृतीय इकॉनॉमी (2 AC III Tier Economy)
6 शयनयान (6 Sleeper)
4 सामान्य द्वितीय श्रेणी (4 General Second Class)
1 गार्ड्स ब्रेक व्हॅन आणि 1 जनरेटर व्हॅन
तिकीट आरक्षण आणि बुकिंग माहिती
आरक्षण सुरू होण्याची तारीख: गाडी क्रमांक 01113 साठीचे आरक्षण 20.09.2026 रोजी सर्व पीआरएस (PRS) केंद्रांवर आणि आयआरसीटीसीच्या अधिकृत संकेतस्थळावर (www.irctc.co.in) सुरू होईल.
अनारक्षित तिकिटे: सामान्य दरांसह अनारक्षित डब्यांचे बुकिंग यूटीएस (UTS) प्रणालीद्वारे करता येईल.
प्रवाशांच्या सोयीसाठी 'रेलवन' (RailOne) ॲपचाही वापर तिकीट आरक्षणासाठी करता येणार आहे.
या विशेष गाड्यांच्या थांब्यांवरील सविस्तर वेळापत्रक व इतर माहितीसाठी प्रवाशांनी www.enquiry.indianrail.gov.in या संकेतस्थळाला भेट द्यावी किंवा एनटीईएस (NTES) ॲप डाउनलोड करावे, असे आवाहन रेल्वे प्रशासनाकडून करण्यात आले आहे.(Ganpati Special Train)
