Thane Ganesh Idol Photo Ban: विसर्जित गणेशमूर्तींच्या छायाचित्रणावर ठाणे पोलिसांची बंदी; निर्णयाविरोधात पर्यावरण कार्यकर्ते न्यायालयात

ठाणे: यंदाचा गणेशोत्सव हा १४ सप्टेंबर ते २५ सप्टेंबर या कालावधीत दरवर्षीप्रमाणे थाटामाटात साजरा झाला. परंतु विसर्जनानंतर अर्धवट विसर्जित झालेल्या गणेशमूर्ती या किनाऱ्यावर वाहून येतात किंवा पाण्यासोबत तरंगत असतात. या तरंगणाऱ्या मूर्तींचे छायाचित्र काढण्यावर, ते प्रसिद्ध करण्यावर आता ठाणे पोलिसांनी सक्त मनाई केली आहे. यासंदर्भातील आदेश ठाणे पोलिसांकडून जारी करण्यात आला आहे. परंतु या आदेशाला पर्यावरण कार्यकर्ते रोहित जोशी यांनी आव्हान दिलं आहे. तसेच या प्रकरणी मुंबई उच्च न्यायालयात दाद मागणार असल्याचे देखील त्यांनी स्पष्ट केले. (Thane Ganesh Idol Photo Ban)






११ सप्टेंबर २०२६ रोजी भारतीय नागरिक सुरक्षा संहिता, २०२३ च्या कलम १६३ अंतर्गत विसर्जित गणेशमूर्तींचे छायाचित्र काढण्यावर मनाई करणारा आदेश ठाणे पोलिसांकडून देण्यात आला. या आदेशानुसार अर्धवट विसर्जन झालेल्या गणेश मूर्तींचे छायाचित्र काढण्यास तसेच मूर्ती गोळा करणाऱ्या पालिका कर्मचाऱ्यांचे छायाचित्रण करण्यास आणि ते प्रसारित करण्यास बंदी घालण्यात आली आहे. त्यानंतर १५ सप्टेंबर ते ४ ऑक्टोबर या कालावधीत हा आदेश लागू करण्यात आलेला आहे. या आदेशाचे पालन न केल्यास कठोर कारवाई केली जाईल, असे आदेश देण्यात आले आहेत. पोलिसांच्या आदेशानुसार, असे फोटोज प्रसारित केल्याने धार्मिक भावना दुखावल्या जाऊ शकतात तसेच कायदा व सुव्यवस्थेचा प्रश्नदेखील निर्माण होऊ शकतो. तसेच या आदेशाचे उल्लंघन केल्यास भारतीय न्याय संहितेच्या कलम २२३ अंतर्गत कारवाई होऊ शकते.


ठाणे पोलिसांच्या या आदेशाला रोहित जोशी यांनी आव्हान दिले असून याप्रकरणी त्यांनी न्यायालय अवमानाची नोटीस बजावली आहे. जोशी यांच्या म्हणण्यानुसार, मूर्तींच्या छायाचित्रणावरील बंदीमुळे पर्यावरणीय संरक्षणासाठी, न्यायालयीन कार्यवाहीसाठी अडथळे येऊ शकतात. जलस्रोतांची वास्तविक स्थिती पालिका प्रशासनापर्यंत पोहोचवण्यासाठी या छायाचित्रांचा पुराव्यासाठी उपयोग होत असल्याचे त्यांनी सांगितले. दरम्यान, या आदेशात कोणालाही वैयक्तिक सूट दिली जाणार नसून रोहित जोशी यांना न्यायालयाकडून औपचारिक परवानगी घ्यावी लागेल, असे ठाणे पोलिसांनी सांगितले आहे. (Thane Ganesh Idol Photo Ban)

Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई

मुंबई (विशेष प्रतिनिधी): पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

Drug Department : औषध विभागाची सात महिन्यांत मोठी कारवाई; 17.73 कोटींचा साठा जप्त, 555 परवाने रद्द

मुंबई : अन्न व औषध प्रशासनाच्या (FDA) औषध विभागाने 1 एप्रिल ते 31 ऑक्टोबर 2026 या सात महिन्यांच्या कालावधीत राज्यभरातील

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा