मोहित सोमण: अक्झो नोबेल इंडिया लिमिटेड (Akzo Nobel India Limited) कंपनीचे शेअर आज जोरदार कोसळले आहेत. एका प्रसारमाध्यमांनी दिलेल्या सुत्रांच्या वृत्ताच्या आधारे शेअर मधील वाढलेल्या नकारात्मक प्रतिसादामुळे शेअरमधील सेल ऑफ वाढले असून मागणी घसरल्याने शेअर थेट १५% कोसळला असल्याने ३०८० रूपये प्रति शेअर व्यवहार करत होता. सकाळी ११.३० वाजेपर्यंत कंपनीच्या शेअर्समध्ये १२.७७% घसरण झाल्याने प्रति शेअर किंमत ३१६१.३० रूपयांवर व्यवहार करत आहे. काल एका आघाडीच्या वृत्तवाहिनीने कंपनीने ब्लॉक डील केल्याचे अहवालात म्हटले असल्याचे वृत्त प्रसिद्ध केल्यानंतर शेअर मोठ्या संख्येने कोसळला. माहितीनुसार अद्याप खरेदी व विक्रीदार यांची माहिती समोर आली नसली तरी ३१५९ रूपये प्रति शेअरसह १६३८.५ कोटीचे हे डील झाल्याचे सांगण्यात आले आहे.
अहवालातील आणखी एका माहितीनुसार, १२९०.६ रूपये फ्लोअर प्राईजसह ३१५० रूपये प्रति शेअर असा सौदा झाल्याचे सांगण्यात येत आहे. ज्यामध्ये खरेदीदारांना १३% प्रति शेअर सवलत देण्यासहित हा व्यवहार झाला असल्याचे अहवालात म्हटले जात आहे. कंपनीच्या प्रमोटरनी ९% हिस्सा या सौद्यासहित विकण्याचे ठरवले होते असे अहवालात म्हटले आहे. उपलब्ध माहितीनुसार, डिसेंबर महिन्यात जेएसडब्लू पेंटस कंपनीने या अक्झो कंपनीचे ६०.७% इतका प्रभावी हिस्सा खरेदी केला होता ज्यामुळे व्यवस्थापनाचे नियंत्रण जेएसडब्लूकडे आले होते.
यापूर्वी शेवटच्या सप्टेंबर तिमाहीत कंपनीला इयर ऑन इयर बेसिसवर (YoY) ९७ कोटी तुलनेत वाढत १६८२ कोटीवर पोहोचला होता. मात्र महसूलात मात्र १५% घसरण झाल्याने महसूल १८७४ कोटीवर पोहोचला होता. कंपनीच्या नफ्यातील शीर्ष (Topline) वाढ झाल्याचे आकडेवारीतून स्पष्ट झाले होते. तसेच कंपनीच्या खर्चातही इयर ऑन इयर बेसिसवर ८६० कोटीवरुन ७४५ कोटींवर घसरण झाली होती.
गेल्या ५ दिवसात शेअर १०.९९% घसरला असून एक महिन्याच्या कालावधीत शेअर ५.०८%% घसरला आहे. वर्षभरात कंपनीच्या शेअर्समध्ये ११.३५% घसरण झाली होती. अक्झो नोबल प्रामुख्याने केमिकल्स उद्योगात कार्यरत आहे.