Cyber Crime : ‘Rent A Garba Partner’ की हनी ट्रॅप? गरब्याच्या व्हायरल जाहिरातींवर मुंबई ते अहमदाबाद सायबर क्राईमची नजर

नवरात्रोत्सव काही दिवसांवर येऊन ठेपला असताना गुजरात, मुंबईसह देशभरात गरबा आयोजनाची तयारी सुरू आहे. याच पार्श्वभूमीवर सोशल मीडियावर ‘Rent A Garba Partner’ म्हणजेच ‘भाड्याने गरबा पार्टनर’ अशा आशयाच्या जाहिराती व्हायरल झाल्याने खळबळ उडाली आहे. मुंबई, सुरत आणि अहमदाबादमध्ये या जाहिरातींची चर्चा असून, सायबर क्राईम यंत्रणांकडून त्याची चौकशी सुरू आहे.

मुंबई : नवरात्रोत्सव काही दिवसांवर येऊन ठेपला असताना गुजरात, मुंबईसह देशभरात गरबा आयोजनाची तयारी सुरू आहे. याच पार्श्वभूमीवर सोशल मीडियावर ‘Rent A Garba Partner’ म्हणजेच ‘भाड्याने गरबा पार्टनर’ अशा आशयाच्या जाहिराती व्हायरल झाल्याने खळबळ उडाली आहे. मुंबई, सुरत आणि अहमदाबादमध्ये या जाहिरातींची चर्चा असून, सायबर क्राईम यंत्रणांकडून त्याची चौकशी सुरू आहे. (Cyber Crime)


व्हायरल पोस्टमध्ये Silver, Gold आणि Platinum अशा पॅकेजेसचा उल्लेख करण्यात आला आहे. यामध्ये काही तास गरबा खेळणे, मॅचिंग पोषाख, गरब्याच्या स्टेप्स शिकवणे, सेल्फी आणि सोशल मीडिया Reels बनवणे यांसारख्या सेवांचा दावा करण्यात आला आहे. काही पॅकेजमध्ये कार्यक्रमात पूर्णवेळ सहभाग, फूड आउटिंग आणि घरी सुरक्षित पोहोचवण्याचाही उल्लेख आहे. (Cyber Crime)






बनावट जाहिराती; हनीट्रॅपची शक्यता


अहमदाबाद सायबर सेल आणि पोलिसांनी या जाहिराती बनावट असल्याचे स्पष्ट केल्याचे सांगण्यात येत आहे. नागरिकांनी अशा जाहिरातींवर विश्वास ठेवू नये किंवा पैसे देऊ नयेत, असे आवाहन करण्यात आले आहे.


दरम्यान, मिरा-भाईंदरचे भाजप आमदार नरेंद्र मेहता यांनी या प्रकरणी पोलीस आयुक्त निकेत कौशिक यांची भेट घेऊन लेखी तक्रार दिली आहे. या जाहिरातींच्या माध्यमातून फसवणूक, हनीट्रॅप, ब्लॅकमेलिंग किंवा आर्थिक लूट होण्याची शक्यता असल्याचा इशारा देत संबंधित सोशल मीडिया प्रोफाईल्सची सखोल चौकशी करण्याची मागणी त्यांनी केली आहे. (Cyber Crime)






चीनमधून आली संकल्पना?


‘भाड्याने पार्टनर’ घेण्याची संकल्पना चीनमधील काही ऑनलाइन प्लॅटफॉर्मवर आढळते. तिथे विशेषतः Lunar New Yearच्या काळात कुटुंबीयांचा लग्नाचा दबाव टाळण्यासाठी तरुण-तरुणी भाड्याने पार्टनर घेत असल्याचे सांगितले जाते. मात्र, भारतात नवरात्रोत्सवाच्या पार्श्वभूमीवर अशा जाहिराती समोर आल्याने त्यावर प्रश्न उपस्थित झाले आहेत.


सध्या मुंबई, अहमदाबाद आणि सुरत येथील सायबर क्राईम यंत्रणा या जाहिरातींमागील सूत्रधारांचा शोध घेत असून, नागरिकांनी सोशल मीडियावरील अशा संशयास्पद जाहिरातींपासून सावध राहण्याचे आवाहन करण्यात आले आहे. (Cyber Crime)


Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई*

मुंबई (विशेष प्रतिनिधी): पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

Drug Department : औषध विभागाची सात महिन्यांत मोठी कारवाई; 17.73 कोटींचा साठा जप्त, 555 परवाने रद्द

मुंबई : अन्न व औषध प्रशासनाच्या (FDA) औषध विभागाने 1 एप्रिल ते 31 ऑक्टोबर 2026 या सात महिन्यांच्या कालावधीत राज्यभरातील

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा