Ibrahim Ali Khan : बॉलिवूडमध्ये काही कलाकारांच्या नात्यांची चर्चा त्यांच्या अधिकृत कबुलीशिवायच रंगते. अभिनेत्री पलक तिवारी (Palak Tiwari) आणि अभिनेता इब्राहिम अली खान यांच्याबाबतीतही असेच घडले. दोघे अनेकदा एकत्र पार्टी करताना, फिरताना आणि सुट्ट्यांचा आनंद घेताना दिसले. मात्र, त्यांनी कधीही आपल्या नात्याची अधिकृत कबुली दिली नाही. आता हे कथित जोडपे विभक्त झाल्याची चर्चा सुरू झाली आहे. वृत्तानुसार, तीन वर्षांहून अधिक काळ एकमेकांना डेट केल्यानंतर दोघांनी वेगळे होण्याचा निर्णय घेतला आहे. ( Ibrahim Ali Khan)
Political News: कर्जत येथील प्रस्तावित पंप स्टोरेज प्रकल्पावरून सुरू असलेल्या वृक्षतोडीच्या वादात भाजपचे मुंबई अध्यक्ष आणि आमदार अमित साटम यांनी ठाकरे बंधू ...
इब्राहिमने नाते संपवण्याचा पुढाकार घेतल्याची चर्चा
30 ऑक्टोबर रोजी ‘हिंदुस्तान टाइम्स’मध्ये प्रसिद्ध झालेल्या वृत्तानुसार, या दोघांच्या जवळच्या सूत्रांनी त्यांच्या ब्रेकअपची माहिती दिली आहे. सूत्रांच्या दाव्यानुसार, इब्राहिमनेच नाते संपवण्याचा पुढाकार घेतला. मात्र, विभक्त होण्यामागचे नेमके कारण अद्याप समोर आलेले नाही. दोघांनी परस्पर संमतीने वेगळे होण्याचा निर्णय घेतल्याचेही वृत्तात म्हटले आहे.
विशेष म्हणजे, काही दिवसांपूर्वीच पलक आणि इब्राहिम राजस्थानमधील रणथंबोर येथे टायगर सफारीदरम्यान एकत्र दिसले होते. त्यामुळे ब्रेकअपच्या बातमीने चाहत्यांना आश्चर्याचा धक्का बसला आहे. दोघे अजूनही सोशल मीडियावर एकमेकांना फॉलो करत आहेत.
वृत्तानुसार, इब्राहिमचा एका सेलिब्रिटी टॉक शोमध्ये आगामी एपिसोड आहे. त्यामुळे त्याच्या शोमधील सहभागापेक्षा ब्रेकअपची चर्चा अधिक होऊ नये, अशी त्याची इच्छा असल्याचा दावा सूत्रांनी केला आहे. दोघांचे एकत्रित चित्रीकरणही नियोजित होते. मात्र, ते रद्द करण्यात आले किंवा पुढे ढकलण्यात आल्याचे सांगितले जात आहे. दोघांनाही सध्या आपापल्या करिअरवर लक्ष केंद्रित करायचे असल्याचेही वृत्तात नमूद करण्यात आले आहे.
2022 पासून सुरू झाली होती डेटिंगची चर्चा
पलक आणि इब्राहिम यांच्या नात्याची चर्चा 2022 मध्ये सुरू झाली. त्यावेळी दोघे मुंबईतील एका रेस्टॉरंटमधून एकत्र बाहेर पडताना दिसले होते. पापाराझींच्या कॅमेऱ्यांपासून वाचण्यासाठी पलकने चेहरा लपवण्याचा प्रयत्न केला होता. त्यानंतर अनेक पार्टी आणि सार्वजनिक कार्यक्रमांमध्ये दोघे एकत्र दिसले. त्यांच्या सुट्ट्यांमधील फोटो आणि व्हिडिओंमुळेही त्यांच्या नात्याच्या चर्चांना अधिक जोर मिळाला.
दोघांनीही नात्याची अधिकृत कबुली दिली नव्हती
पलक तिवारी ही अभिनेत्री श्वेता तिवारी यांची मुलगी आहे, तर इब्राहिम अली खान हा अभिनेता सैफ अली खान आणि अमृता सिंग यांचा मुलगा आहे. इब्राहिमने ‘नादानियाँ’ या चित्रपटातून अभिनय क्षेत्रात पदार्पण केले. तर पलक सलमान खानच्या ‘किसी का भाई किसी की जान’ या चित्रपटात झळकली होती.
दोघांनीही आपल्या डेटिंगच्या चर्चांवर नेहमीच मौन बाळगले. एका मुलाखतीत इब्राहिमने पलकला केवळ चांगली मैत्रीण म्हटले होते. दरम्यान, कथित ब्रेकअपच्या वृत्तावर पलक किंवा इब्राहिम यांच्यापैकी कोणीही अद्याप अधिकृत प्रतिक्रिया दिलेली नाही.
