मुंबई : मुंबई बंदर प्राधिकरणाने अत्यंत अवजड आणि मोठ्या आकाराच्या औद्योगिक उपकरणांची यशस्वी हाताळणी करत नवी कामगिरी नोंदवली आहे. 24 सप्टेंबर 2026 रोजी विशेष ‘बार्ज रोल-ऑफ’ पद्धतीचा वापर करून 718, 502 आणि 232 मेट्रिक टन वजनाची तीन मोठी मालवाहू पॅकेजेस सुरक्षितपणे किनाऱ्यावर उतरवण्यात आली. (Mumbai Port)
गुजरातमधील दाहेज येथून बार्जद्वारे हे तीन पॅकेजेस मुंबई बंदरात आणण्यात आले होते. हे सामान संयुक्त अरब अमिरातीतील अबू धाबी नॅशनल ऑइल कंपनीकडे निर्यात केले जाणार आहे. पुढील जहाज उपलब्ध होईपर्यंत हा माल मुंबई बंदरात साठवून ठेवण्यात येणार आहे.
मुंबई : आगामी पूजा, दिवाळी आणि छठ उत्सवाच्या काळात रेल्वे प्रवाशांची होणारी अतिरिक्त गर्दी लक्षात घेऊन मध्य रेल्वेने तब्बल 418 विशेष गाड्या चालवण्याची ...
या मालामध्ये 718 मेट्रिक टन वजनाचे Process Gas Cooler (PG Cooler), 502 मेट्रिक टन वजनाचे Riser & Downcomer आणि 232 मेट्रिक टन वजनाचे Steam Drum यांचा समावेश आहे. मोठे आकार आणि प्रचंड वजनामुळे पारंपरिक जहाजावरील किंवा किनाऱ्यावरील क्रेनच्या मदतीने हा माल उतरवणे शक्य नव्हते. (Mumbai Port)
त्यामुळे मुंबई बंदर प्राधिकरणाने विशेष बार्ज रोल-ऑफ पद्धतीचा वापर केला. या प्रक्रियेत बार्ज किनाऱ्याला काटकोनात उभी करून हायड्रोलिक पुलर असलेले ट्रेलर्स मालाच्या खाली नेण्यात आले. त्यानंतर हायड्रोलिक प्रणालीच्या मदतीने ही अवजड पॅकेजेस ट्रेलर्सवर सुरक्षितपणे उचलून चाकांवरून थेट किनाऱ्यावर आणण्यात आली. (Mumbai Port)
Nashik : पावसाने ओढ दिल्याने निर्माण झालेल्या दुष्काळी परिस्थितीच्या पार्श्वभूमीवर राज्य सरकारने अखेर २६५ तालुक्यांत दुष्काळ जाहीर केला आहे. राज्यातील ...
मुंबई बंदराच्या लॉक गेटमधील स्थिर पाण्यामुळे या प्रक्रियेदरम्यान बार्ज आणि किनाऱ्यामध्ये आवश्यक संतुलन राखणे शक्य झाले. त्यामुळे संपूर्ण हाताळणी सुरक्षितपणे पूर्ण करण्यात आली.
या कामगिरीमुळे अत्यंत अवजड औद्योगिक उपकरणांची वाहतूक आणि निर्यात करण्यासाठी मुंबई बंदराची क्षमता अधोरेखित झाली आहे. तसेच भारतात उत्पादित औद्योगिक उपकरणांना आंतरराष्ट्रीय बाजारपेठांपर्यंत पोहोचवण्यासाठी बंदर सुविधा, किनारपट्टीवरील जलवाहतूक आणि प्रकल्प रसद व्यवस्थापनाचे महत्त्वही स्पष्ट झाले आहे. (Mumbai Port)
