सौरव गांगुली आणि दिल्ली कॅपिटल्सचं नातं
सौरव गांगुली आणि दिल्ली कॅपिटल्स हे समीकरण 2019 पासून जुळून आलं आहे. या फ्रेंचायझीच्या सल्लागारपदी ते होते. त्यानंतर दिल्ली कॅपिटल्सने पुरूष आणि महिला या दोन्ही संघाच्या क्रिकेट संचालकपदी त्यांची नियुक्ती केली. गांगुली यांनी यावर्षी एसए20 लीगमध्ये दिल्ली फ्रँचायझीच्या प्रिटोरिया कॅपिटल्स संघाचं मुख्य प्रशिक्षकपद भूषवलं होतं. णि त्यांच्या प्रशिक्षणाखाली संघ अंतिम फेरीत पोहोचला होता, पण पराभवाचं तोंड पाहावं लागलं. सनरायझर्स इस्टर्न केपने केपटाऊन येथे झालेल्या अंतिम सामन्यात प्रिटोरिया कॅपिटल्सचा 6 गडी राखून पराभव केला. दिल्ली कॅपिटल्सने या कामगिरीनंतर त्यांच्यावर आणखी जबाबदारी टाकली आहे.
Harmanpreet Kaur: कर्णधार म्हणून हरमनप्रीत कौरची जागा कोण घेणार? हे नाव आघाडीवर
हरमनप्रीत कौरच्या नेतृत्वात भारतीय महिला संघाने देदिप्यमान यश मिळवलं आहे. तिच्या नेतृत्वात भारतीय संघाने वनडे वर्ल्डकप स्पर्धेत पहिल्यांदाच ...
"Dilli mein ab Dadagiri hogi” 🔥 https://t.co/fP6WMeLGO5
— Delhi Capitals (@DelhiCapitals) October 6, 2026
काय म्हणाला सौरव गांगुली?
दिल्ली कॅपिटल्सच्या मुख्य प्रशिक्षपदी विराजमान झाल्यानंतर सौरव गांगुलीने आपल्या भावना व्यक्त केल्या आहेत. सौरव गांगुली म्हणाला की, "दिल्ली कॅपिटल्स माझ्या हृदयाच्या खूप जवळ आहे. गेल्या अनेक वर्षांपासून माझे फ्रेंचायझीशी एक घट्ट नाते आहे. मी फ्रँचायझीचे मालक, व्यवस्थापन, सपोर्ट स्टाफ आणि खेळाडू यांच्यासोबत जवळून काम केले आहे. ही नवीन भूमिका माझ्यासाठी खूप रोमांचक असेल. दिल्लीकडे एक प्रतिभावान संघ आहे जो काही काळापासून उत्कृष्ट क्रिकेट खेळत आहे. मी त्यांच्यासोबत काम करण्यास उत्सुक आहे." दिल्ली कॅपिटल्स संघाला अद्याप एकही जेतेपद मिळवता आलेलं नाही. 2020 मध्ये अंतिम फेरी गाठली होती, मात्र पराभवाचं तोंड पाहावं लागलं. 2021पासून तर प्लेऑफही गाठली नाही. त्यामुळे सौरव गांगुलीकडून मोठी अपेक्षा असणार आहे.